അപരാജിതൻ-52 4655

അപരാജിതൻ 52

പിറ്റേന്ന്

പതിവ് പോലെ മനു രാവിലെയുണർന്നു ക്ഷേത്രദർശനമൊക്കെ നടത്തി ഉച്ചയോടെ ബാലുവിന്റെ വീട്ടിലെത്തി.

അവിടെ ബാലുവിനെ ചികിൽസിക്കാൻ ഒരു നാട്ടുവൈദ്യൻ വന്നിട്ടുണ്ടായിരുന്നു.

അയാൾ കുഴമ്പുകൾ പുരട്ടി ബാലുവിനെ തിരുമ്മുന്ന നേരം

സഹായിക്കാൻ മനുവും ചേർന്നു.

പിന്നെ ബാലുവിനെ ചൂട് വെള്ളത്തിൽ കുളിപ്പിച്ചു ഭക്ഷണം കൊടുത്തു.

അൽപ്പം നേരം ബാലു ഉറങ്ങുകയുണ്ടായി.

ഉണർന്നതിനു ശേഷം ബാലു കഥ തുടർന്നു.

@@@@@@

“അനിയാ,,,” വിളിയോടെ കസ്തൂരി ഗൗരിയേയും കൊണ്ട് അവനുള്ള ഭക്ഷണവുമായിയാണ് വന്നത്.

അവൻ എഴുന്നേറ്റു വാച്ചിൽ നോക്കി.

“ഒൻപതു മണിയായല്ലോ,, ഞാനങ്ങുറങ്ങിപ്പോയി ചേച്ചി”

“നല്ല ക്ഷീണം കാണുമല്ലോ” ഒരു ചിരിയോടെ കസ്തൂരി പറഞ്ഞു.

“ഉവ്വേച്ചി,,,ക്ഷീണമുണ്ടായിരുന്നു”

അവൻ ഗൗരിയെ തനിക്കരികിൽ ഇരുത്തി.

അവൾ അവനോടു ചോദിക്കപോലും ചെയ്യാതെ മൊബൈൽ എടുത്തു പാമ്പിന്റെ ഗെയിമെടുത്തു കളിച്ചു.

“എല്ലാം പഠിച്ചു വെച്ചേക്കുവാ അല്ലെടി കള്ളിപെണ്ണേ ” അവൻ കുഞ്ഞിന്റെ കവിളിൽ അമർത്തിചുംബിച്ചു.

“അനിയാ ”

“എന്തേച്ചി”

“വേറെയൊരു വാർത്തയറിഞ്ഞു”

“എന്ത് വാർത്ത?” അവൻ ആകാംക്ഷയോടെ ചോദിച്ചു.

“തിമ്മയ്യൻ മുതലാളിയുടെ അനിയൻ മാവീരൻ മുതലാളിയെ ആരോ കൊന്നുവെന്ന്”

“ഹോ ,,,അത് കഷ്ടമായല്ലോ”

“എന്ത് കഷ്ടം,,തിമ്മയ്യനെക്കാൾ ദുഷ്ടനായിരുന്നു അയാൾ”

“ആണോ?”