ആതിര 3 [ആദിത്യൻ] 213

“”അറിയാം അമൃതയല്ലേ.. നീയതിനെവിട്ടില്ലേ,, അവൾക്ക് ഇഷ്ടമല്ല എന്നൊക്കെ പറഞ്ഞു ജാഡ ഇട്ടിട്ടും നീയിപ്പോഴും പിന്നാലെ  നടക്കുവാണോ “”

“”ഹ ഹ അതാണ് മോനെ ഞാൻ പറഞ്ഞുവരുന്നത്,,,അവളെനിക്ക് സെറ്റായി””

ഒരു വിജയ ചിരിയോടെ അവനെന്നെ നോക്കി പറഞ്ഞു

കേട്ടത് സത്യം ആണോ അതോ സ്വപ്നമാണോ എന്നറിയാതെ ഞാൻ ഒന്ന് പകച്ചു,,, ഒരുകാലത്തും നടക്കില്ലെന്നു ഞാൻ കരുതിയ ഒരുകാര്യമാണ് ഇപ്പൊ നടന്നെന്ന് കേട്ടത്

“”എന്താന്ന്?? സെറ്റായോ.. എപ്പോ എങ്ങനെ “”ഞാൻ കാര്യങ്ങളറിയാനുള്ള ആവേശത്തോടെ അവനോട് ചോദിച്ചു

“”ഹ ഹ നീ പെടയ്ക്കാതെ പറയാം “”

“”എന്നാൽ പറ “”

ഞാൻ അക്ഷമാനായി ചോദിച്ചു

“”ഇന്നാള് ഒരുദിവസം ഞാൻ ക്ലാസ്സിൽ കിടന്നുറങ്ങുവായിരുന്നു അപ്പോൾ എന്റെ ഫ്രണ്ട് അഞ്ജലി… നിനക്ക് അറിയാലോ അവളെ,, അമൃതയുടെ കാര്യത്തിൽ എന്നെ ഹെല്പ് ചെയ്യുന്നത് മുഴുവൻ അവളാണ് “”

“”ആഹ് അതൊക്കെ എനിക്കറിയാം നിന്റെ വീട്ടിന്റെ അടുത്തുള്ള അവളല്ലേ.. അത് വിട് കാര്യം പറ “”

“”ആഹ് അങ്ങനെ കിടന്നുറങ്ങുമ്പോൾ ഇവളും അഞ്‌ജലിയും അവളുടെ വേറൊരു ഫ്രിണ്ടും വന്നു എന്നെ വിളിച്ചു,,,, ഞാൻ കുറച്ചു ജാഡയോക്കെയിട്ട് താല്പര്യമില്ലാതെപ്പോലെ അങ്ങോട്ട് ചെന്ന് എന്നാണെ..എന്നൊക്കെ അഞ്ജലിയോട് ചോദിച്ചു “”