എനിക്കായ് അവസാന ഭാഗം ❤❤❤ [നൗഫു] 4086

ഞാൻ അദ്ദേഹത്തെ ഇത് വരെ കണ്ടിട്ടില്ല, ഷാനയുടെ കൂടെ വന്നത് കൊണ്ട് തന്നെ അവളുടെ ഭർത്താവ് ആണെന്ന് മനസ്സിലായി..

“ഷാന എന്നോട് എല്ലാം പറഞ്ഞിട്ടുണ്ട്… അവളെ എനിക്ക് തന്ന നിന്നോട് എനിക്ക് ഒരുപാട് നന്ദി ഉണ്ട് ട്ടോ..”

ഞാൻ ഒരു ചെറു പുഞ്ചിരി മുഖത്തു വരുത്തി.

അവരുടെ തൊട്ട് പിറകിലായി ഗ്രീഷ്മയും ഫാമിലിയും ആ ഭാഗത്തേക്കു കയറി വന്നു.. ഒന്ന് പരിചയം പുതിക്കിയ ശേഷം ഞങ്ങൾ എല്ലാവരും കൂടെ ഒരു ഗ്രൂപ്പ്‌ ഫോട്ടോ എടുത്തു..

പതിയെ അവർ ഓരോരുത്തരായി അവിടെ നിന്നും ഇറങ്ങി.. എന്റെ കൂടെ ഉള്ളത് ആകെ ഇനി ഏറ്റവും അടുത്ത നാല് ഫ്രണ്ട്സ് മാത്രമാണ്… ബാക്കി എല്ലാവരും അവിടെ നിന്നും പോയിരുന്നു,

പരിപാടി എകദേശം കഴിഞ്ഞപ്പോൾ ഞാനും അവിടെ നിന്ന് ഇറങ്ങി.. ഇറങ്ങുന്നതിന് മുമ്പ് അഷ്‌വ എന്റെ കയ്യിൽ മുറുകെ പിടിച്ചിരുന്നു.. ഞാൻ അവളുടെ മുഖത്തേക് നോക്കി പുഞ്ചിരിച്ചു, എന്റെ മനസ്സിലുള്ള ഉറപ്പ് പോലെ, ഞാൻ രണ്ട് ദിവസം കൊണ്ട് വരും എന്റെ പെണ്ണിനെ, എന്റെ റൂഹിന്റെ പതിയെ കൈ പിടിച്ചു കൊണ്ട് പോകാൻ…

❤❤❤

വീട്ടിൽ തന്നെ ആയിരുന്നു വിവാഹത്തിന്റെ പന്തൽ… അലങ്കാര പണികളെല്ലാം കഴിഞ്ഞു കൂട്ടുകാർ ഒരു വിധം പോയി… സമയം രാത്രി പത്തു മണിയോട് അടുക്കുന്നു…

അന്ന് പതിവ് പോലെ അഷ്‌വ അവൾക് കിട്ടുന്ന ഒഴിവിന് അനുസരിച്ചു എന്നെ ഒരുപാട് വട്ടം വിളിച്ചിരുന്നു… ഇടക്കിടെ അവളുടെ ശബ്ദം കേൾക്കാഞ്ഞാൽ എനിക്കും വല്ലാതെ ആകും.. ഇക്കാ എന്നുള്ള ആ വിളിയിൽ ഒരു പാട് സ്നേഹം അടങ്ങിയിരുന്നു.. അത് അങ്ങനെ ആണല്ലോ.. നമുക്ക് പ്രിയപ്പെട്ടവരുടെ ഓരോ വാക്കിലും നമ്മൾ സന്തോഷം കണ്ടെത്തും…