എന്റെ പെണ്ണ് ? [Mohammed Rashid Ottuvayal] 180

ആ കാപ്പികളർ എടുത്തോളി… ഞാൻ ആണെങ്കി ആകെ കൂടി വഷളായ പോലെ.. മെല്ലേ ആ രണ്ടുർപ്യന്റെ സിപ്പപ്പും വാങ്ങി അവൾക് നേരെ നീട്ടി… ന്നാ അന്റെ കാപ്പി.. അല്ല ചോക്ലേറ്റ്… ഇനി ഇത് കിട്ടാനിട്ട് സങ്കടപ്പെടേണ്ട…. നൈസ് ആയിട്ട് ഒപ്പിച്ചു… ? ഞാൻ മെല്ലെ ഓളെ മുഖത്തേക്ക് നോക്കി.. പല്ലും കടിച്ചു ഉണ്ട കണ്ണ് കൊണ്ട് ഒരു നോട്ടം നോക്കി…. ഔ ന്റെ റബ്ബേ… ആ നോട്ടത്തിൽ ചെറിയ ഒരു പുഞ്ചിരികൂടി ണ്ടായത് കൊണ്ട് ഞാൻ കൈച്ചിലായി…. ഉള്ളത് കൊണ്ട് ഓണം പോലെ എന്നും പറഞ്ഞ് നേരെ വീട്ടിലേക് വിട്ടു… പക്ഷെ ആൾക്ക് സംഗതി അത്രക്ക് സുഖിച്ചിട്ടില്ല… ഒരക്ഷരം മിണ്ടുന്നില്ല… എനിക്കറിയാം പുറത്ത് ഇങ്ങനെ ഒക്കെ കാണിക്കുമെങ്കിലും അവളുടെ ഉള്ളില് മൊത്തം എന്നോട് സ്നേഹം മാത്രം ആണ്.. പക്ഷെ പെണ്ണല്ലേ വർഗ്ഗം.. അത് അങ്ങനെ ഒന്നും പുറത്ത് കാണിക്കൂല…

ഏതായാലും വീട്ടിൽ എത്തി, എന്നോട് ഒന്നും മിണ്ടാതെ ആള് കിടന്നു… എങ്ങനെ ഇപ്പോ ഒന്ന് സോപ്പിടാ… പാത്തു…. പാത്തുമ്മാ…. ന്നോട് തെറ്റിക്കാ ഇജ്ജ്.. ഹും.. ഒരു രക്ഷയും ഇല്ലന്ന് കണ്ടപ്പോ അവളുടെ അടുത്തേക്ക് ഒന്നൂടെ അടുപ്പിച്ചു കിടന്നു… അരയിൽ കൂടി കെട്ടിയങ് പിടിച്ചു… ബാക്കി ഞാൻ പറയണ്ടല്ലോ… ??

അങ്ങനെ എല്ലാം കഴിഞ്ഞ് അവൾ ഉറക്കിലേക് വീണു… എന്തായാലും രാവിലെ തന്നെ അവൾക് ഐസ്ക്രീം കൊടുന്നു കൊടുക്കണം എന്നും മനസ്സിൽ വിചാരിച്ചു ഞാനും ഉറങ്ങി… സമയം ഏകദേശം 8 മണി ആയപ്പോ ഞാൻ എണീറ്റു… നേരെ അടുക്കളയിൽ ചെന്നപ്പോ ഉമ്മ ദോശ ഉണ്ടാകുന്നുണ്ട്..

ഉമ്മാ.. ഉമ്മാ.. എന്താടാ… കുഞ്ഞോള് എവടെ…

കുഞ്ഞോളോ…? അതാരാ…??

ഉമ്മ അന്തം വിട്ട് എന്നോട് ചോയ്ച്ചു..

ഞാൻ കണ്ണും തിരുമി കൊണ്ട് നീട്ടി ഒരു കോട്ടുവായും ഇട്ട് പറഞ്ഞു..

ആ മ്മാ ന്റെ പെണ്ണ്.. ഓള് എവിടെ…

എന്തൊക്കെ ഇജ്ജ് പിച്ചിം പായിൻ പറയ്ണെ… വേഗം കുളിച് മാറ്റി സ്‌കൂൾക്ക് പോകാൻ നോക്കടാ…