താല്പര്യമില്ലയെന്ന് അവളുടെ കണ്ണുകൾ പറയുന്നുണ്ടായിരുന്നു. എല്ലാവരോടും യാത്രപറഞ്ഞ് അവിടെനിന്നിറങ്ങി.
“രണ്ടുമൂന്ന് ദിവസം കഴിഞ്ഞേ വരുള്ളൂയെന്ന് പറഞ്ഞിട്ട് പിറ്റേന്ന് തന്നെയിങ്ങ് പോന്നതെന്താ..?”
ബൈക്കിലിരിക്കുമ്പോൾ അവളെന്നോട് ചോദിച്ചു.
“നിന്നെയവിടെ കൂടുതൽ നിർത്താൻ പറ്റത്തില്ല. നീ തിരിച്ചുവരുന്നില്ലെന്നെങ്ങാനും പറഞ്ഞാൽ കുടുങ്ങിപ്പോയില്ലേ..!”
“അത് ശരിയാ. കുറച്ച് ദിവസം നിന്നിരുന്നേൽ ഞാൻ ചിലപ്പോ വരില്ലായിരുന്നു. എനിക്കവിടെയെല്ലാം ശരിക്ക് ഇഷ്ടപ്പെട്ടു.”
“അത് നിനക്ക് മാത്രമല്ല എല്ലാവർക്കും ഇഷ്ടപ്പെടും.”
“ഇയാൾടെ അമ്മേം എനിക്കിഷ്ടപ്പെട്ടു കേട്ടോ. പാവം ഒരമ്മ. പിന്നേ അമ്മയോട് ഞാനൊരു കാര്യം പറഞ്ഞിട്ടുണ്ട്…”
“എന്തുവാ നീ പറഞ്ഞത്..?”
“അതേ… ഞാനിനി ഇങ്ങോട്ട് വരുന്നത് അമ്മയുടെ മോന്റെ കയ്യും പിടിച്ച് അയാൾടെ പെണ്ണായിട്ടായിരിക്കും എന്ന്.”
“അതെന്തായാലും കാര്യവായി. അപ്പോ കല്യാണത്തിന് ഒരഞ്ചാറ് വർഷം സമയമെടുക്കും. അതുവരെ നീയങ്ങോട്ട് വരത്തില്ലല്ലോ. സന്തോഷം.”
“ആഹാ… അങ്ങനിപ്പം സന്തോഷിക്കുവൊന്നും വേണ്ട. വേഗം പഠിച്ചൊരു ജോലി വാങ്ങിക്കാൻ നോക്ക്. അഞ്ചാറ് വർഷമൊന്നും എനിക്ക് വെയ്റ്റ് ചെയ്യാൻ പറ്റില്ല. ഇയാൾക്ക് ജോലി കിട്ടിയാ ഞാനെറങ്ങിയങ്ങ് വരും. എനിക്കിനി അവിടെ ജീവിച്ചാ മതി. നാട്ടുംപുറത്ത്. ഇയാൾടെ കൂടെ…”
ഞാൻ പതിയെ അവളെ തലതിരിച്ചുനോക്കി.
അവളെന്നെ രണ്ടുകൈകൊണ്ടും കെട്ടിപ്പിടിച്ച് എന്റെ ചുമലിൽ തല ചായ്ച്ചു.
Bro super kurachum kooodi visadheekarich ezhthiyal polikkm