അകലെ 10 {Rambo} 1780

സോ..മീശപ്പുലിമല കാണാം എന്നായി..
അങ്ങനെ റൂമിലെത്തി…ഒറ്റ ദിവസത്തേക്കാണേൽ പുള്ളി റെഡി ആക്കാമെന്നായി…
കൊഴപ്പോല്ലല്ലോ …

നാളെ പുലർച്ചെ വിട്ട് മീശപ്പുലിമല പോയി പിന്നെ കൊറച്ചു കറങ്ങി നേരെ നാട്ടിലേക്കും…!!

അങ്ങനെ ഓണത്തിന് മുന്നേയുള്ള ദിവസം ഞങ്ങള് കിടുക്കി…മീശപ്പുലിമല എല്ലാമൊന്ന് കാണേണ്ടത് തന്നെയാണ്…

പ്രത്യേകിച്ചും സൂര്യോദയം..!!!

പിന്നെ തിരിച്ചു വീട്ടിലെത്തിയപ്പോ ഏട്ടനും ഏട്ടത്തിയും എല്ലാം വീട്ടിലുണ്ട്…

പിന്നെ രണ്ടുദിവസം നല്ല ആഘോഷം തന്നെയായിരുന്നു…തിരുവോണത്തിന് നാട്ടിലെ ക്ലബ്ബിൽ വമ്പിച്ച “കലാപപരിപാടികളും” ഉണ്ടാർന്നു..
കുപ്പിക്ക്വേണ്ടി അവസാനം ഉണ്ടാകാറുള്ള അടി ഇത്തവണയും ഉണ്ടായി….!!

ഇപ്പൊ…എല്ലാ ദിവസവും അവള് വിളിക്കറിണ്ട്..
ഒത്തിരി സംസാരിക്കാറില്ലേലും എന്തേലും കുറച്ചൊക്കെ കത്തി വെച്ചേ ഫോൺ നിർത്താറുള്ളൂ..

പിന്നെ തിരുവോണത്തിന് അമ്മച്ചി കുത്തിപൊക്കി അമ്പലത്തിൽ പോയി എന്നതായിരുന്നു പുതുമയുള്ള കാര്യം..!!

പിറ്റേന്ന് ഏട്ടനും ഏട്ടത്തിയും അവരുടെ വീട്ടിലേക്ക് പോയി…അവിടെ രണ്ടൂസം നിന്ന് വീണ്ടും ബാംഗ്ലൂർക്ക്…

വൈകീട്ട് ജിതിനെയും കൂട്ടി പാടത്തുപോയി പൊരിഞ്ഞ കളിയായിരുന്നു..തിരിച്ചു വരുന്നവഴി അമ്പലപ്പറമ്പിൽ കേറി …

നല്ല മാങ്ങ കിട്ടും…അതോണ്ട് പോയി കൊറേ പെറുക്കി പോന്നു..
ഏട്ടൻ ഉണ്ടാകുമ്പോ മൂപ്പരാണ് എല്ലാരേം കൊണ്ടുപോകാറ്…