ഹൃദയതാളം 2

Author : നൗഫു

Previuse part

 

“ഫറൂക്ക് സ്റ്റേഷൻ”

 

ബോർഡിന് കീഴിലൂടെ നടക്കുന്ന സമയത്ത് തന്നെ നേരത്തെ മറഞ്ഞു പോയ കാൽ വിറക്കൽ വീണ്ടും വന്നു.

 

ഓരോരോ പ്രശ്നങ്ങളുമായി ഒരുപാട് പേര് പുറത്ത് തന്നെ നിൽക്കുന്നുണ്ട്..

 

സ്റ്റേഷനിൽ പോയാൽ അറിയാം അവിടെ നമ്മുടെ പ്രശ്നം നമുക്ക് വലുത് ആയത് കൊണ്ട് തന്നെ മറ്റുള്ളവരുടെ ഒന്നിലേക്കും നമുക്ക് വലിഞ്ഞു നോക്കുവാൻ കഴിയില്ല..

 

മലയാളിയുടെ പൊതു സ്വാഭാവം കുറച്ചെങ്കിലും മാറ്റം തോന്നുക പോലീസ് സ്റ്റേഷനിന്റെ ഉള്ളിലാകും…

 

 

“ഹ്മ്മ്.. എന്താ..”

 

ആദിലിനെ കണ്ട ഉടനെ തന്നെ.. സ്റ്റേഷന് പുറത്ത് പാറാവുകാരന് പിറകിലായി ഇരിക്കുന്ന പോലീസ് കാരൻ ചോദിച്ചു..

 

“സാർ.. ഇവിടുന്ന് വിളിച്ചിരുന്നു.. പെട്ടന്ന് വരാൻ പറഞ്ഞു..”