സുന്ദരമായ സ്വപ്നം പോലെ (നൗഫു) 93

“മുനീറെ അറിയാമല്ലോ ഈ വീടും പറമ്പും നിനക് തരാൻ പറ്റില്ല…

 

ഇതെന്റെ മോൾക് ഞാൻ കൊടുക്കാനണ്‌ ഞാൻ …

 

നീ തറവാട് വീട് എടുത്തോ…

 

അത് ഇതിനേക്കാൾ ഉണ്ടല്ലോ ഒരേക്കർ സ്ഥലവും ഉണ്ട് ഒരു വീടും ഉണ്ട്…

 

സ്ഥലം മുഴുവൻ ചതുപ്പ് ആണെകിലും നിനക്ക് ഒരു കുളം തോണ്ടി വല്ല മീനോ താറാവോ വളർത്തി ജീവിക്കുകയും ചെയ്യാം…

 

സുലേഖ പുച്ഛത്തോടെ മകനെ നോക്കി തുടർന്നു..

 

നീയും നിന്റെ പെണ്ണും മിണ്ടാ പ്രാണിയായ ഒരു മോനും മാത്രമുള്ള ഒരു കുടുംബത്തിന് ഇത്ര വലിയ വീടെന്തിനാ..

 

ഉമ്മ സംസാരിക്കാനും കേൾക്കാനും കഴിയാത്ത എന്റെ മകനെ നോക്കി കളിയാക്കി കൊണ്ട് പറഞ്ഞു…

 

പിന്നെയും തുടർന്നു…

 

ഞാൻ ഇത് നിന്റെ പെങ്ങളുടെയും അളിയന്റെയും പേരിൽ എഴുതി വെക്കാണ്…

 

നീ പേടിക്കണ്ടടാ…

 

നീ തറവാട് പുതുക്കി പണിയുമ്പോൾ അളിയൻ നിന്നെ സഹായിക്കും എന്നോടവർ ഉറപ്പ് പറഞ്ഞിട്ടുണ്ട്…

 

പത്തോ ഇരുപതോ അവർ തരും…”

 

“ഉമ്മയുടെ പേരിൽ ഉപ്പ എഴുതി വെച്ച സ്ഥലത്ത് പത്തിരുപതു വർഷം കൊണ്ട് നുള്ളി പൊറുക്കി കൂട്ടി വെച്ച പൈസക് ഉണ്ടാക്കിയ വീട്ടിൽ നിന്നും ഇറങ്ങി പോകാൻ പറയുമ്പോൾ ഉമ്മ പറഞ്ഞ വാക്കുകൾ അതായിരുന്നു..

 

എല്ലാം എന്റെ തെറ്റ് തന്നെ ആയിരുന്നു…

 

അവിടെ ഒരു വീട് ഞാൻ വെക്കുമ്പോൾ എന്റെ പെണ്ണ് ഒരുപാട് വട്ടം പറഞ്ഞതാണ് ഇക്ക ഉമ്മയുടെ പേരിൽ നിന്നും സ്വന്തം പേരിലേക് മാറ്റിയിട്ടു ചെയ്താൽ മതിയെന്ന്.”

 

“ഇപ്പൊ ആ വീട്ടിലേക് ഒന്ന് കയറാൻ പോലും കഴിയാതെ അപമാനിതനായി ഇറങ്ങുമ്പോൾ എന്റെ പെണ്ണിന്റെ കൈ എന്നെ മുറുകെ പിടിച്ചിരുന്നു..

 

ഞാൻ അവരെ എന്തേലും ചെയ്യുമോ എന്നായിരുന്നു അവളുടെ ഭയം..

 

അവരെ ഇഞ്ചിഞ്ചായി വെട്ടി വെട്ടി തീർത്തു കളയാൻ മനസ് വല്ലാതെ കൊതിച്ചെങ്കിലും അവരെ ആണല്ലോ പത്തു നാല്പത് കൊല്ലമായി ഉമ്മ എന്ന് വിളിച്ചതെന്ന് ഓർത്തപ്പോൾ എനിക്കൊന്നിനും കഴിഞ്ഞില്ല…

 

പറമ്പ് ഉമ്മയുടെ പേരിൽ ആയത് കൊണ്ടായിരുന്നു വീടും ഉമ്മയുടെ പേരിൽ പണി കഴിപ്പിച്ചത്..

 

ഇതിപ്പോ പുതിയ കോഴിക്കോട് പാലക്കാട്‌ നാഷണൽ ഹൈവേ അതിലൂടെയാണ് വരുന്നതേന്ന് അറിഞ്ഞപ്പോൾ തുടങ്ങിയ നാടകമാണ് ഉമ്മയുടെയും മോളെയും…

 

പത്തു കൊല്ലം മുന്നേ സർവേ കഴിഞ്ഞത് ആയിരുന്നെങ്കിലും പെട്ടന്നായിരുന്നു തുടന്നുള്ള നടപടികൾ തുടങ്ങാൻ പോവാണെന്നു അറിയിപ്പ് വന്നത്…

 

ഹൈവേ വരുമ്പോൾ ആകെ യുള്ള പതിനഞ്ചു സെന്റിൽ നിന്നും എട്ട് സെന്റ് ഭൂമി അവർ ഏറ്റെടുക്കും അതും പത്തു ലക്ഷം വെച്ച് സെന്റിന് അതും പോരാഞ്ഞു മുന്നിലൂടെ നാഷണൽ ഹൈവേ പോകുമ്പോൾ സ്ഥലത്തിന്റെ മാർക്കറ്റ് തന്നെ അഞ്ചോ പത്തോ ഇരട്ടി കൂടി പത്തു മുപ്പത് ലക്ഷം കൊടുത്ത് വാങ്ങിക്കാൻ ഇപ്പോൾ തന്നെ ഓരോ റിയൽ എസ്റ്റേറ്റ് ബ്രോക്കർ മാർ പാറി പറന്നു നടക്കുന്നുമുണ്ട്…”

 

“ഇക്കാ….

 

സാരമില്ല ഇക്കാ…

 

നമുക്ക് കയറി കിടക്കാൻ ഒരു വീട് ഉണ്ടല്ലോ അതിപ്പോ നമ്മുടെ പേരിൽ അല്ലെ നമുക്ക് ഒന്നിൽ നിന്നും തുടങ്ങാം…

 

ഇനി ഉമ്മ പറഞ്ഞത് പോലെ മീനോ താറാവോ കോഴി യോ വളർത്തി നമുക്ക് ജീവിക്കാന്നെ…

 

മുകളിൽ എല്ലാം കണ്ട് ഒരാൾ ഇരിക്കുന്നുണ്ടല്ലോ…

 

ഈ ദുനിയാവ് അവന്റേത് അല്ലെ…

 

എല്ലാത്തിനും ഓരോ വഴികൾ അവൻ തന്നെ ഒരുക്കി വെച്ചിട്ടുണ്ടാവും…”

 

“എന്റെ പെണ്ണ് ഞങ്ങളുടെ തറവാട്ടിലേക് കയറുന്നതിനു മുമ്പ് എന്റെ ആശ്വാസിപ്പിക്കാൻ എന്നോണം എന്നോട് പറഞ്ഞു..

 

പക്ഷെ എത്ര ആശ്വാസിച്ചിട്ടും എന്റെ ഉള്ളിലെ സങ്കടം തീരുന്നില്ലായിരുന്നു..

 

ഞാൻ അത്രക്ക് കഷ്ട്ടപെട്ടണ് എന്റെയും അവളുടെയും ഇഷ്ട്ടത്തിന് ആ വീട് ഉണ്ടാക്കിയത്…”

 

++++

 

“സുലൈഖ ത്താ അറിഞ്ഞോ…

 

പുതിയ വിശേഷം…”

 

“എന്താ ഔക്കറെ …

 

ഞാൻ ഇന്നലെ ഇവിടെ നിന്നും ഇറക്കി വിട്ടവർ തറവാട്ടിൽ പൊറുതി തുടങ്ങിയത് വല്ലോം ആണൊ ടാ…

 

നാണം ഇല്ലാത്തവൻ…അച്ചിയുടെ പുറകെ നായ നടക്കുന്നത് പോലെയാ നടക്കുന്നെ…”

 

രാവിലെ തന്നെ മീൻ കുട്ടയുമായി ഒരു സൈക്കിളിൽ വരുന്ന ഔക്കർ മതിലിനു അരികിൽ വന്നു ചോദിച്ചപ്പോൾ സുലേഖ ഇത്ത മകനെ രണ്ടു കുറ്റം പറഞ്ഞു കൊണ്ട് ചോദിച്ചു…

 

“ഓ…

 

ഇത് അതൊന്നും അല്ല ഇത്ത…

 

നിങ്ങൾക് ഇനിയും കൂടുതൽ പൈസ കിട്ടാൻ പോകുന്ന കാര്യമാണ്…”

 

“ആ…അതെന്ത് കാര്യം…ഇനി ഇവിടെ വല്ല വിമാനത്താവളവും വരാൻ പോകുന്നുണ്ടോ ടാ…”

 

“എന്റെ പൊന്നിത്ത ഇത് അതൊന്നും അല്ല…

 

നാഷണൽ ഹൈവേ യുടെ പുതിയ സർവേ വന്നിട്ടുണ്ട്…

 

നിങ്ങളുടെ തറവാട് വീടില്ലേ…

 

അതിലൂടെയാണ് പുതിയ ഹൈവേ പോകുന്നത്..

 

നിങ്ങളുടെ ആർക്കും വേണ്ടാതെ കിടന്ന ആ കാടുമൂടി ഒരേക്കർ കിടക്കുന്ന ഭൂമിയില്ലേ അതിലെ വീടും ഇരുപത്തി അഞ്ചു സെന്റ് സ്ഥലവും ഒഴിച്ചു മുഴുവൻ ഏറ്റെടുക്കുമെന്ന സർവേയിൽ……

 

അതും സെന്റിന് പതിനഞ്ചു ലക്ഷം മുതൽ ഇരുപത് വരെ കൊടുക്കുന്നുണ്ടെന്ന കേട്ടത്… അത് മാത്രമല്ല വസ്തുവിൽ ഉള്ള മരത്തിനു പേലും ആയിരങ്ങൾ വില കൊടുക്കുണ്ടെന്ന പത്രത്തിൽ ഉള്ളത്…

 

എന്റെ റബ്ബേ നിങ്ങളെ ഒരു ഭാഗ്യം… കോടികൾ അല്ലെ കയ്യിൽ വരാൻ പോകുന്നത്…”

 

എന്നും പറഞ്ഞു ഒരു കിലോ അയല സുലേഖ യുടെ കയ്യിൽ ഏൽപ്പിച്ചു ഔക്കർ കൂയ്…എന്ന് നീട്ടി വിളിച്ചു കൊണ്ട് അടുത്ത വീട് ലക്ഷ്യമാക്കി പോയി..

 

“ഔക്കർ പറഞ്ഞത് കേട്ടു ഒരു വാക്ക് പോലും പറയാൻ കഴിയാതെ സുലേഖ തരിച്ചു നിന്നു..

 

ഉമ്മയോട് അയാൾ പറയുന്നത് മുഴുവൻ കേട്ടു കുറച്ചു പിറകിലായി മകൾ റുഖിയയും ഉണ്ടായിരുന്നു…”

 

“ഉമ്മ എന്താ ഇപ്പൊ കേട്ടത്…

 

അവൾ സുലേഖ യോട് ചോദിച്ചപ്പോൾ സുലേഖ ഒന്നും മിണ്ടാതെ രാവിലെ വന്ന പത്രം എടുത്തു നോക്കി..

 

ഔക്കർ പറഞ്ഞത് ശരിയായിരുന്നു..

 

പുതിയ സർക്കാർ വന്നതിന് ശേഷം പത്തു വർഷം മുന്നേയുള്ള അലൈമെന്റ് മാറ്റി തിരുത്തി രണ്ടു മാസം മുന്നേ പുതിയ സർവേ ആരംഭിച്ചിരുന്നു പോൽ അത് പ്രകാരം കൂടുതൽ വീടുകൾ ഉണ്ടായിരുന്ന പഴയ അലൈമെന്റ് തിരുത്തി വീടുകൾ കുറവുള്ള ഭാഗത്ത്‌ കൂടെയാണ് പുതിയ നാഷണൽ ഹൈവേ വരുന്നത്…

 

സുലേഖ വാർത്ത വായിച്ച ഉടനെ ബോധം പോയത് പോലെ നിലത്തേക് പതിച്ചു..”

 

“ആ സമയം ആ വാർത്ത കണ്ട് മറ്റൊരു വീട്ടിൽ സന്തോഷം അണപൊട്ടി ഒഴുകാൻ തുടങ്ങിയിരുന്നു..

 

പടച്ചോൻ ഒരു വഴി കാണിച്ചു തരുമെന്ന് പറഞ്ഞ ഭാര്യ യുടെ വാക്കുകൾ സത്യമായ സന്തോഷത്തിൽ മുനീർ അവളെ കെട്ടിപിടിച്ചു കരഞ്ഞു..

 

ഒരു കുഞ്ഞിനെ പോലെ…”

 

“ഉമ്മയും ഉപ്പയും സന്തോഷത്തോടെ കെട്ടിപിടിച്ചു ഇരിക്കുന്നത് കണ്ടപ്പോൾ മിണ്ടാൻ കഴിയാത്ത അവരുടെ മകൻ അവരുടെ അടുത്ത് വന്നു കൈ കൊണ്ട് ആഗ്യം കാണിച്ചു കൊണ്ട് എന്താണെന്ന് ചോദിച്ചു..”

 

“ആ സമയം മുനീർ അവന് പൈസ വരുന്നുണ്ടെന്നും നമ്മളിനി രാജാവിനെ പോലെയാണ് ജീവിക്കാൻ പോകുന്നതൊന്നും അവനോട് ആംഗ്യ ഭാഷയിൽ തന്നെ കാണിച്ചു കൊടുത്തു..”

 

“അവൻ അവന്റെ കൈ മുനീറിന്റെ നേരെ നീട്ടി സംസാരിക്കാൻ കഴിയാതെ ചോദിച്ചു..

 

ഉപ്പ സത്യമാണോ എന്ന്…”

 

“ഉടനെ മുനീർ അവന്റെ കൈകളിൽ കൈ ചേർത്ത് വെച്ച് അവനെ നെഞ്ചിലേക് ചേർത്തു പിടിച്ചു കൊണ്ട് പറഞ്ഞു…

 

സത്യമാണെടാ മുത്തേ… നമ്മളെ പടച്ചോൻ കൈ വിട്ടിട്ടില്ല… ”

 

“ആ സമയം സംസാരിക്കാൻ കഴിയാത്ത അവന്റെയും കണ്ണുകൾ നിറഞ്ഞു തുളുമ്പിയിരുന്നു…

 

അവന്റെ ഉപ്പയുടെയും ഉമ്മയുടെയും സന്തോഷം കണ്ട് കൊണ്ട് …”

 

ഇഷ്ട്ടപെട്ടാൽ…???

 

 

 

ബൈ

 

നൗഫു ?

Updated: April 11, 2024 — 3:19 am

2 Comments

Add a Comment
  1. നിധീഷ്

    ♥️♥️♥️♥️♥️♥️

  2. ❤️❤️❤️

Leave a Reply

Your email address will not be published. Required fields are marked *