അർജുന യുദ്ധം ? 5[cowboy] 268

അജൂ, അന്ന് അതിന് ശേഷം എന്തുണ്ടായി,
നിന്റെ പാസ്റ്റും ഭാമയുടെ അമ്മയും തമ്മിലെന്താ ബന്ധം..

അന്ന് ബാംഗ്ലൂരിലെത്തിയ എന്റെ മുന്നിലെ ലക്ഷ്യം ജയാനന്ത ഷെട്ടി മാത്രമായിരുന്നു, അച്ഛനെതിരെ ഉയർന്ന അവന്റെ കൈകൾ ഇനിയൊരിക്കലും ഉയരാൻ പാടില്ലെന്ന ഉറച്ച തീരുമാനത്തോടെ അവനെത്തേടിയിറങ്ങിയ എനിക്ക് അവനിലേക്കെത്താനുള്ള മാർഗം ഒന്നേ ഉണ്ടായിരുന്നുള്ളൂ…
അവരിലൊരാളായി മാറുക..
അതിന് വേണ്ടി ഞാൻ എത്തിച്ചേർന്നത് സ്ട്രീറ്റ്റ് ഫൈറ്റുകളിലേക്കായിരുന്നു..
ഒടുക്കം അവൻ എന്നെത്തേടിയെത്തി…

അർജുൻ പറഞ്ഞു നിർത്തി..

എങ്ങനെ, വെറും നാലാം കിട സ്ട്രീറ്റ് ഫൈറ്റുകൾ എങ്ങനെ നിന്നെ അവന്റെ മുന്നിലെത്തിച്ചു…

പറയാം..

അൻവർ അക്ഷമയോടെ അർജുനെ നോക്കി…

ബാംഗ്ലൂർ മജെസ്റ്റിക്ക്..
ഒരു മനോഹാരിതയുണ്ട് ആ സിറ്റിക്ക്,പക്ഷെ ചോരയുടെ മണവും..

ജയാനന്ദ ഷെട്ടിയെന്ന അധോലോക നായകൻറെ ചോരക്കൊതിയുടെ ഇരയായ ഒരു പയ്യൻ..

അമറെന്ന ജയാനന്ദ ഷെട്ടിയുടെ അനുസരണയുള്ള വേട്ടപ്പട്ടിയുടെ ഇര..

ചോരയുമൊലിപ്പിച്ച് പിന്നാലെ വരുന്ന ആ പതിനഞ്ചുകാരൻ പയ്യൻ എന്നെ അവരിലേക്കെത്തിച്ചു…

 

പ്ലീസ് ഹെല്പ് മീ സർ..
അവരെന്റെ അച്ഛനെ കൊന്നു,എന്നെയും കൊല്ലും..

അവനു മേൽ മാത്രമായി പതിഞ്ഞിരുന്ന സഹതാപ നോട്ടങ്ങൾ എന്നിലേക്കും നീണ്ടു,

ഡായ് അവന്നു സായിസ് ബിടു…
(ആ പയ്യനെ തീർക്കെടാ)..

അതൊരു ആക്രോശമായിരുന്നു..

അവശനായി വീണു കിടന്ന ആ പയ്യൻ അവനിൽ അവശേഷിച്ച ശക്തിയുമായി എണീറ്റു…

എന്താ നിന്റെ പേര്,വളരെ ശാന്തമായിരുന്നു അർജുന്റെ വാക്കുകൾ,…

വി…വികാസ്..

മ്മ്..
വികാസ് പേടിക്കണ്ടാട്ടൊ..
അവമ്മാര് ഒന്നും ചെയ്യില്ല..

അർജുൻ പറഞ്ഞു നിർത്തിയതും അവന്റെ പിന്നിൽ ഒരു കൈ പതിഞ്ഞു..

കയ്യെടുക്ക്..

ആ പയ്യനെ ഇങ്ങ് തന്നേര് കൊച്ചനെ..
ഇല്ലേല് മോന്റെ ഈ മസ്സിൽ ബോഡിയില് മണ്ണ് പറ്റും…

ഠോ…

ഒരു നിമിഷം ആ തെരുവ് തന്നെ നിശ്ചലമായി..

അടിയേറ്റു പുളയുന്നു ആറടിയിലേറെ ഉയരമുള്ള ആ ഗുണ്ട വേലുവായിരുന്നു,
ബാംഗ്ലൂരിന്റെ പേടിസ്വപ്നമായി ബ്ലേഡ് വേലു..

എന്നെ തൊട്ടാൽ നിന്റെയൊക്കെ എറച്ചീല് പറ്റുന്ന മണ്ണ് തൂത്ത് കളയാൻ ആ കൈ പോലും അവശേഷിക്കില്ല..
വെട്ടിയെറിയും ഞാൻ..