ഋതു 3

Author : Loki | Previous Part

 

ആദ്യത്തെ രണ്ട് ഭാഗങ്ങൾക്കും നിങ്ങൾ തന്ന സപ്പോർട്ടിനു നന്ദി ❤

 

ശ്രീ ആകെ അസ്വസ്ഥൻ ആയിരുന്നു.. ഋതുവിന്റെ കാര്യവും മെറിന്റെ ചതിയും എല്ലാം കൊണ്ടും അവന്റെ മനസ് കലുഷിതമായിരുന്നു…

 

പോലീസുകാരിൽ ഒരാൾ ശ്രീയുടെ അടുത്തേക്ക് ചെന്നു….ആ കൊച്ചിന് ഇതുവരെ ബോധം വീണിട്ടില്ല.. അവളുടെ മൊഴി കൂടെ എടുത്താൽ പിന്നെ നീ പുറം ലോകം കാണാൻ സാധ്യത ഇല്ല..

 

അത് കേട്ട് ശ്രീ ഒന്ന് ചിരിച്ചതല്ലാതെ ഒന്നും പറഞ്ഞില്ല  അത് തന്നെ ആയിരുന്നു അവനു വേണ്ടത് അവൾക് മാത്രമേ സത്യം എന്താണെന്നറിയൂ..

 

പുച്ഛത്തോടെ അവനെ നോക്കിയശേഷം അയാൾ പുറത്തേക് പോയി.. ഋതുവിനെ അവിശ്വസിക്കാൻ തോന്നിയ നിമിഷത്തെ അവൻ ശപിച്ചു…

*********************************

 

റോബിന്റെ വീട്ടിൽ…

 

അവൾക് ബോധം വീണാൽ എല്ലാം പൊളിയില്ലേ? അപ്പോൾ ഞാൻ അത് ചോദിച്ചപ്പോൾ നീ പറഞ്ഞത് സമയം ആവട്ടെ പറയാം എന്നാണ്.. അരിശത്തോടെ റോബിൻ മെറിനോട് ചോദിച്ചു..

 

ഇല്ല അവൾക് ഇതൊന്നും ഓർമ്മ ഉണ്ടാവില്ല.. ഇന്ന് നടന്ന ചില കാര്യങ്ങൾ ഒക്കെ ഓർക്കാൻ സാധിച്ചേക്കും.. പക്ഷെ നമ്മളാണെന്ന് അവൾക് ഓർമ്മ ഉണ്ടാവില്ല..

 

നീ എന്താ പറഞ്ഞുവരുന്നത്… അവൾ എന്റെ പേര് വിളിച്ചത് നീയും കേട്ടതെല്ലേ…അവൾ നമ്മളെ വ്യക്തമായി കണ്ടതാണ്..

 

കണ്ടിരിക്കാം പക്ഷെ അതൊന്നും അവളുടെ ഓർമയിൽ ഉണ്ടാവില്ല..