ഉണ്ടകണ്ണി 12 [കിരൺ കുമാർ] 482

“നീ എന്നെ കാണണം ന്നും പറഞ്ഞു വിളിച്ചു വരുത്തിയെ എന്തിനാ?”

“ഒന്നുമില്ല ”

“ദെ കോപ്പേ … കളിക്കല്ലേ മര്യാദക്ക് പറ ”

” ഒന്നുമില്ലന്നെ”

“പിന്നെ പിന്നെ എന്തോ ഉണ്ട്, അമ്മയെ കാണാൻ ഒന്നും അല്ല നീ വിളിച്ചത്”

“ഒന്നുമില്ല ന്ന് പറഞ്ഞില്ലേ”

അവൻ സ്വൽപം ദേഷ്യത്തിൽ പറഞ്ഞു

“ഓഹോ ന്ന ഞാൻ പോണ് ഇനി നീ വിളിക്ക് അപ്പോ കാണിച്ചു തരാം ഞാൻ ”

അവൾ വേഗത്തിൽ കാറിന് അടുത്തേക്ക് നടന്നു കാർ സ്റ്റാർട്ട് ആക്കി അവനെ നോക്കി മുഖം ചുളിച്ചു കാണിച്ചു ഓടിച്ചു പോയി…

കിരൺ അതൊകെ കണ്ടിട്ട് ചിരിച്ചുകൊണ്ട് നിന്നു.

അവൻ തിരികെ വീട്ടിലേക്ക് നടന്നപ്പോൾ അവൾ കാർ പാർക്ക് ചെയ്തിരുന്നതിന് അപ്പുറം മാറി കിടന്നിരുന്ന ഒരു ബ്ലാക് ബൊലേറോ സ്റ്റാർട്ട് ആയി ഓടി പോയി.

………………………………………………………………..

രാവിലെ വരെ അവളുടെ മെസ്സേജോ കൊളോ ഒന്നും വന്നിട്ടില്ല . നല്ല പിണകത്തിൽ ആണെന്ന് തോന്നുന്നു കിരൺ നു ചിരിയാണ് വന്നത് . അവൻ കുളിച്ചു റെഡി ആയി കോളേജിലേക്ക് ഇറങ്ങി  വണ്ടി എടുത്ത് അവളെ വിളിക്കാൻ വേണ്ടി അവളുടെ വീടിന് മുന്നിൽ എത്തിയപ്പോ അവൻ കണ്ടു പ്രതാപൻ കാറിൽ കയറി പോകുന്നത് ..