അടി തിരിച്ചടി [നൗഫു] 973

“ഇവിടെ ഞങ്ങൾ എല്ലാവരും അങ്ങനെ ആയിരുന്നു.. അറുപതു വയസുള്ള കാക്കയും ഇരുപത്തി ഒന്ന് വയസുള്ള പൊടി മീശ മുളച്ച പയ്യനുമെല്ലാം സുഹൃത്തുക്കളെ പോലെ…”

അവനോടും യാത്ര പറഞ്ഞു ഇഹറാം (മക്കയിലേക് ഉംറക് പോകുന്നതിന് മുമ്പുള്ള ചടങ്ങ് ) കെട്ടി റൂമിൽ നിന്നും ഇറങ്ങി.. അവൻ മക്ക വരെ കൊണ്ടു പോയി തിരികെ കൊണ്ടു വരാമെന്ന് പറഞ്ഞെങ്കിലും ഇത് ചിലപ്പോൾ എന്റെ അവസാനത്തെ മക്ക സന്ദർശനമാകുമെന്ന് ആരോ ഉള്ളിൽ നിന്നും പറയുന്നത് കൊണ്ടു തന്നെ എനിക്കിത്തിരി ഏറെ സമയം വേണ്ടിയിരുന്നു…

ടാക്സിയിൽ മക്കയിലേക്കുള്ള യാത്രയിലും ഇവിടുത്തെ നല്ല നല്ല ഓർമ്മകൾ ആയിരുന്നു മനസ് നിറയെ… കണ്ണിൽ മക്കയുടെ ക്ലോക് ടവർ തെളിയുന്നത് വരെ…

ഒരുപാട് കിലോമീറ്റർ അപ്പുറത്ത് നിന്ന് തന്നെ ആ ഉയരം കൂടിയ കെട്ടിടം കാണാം.. ഞാൻ അതെല്ലാം കൺകുളിർക്കേ കണ്ടു… ഹറമിലേക്കു (മക്ക പള്ളി ) എത്തി..

ഈ ജീവിതത്തിൽ അവസാനത്തെ കാഴ്ച യല്ലേ.. എന്റെ ഹൃദയം എന്തിനോ വേണ്ടി തുടിക്കുന്നത് പോലെ…മാസത്തിൽ പല വട്ടം ഇവിടെ വന്നു പോകാറുണ്ടേലും ഇന്ന് സ്പെഷ്യൽ ടെ അല്ലേ…