അപരാജിതൻ – ഒരു സംഗ്രഹം 6532

ദൂരെയുള്ള വൈകുണ്ഠപുരി ക്ഷേത്രദർശനം നടത്തുന്ന വേളയിൽ പാർവ്വതിയുടെ അമ്മയുടെ കുടുംബത്തെ അവിടെ വെച്ച് കാണുകയും അവർ തമ്മിലുള്ള പിണക്കങ്ങൾ പരിഹരിക്കപ്പെട്ടു സ്നേഹത്തിലാകുകയും ചെയുന്നു. അവർ ദൂരെയുള്ള ജനപഥ ജില്ലയിലെ വൈഷ്ണവഭൂമിയായ വൈശാലിയിലെ പ്രജാപതികളോട് സാമന്തരായ ദേവപാല കുലക്കാർ ആയിരുന്നു. വീരനായ സമരേന്ദ്ര ദേവപാലരുടെ ഭാര്യയായ ഭുവനേശ്വരി ദേവിയാണ് മാലിനിയുടെ ‘അമ്മ.

പാർവ്വതിയെ വരുത്തുവാൻ ഭൂതങ്ങളെ കഴുകരൂപത്തിൽ വികടാ൦ഗ ഭൈരവൻ  അയച്ചുവെങ്കിലും അഷ്ടദിക്കുകളിലും നിന്നും കൃഷ്ണപരുന്തിന്റെ നേതൃത്വത്തിൽ പരുന്തുകൾ വന്ന് ആ കഴുകന്മാരെ കൊത്തികൊല്ലുന്നു. തന്‍റെ കർമ്മങ്ങൾക്ക് ഭംഗം നേരിട്ടപ്പോൾ മണ്ണിനിടയിൽ ചീഞ്ഞ ജഡങ്ങളുടെ കൂടെ കിടന്നു കൂടുതൽ ശക്തി നേടുവാനായി.വികടാ൦ഗ ഭൈരവൻ  പ്രേതകായ വിദാഹത്യോപാസന ചെയുന്നു ,

ദേവപാല കുടുംബക്കാർ ഒരു ദിനം സകലരും പാലിയം തറവാട്ടിൽ എത്തുകയും ആചാരവിധികൾ അനുസരിച്ചു രാജശേഖരനെ മരുമകനായും മക്കളെ ദേവപാല കുടുംബത്തിലെ കൊച്ചുമക്കളായു൦ വാഴിക്കുകയും ചെയ്യുന്നു.

ആദിയെ പാർവ്വതിയെ തല്ലിയതിൻറെ പേരിൽ പാലിയത്തെ താമസസ്ഥലത്തു നിന്നും അവന്‍റെ പിറന്നാൾ ദിനമായ  കന്നിയിലെ  തിരുവാതിര നാളിൽ  പുറത്താക്കുന്നു, അവനൊരു ഹോസ്റ്റലിൽ വന്നു താമസിക്കുന്നു,

അതെ സമയ൦ വൈശാലി എന്ന ദേശത്ത് അടിമകളുടെ ഗ്രാമമായ ശിവശൈലത്തു തങ്ങളുടെ രക്ഷകനെ ആ ഗ്രാമീണർ കാത്തിരിക്കൂന്നു. കന്യയിൽ ആർദ്രയിൽ പിറന്ന രുദ്രതേജനെ.

അഞ്ഞൂറ് വർഷങ്ങൾക്കു മുൻപ് വിശ്വാസം സംരക്ഷിക്കുവാനായി അടിമത്തം സ്വീകരിച്ചവരായിരുന്നു ശിവാംശികളായ ആ ഗ്രാമീണർ, ആ ദേശത്തുള്ളവർ അവരെ അവ൪ണ്ണരായും അധഃകൃതരായ ചണ്ഡാലരായും കണ്ടുകൊണ്ടു അവരെ അടിമവേലകളിൽ വ്യാപൃതരാക്കി, അവർക്ക് ന്യായമായ കൂലിയോ , വിദ്യാഭ്യാസമോ , മുഖം പുറമെ കാണിക്കാനും നല്ല വസ്ത്രങ്ങൾ ധരിക്കുവാനു൦ തങ്ങളുടെ വിളകൾ ന്യായവിലയ്ക്ക് വിൽക്കുവാനുമുള്ള മാനുഷിക അവകാശങ്ങളൊക്കെ നിഷേധിച്ചിരുന്നു.