അലഭ്യലഭ്യശ്രീ [നൗഫു] 3265

“ടാ… നൗഫു എത്രയാ നിന്റെ നമ്പർ…”

പ്രൈസ് ചാർട്ടിലേക് തന്നെ കണ്ണ് നട്ടു കൊണ്ട് ഫസ്‌ലു ചോദിച്ചു..”

“7418…”

“അടിച്ചു മോനെ.. അടിച്ചു… അൽഹംദുലില്ലാഹ്…”

ലോട്ടറി എടുക്കുന്നത് തെറ്റാണെലും അതൊന്നും ഓർമ്മയില്ലാതെ ഫസ്‌ലു ഉറക്കെ വിളിച്ചു പറഞ്ഞു..

അവിടെ കൂടി നിൽക്കുന്ന എല്ലാവരും അവനെ തന്നെ നോക്കുന്നുണ്ട്…

“എവിടെ… എത്രയാടാ അടിച്ചത്..”

ഞാനും ജാബിറും പെട്ടന്ന് തന്നെ അവന്റെ അടുത്ത് നിന്നും ആ ചാർട്ട് വാങ്ങി ഫസ്റ്റ് പ്രൈസ് നോക്കി…

അവന്റെ സന്തോഷം കാണുമ്പോൾ ചുരുങ്ങിയത് ഫസ്റ്റ് പ്രൈസ് മാത്രമേ നോക്കുവാനായി പറ്റു… അമ്മാതിരി ആഹ്ലാദമല്ലേ കാണിച്ചു കൂട്ടുന്നത്..

അവിടെ എവിടെയും എന്റെ നമ്പർ കാണാതെ ഫസ്‌ലു വിനെ തന്നെ നോക്കി…

“ടാ.. പൊട്ടാ.. അവിടെ യെല്ല.. അതിന് താഴെ ആ 5000 ത്തിന്റെ പ്രൈസ് നമ്പർ നോക്ക്.. അവിടെ 7418…”