അർജുന യുദ്ധം ? 5

Author :Cowboy

‘എടാ,അജൂ പൊറത്ത് നിന്റെ മറ്റവള് വന്ന് നിപ്പുണ്ട്,കൂടെ ഏതോ സ്ത്രീയും’..
അൻവർ ഒരു ആക്കിയ ചിരിയും ചിരിച്ച് അർജുനോടായി പറഞ്ഞു…

മറ്റവളോ,യേത് മറ്റവള്..
കാലത്ത് തന്നെ മനുഷ്യനെ വട്ടാക്കല്ലേ അനൂ..

അല്ലടാ ദേ ഭാമ പുറത്തിരിപ്പുണ്ട്,
എന്നെ കണ്ടിട്ടില്ല..
ഇനീപ്പോ പുതിയ എന്തേലും പണിയും കൊണ്ടാവോ വന്നത്,
ഏതായാലും നീ ചെന്ന് സംസാരിക്ക്,ഇനീപ്പോ ശരിക്കും പെണ്ണിന് പ്രണയം തോന്നീട്ട് അമ്മയെയും കൂട്ടി ചെക്കനാലോചിച്ചു വന്നതാണെങ്കിലോ യേത്..

നിനക്കിത് എന്തിന്റെ കഴപ്പാണ് അനൂ..
അല്ലാ അവള് എന്തിനായിരിക്കും വന്നത്,
ആ പോയി നോക്കാം വാ..

അർജുൻ മുറിയിൽ നിന്നും ഇറങ്ങി,പിറകേ അൻവറും..

അമ്മേ അമ്മയിത് എന്ത് ഭാവിച്ചാ,എന്തിനാ ഇവിടെ വന്നത്..
ഭാമയുടെ സംസാരത്തിൽ ഷോപ്പിങ് മുടങ്ങിയ നീരസം നന്നേ പ്രതിഫലിക്കുന്നുണ്ടായിരുന്നു..

ആഹാ ആരാ ഇത്..

അർജുന്റെ സ്വരം കേട്ടതോടെ ഭാമയോട് എന്തോ പറയാനൊരുങ്ങിയ സ്മിത അത് വിഴുങ്ങിക്കളഞ്ഞു..

അജൂ..
ഭാമയുടെ സ്വരത്തിൽ ആശ്ചര്യം പ്രകടമായിരുന്നു..

അർജുൻ അല്ലേ..
സ്മിത ഒരു സംശയത്തോടെ അർജുനോടായി തിരക്കി..

മ്മ്..അർജുൻ മറുപടി ഒരു മൂളലിലൊതുക്കി..

ഞാൻ മോന്റെ അച്ഛൻ പറഞ്ഞിട്ടാണ്..

അറിയാം..
അർജുന്റെ മുഖത്തെ ഭാവം നിർവചിക്കാൻ പാടുപെട്ടു കൊണ്ട് ഭാമ അവനെ നോക്കി..

എനിക്കറിയാം മോനെന്നോട് ദേഷ്യമാണെന്ന്..
ഒന്നും മനഃപൂര്വമായിരുന്നില്ല..
സ്മിതയുടെ സ്വരം ഇടറിയിരുന്നു…

വേണ്ടാ,
ഞാനെന്താ വേണ്ടത് അത് പറ..
അവന്റെ നിസ്സംഗത അവരെ ഒന്നമ്പരപ്പിച്ചെങ്കിലും അവർ അവനോടായി പറഞ്ഞു തുടങ്ങി..

മോനെ എന്റെ മോളെ രക്ഷിക്കണം,അവൻ ആദിത്യൻ,
അവന്റെ ലക്ഷ്യവും ആഗ്രഹവും വേറെ എന്തൊക്കെയോ ആണ്,ആരോട് പറയണമെന്ന് അറിയില്ല,അതാ മോനെ കാണാൻ വന്നത്..

മ്മ്..
ഞാൻ നോക്കിക്കോളാം..
അജുവിന്റെ വാക്കുകളിലെ ദൃഢത ഭാമയിൽ ആശ്വാസവും അതെ സമയം നേരിയ ഭയവും ഉണ്ടാക്കി..