“അതേ… ഞാനൊളിച്ചോടിയൊന്നും പോവല്ലല്ലോ. പിന്നെ ഇയാളവരെ കണ്ടിട്ടില്ലെന്നേയുള്ളൂ. അവർക്കിയാളെ നല്ലപോലെ അറിയാം. ഞാനെല്ലാം പറഞ്ഞിട്ടുണ്ട്.”
അവളെന്റെ പുറത്തൊരു നുള്ള് തന്നു.
“എന്ത് പറഞ്ഞിട്ടുണ്ടെന്ന്?”
“അതൊക്കെ ഞാൻ പറയാം. സമയം പോകുന്നു, വണ്ടിയെടുക്ക്.”
“എടീ ഞാൻ പോയാൽ രണ്ടുദിവസം കഴിഞ്ഞേ വരൂ. അത് വരെ നീയെവിടെ താമസിക്കും..?”
ഞാൻ അവസാനത്തെ അടവെടുത്തു.
“ഇയാൾടെ വീട്ടില്. അല്ലാതെവിടാ.”
വീണ്ടും സഡൻ മറുപടി.
“എന്റെ വീട്ടിലോ..? അതൊന്നും ശരിയാവത്തില്ല.”
“അതെന്താ. അവിടെ ഇയാൾടെ അപ്പനും അമ്മേം ഒന്നുമില്ലേ..?”
“ഒണ്ട്. അതല്ലേ പ്രശ്നം. അവരില്ലാരുന്നേൽ കൊണ്ടുപോകാരുന്ന്.”
ഞാൻ കള്ളച്ചിരിയോടെ അവളെ നോക്കി.
“അയ്യടാ… ഇളി കണ്ടില്ലേ…”
അവളെന്റെ പുറത്തൊരിടി തന്നു.
“എടീ ഒള്ള കാര്യം പറയാം. ഞാനിതുവരെ വീട്ടിൽ പെൺകുട്ടികളെയൊന്നും കൊണ്ടുപോയിട്ടില്ല. എന്റെ അപ്പനും അമ്മേം ഒക്കെ കുറച്ച് പഴയ മനസുള്ള ആൾക്കാരാ. നിന്നേം കൊണ്ട് ഞാൻ വീട്ടീലോട്ട് ചെന്നാൽ അവരുടെ പ്രതികരണം എന്തായിരിക്കുമെന്ന് പറയാൻ കഴിയില്ല.”
“ങാ അതെന്തായാലും നന്നായി. അങ്ങനെ കണ്ട പെണ്ണുങ്ങളെയൊന്നും കൊണ്ടുപോകണ്ട. എന്നെ മാത്രം കൊണ്ടുപോയാ മതി. അമ്മയോടൊക്കെ ഞാൻ പറഞ്ഞോളാം.”
Bro super kurachum kooodi visadheekarich ezhthiyal polikkm