എന്നിലെ നിന്നെ (ട്രൈലെർ)[നൗഫു] 3660

സൂചി വീണാൽ പോലും കേൾക്കാൻ പറ്റുന്ന നിശബ്ദത അവിടെ തളം കെട്ടി നിൽക്കുവാൻ തുടങ്ങി…

ആയിഷ വീണ്ടും അജ്മൽ ഇരിക്കുന്ന സോഫയുടെ അടുത്തേക് നടന്നു വന്നു അവന് അരികിലായി ഇരുന്നു…

അജ്മൽ തല കൈകളിലെ ക് വെച്ചു കുനിഞ്ഞു ഇരിക്കുകയാണ്…

ആയിഷ അവന്റെ തലയിൽ പതിയെ തലോടുവാനായി തുടങ്ങി..

“മോനെ.. നിന്റെ മനസിൽ എന്താണെന്നു എനിക്കറിയാം… ഞാൻ ജീവിച്ചിരിക്കുമ്പോൾ പാത്തു അനാഥ ആകില്ല എന്നല്ലേ?…”

അജ്മലിന്റെ ഉള്ളിൽ ഉള്ളത് തന്നെ ആയിഷ പറഞ്ഞപ്പോൾ അജ്മൽ പെട്ടന്ന് തന്നെ തല ഉയർത്തി ഉമ്മയെ നോക്കി…

“അതൊക്കെ നിനക്ക് ഇപ്പൊ തോന്നുന്നതാ.. കുറച്ചു വർഷങ്ങളോ അല്ലേൽ നിന്റെ വിവാഹം കഴിഞ്ഞതിന് ശേഷമോ നിനക്ക് അവളെ നോക്കുവാൻ സാധിച്ചില്ലേൽ.. അത് മാത്രമല്ല.. ഞാനും നിന്റെ ഉപ്പയുമെല്ലാം എത്ര കാലം ഇനിയും ഈ ഭൂമിയിൽ ഉണ്ടാവും… ഒരു ഉറപ്പും ഇല്ലല്ലോ ഒരു കാര്യത്തിനും …”

ആയിഷ അജ്മലിനെ നോക്കി കൊണ്ട് തന്നെ തുടർന്നു…

“എനിക്ക് അവളെ വിട്ടു പിരിയാൻ കഴിയില്ലെടാ… എന്റെ മരുമകളായി ആയിരുന്നു ഈ വീട്ടിലേക് വന്നതെങ്കിലും.. അന്ന് മുതൽ ഞാൻ അവളെ മോളെ പോലെയാ കണ്ടത്…

എന്ന് കരുതി ഞാൻ അവളെ ചീത്ത പറയാതെ ഇരിക്കുകയൊന്നും ചെയ്തിട്ടില്ല.. നിന്റെ അനിയത്തി ഫർസാന എന്തേലും കുറ്റം ചെയ്താൽ ഉമ്മ ചീത്ത പറയുന്നത് പോലെ തന്നെ അവളെയും പറഞ്ഞിട്ടുണ്ട്.. പക്ഷെ ഉമ്മാക് ഇപ്പൊ അവളെ ഒറ്റപ്പെടുത്താൻ കഴിയില്ലെടാ…”

ഉമ്മയുടെ വാക്കുകളിൽ ഒരു മകളോടുള്ള വാത്സല്യം നിറഞ്ഞിരുന്നു…