പതിനെട്ടാം 👹 തീയാട്ട് {Sajith} 247

കരുക്കളിൽ കുതിരയെ എടുത്ത് ചാടിച്ച് കേശവൻ്റെ ആനയെ തട്ടി മാറ്റി കളത്തിലേക്ക് വച്ചുക്കൊണ്ട് ഒരു ചിരിയോടെ രാമചന്ദ്രൻ പറഞ്ഞു. 

 

“”എന്താത്…””,

 

നരേന്ദ്രൻ പൻ്റെ സംശയം ആദ്യം ചോദിച്ചു.

 

“”ബലി തന്നെ…””,””പക്ഷെ ആടിനേം മാടിനേം ഒന്നുമല്ല…””,

 

രാമചന്ദ്രൻ ഒന്നു പുഞ്ചിരിച്ചു.

 

“”പിന്നെ…””,

 

പുരികം ചുളിച്ച് കേശവൻ ചോദിച്ചു. രാമൻ പറയാൻ പോവുന്നത് എന്തായിരിക്കുമെന്ന് ആകാംശയോടെ ചെവിയോർത്ത് ഉറ്റ് നോക്കിക്കൊണ്ട് നരേന്ദ്രനും കേശവനും. 

 

“”മനുഷ്യനെ…””,

 

കരുക്കളിൽ അവശേഷിച്ച ആനയെ എടുത്ത് രാമൻ്റെ കാലാളിനെ വെട്ടുന്നതിനിടയ്ക്കാണ് അയാളത് പറഞ്ഞത്. ആനയെ കൈയ്യിലേന്തി നിൽക്കുന്ന കേശവൻ്റെ വിരലുകൾ ഒന്ന് വിറച്ചു, ഉള്ളമൊന്ന് നടുങ്ങി.

 

“”താനെന്താടോ പറയണെ…””,””മനുഷ്യബലിയോ…””,

 

“”അതേ…””,””നരബലി നടന്നാൽ അത് കുലദേവതക്ക് എതിരേ ചെയ്യണ വിക്രിയ്യ ആവും…””,

 

“”അതെങ്ങനെ…””,””കാലങ്ങളായി അവടെ ബലികർമ്മം നടക്കുന്നതല്ലേ…””,””നരബലി മൃഗബലിയേക്കാൾ ദോഷമാണോ….””,

 

പുന്നയ്ക്കലെ ഭൈരവിക്ക് ബലികർമ്മങ്ങൾ എല്ലാ വർഷവും നടത്തുന്നതാണ്. നരബലിക്ക് മാത്രമായി ഒരു പുതുമ കേശവന് തോന്നിയില്ല. എങ്കിലും മൃഗത്തേ പോലെയല്ലല്ലോ നരൻ.

 

“”ഗോവിന്ദനും നിങ്ങളും കരുതണ മാതിരി പുന്നയ്ക്കലിരിക്കണ കുലദേവത ഭൈരവിയല്ല…””,””നൂറ്റാണ്ടുകൾക്ക് മുന്നേ അതിൻ്റെ ഭൈരവീ ഭാവം ഒക്കെ അടക്കിയതാ…””,””ഇപ്പൊ കുടി കൊള്ളണത് ഭൈരവിയല്ല അന്നപൂർണ്ണയാ…””,””അതിന് നരബലി ഒരു കാരണവശാലും നടത്താൻ പാടില്ല…””,””ഞാൻ പറഞ്ഞത് തനിക്ക് മനസിലായോ…””,

 

ഒരു വെകിട് ചിരിയോടെ രാമൻ പറഞ്ഞു.

 

“”അതായത് ഇത് വരെ ചെയ്ത കർമ്മങ്ങളൊന്നും തന്നെ നല്ല രീതിക്ക് ഫലിക്കാതിരുന്നതിൻ്റെ കാരണം ഇതായിരുന്നല്ലേ…””,

 

കേശവൻ തൻ്റെ മനസിൽ തോന്നിയത് പറഞ്ഞു.

 

“”അതേ അത് കൊണ്ട് തന്നെയാണ്…””,

 

രാമൻ ചിരിയോടെ തന്നെ തലയാട്ടി.

 

“”ഗോവിന്ദൻ എന്തോണ്ട് ഇത് അറിഞ്ഞില്ല…””,

 

“”അതിനല്ലേ നമ്മടെ ചാരൻ…””,””കണിയാര് ഗോവിന്ദൻ്റെ കൂടെ നടക്കുന്നിടത്തോളം കാലം അയാള് സത്യം തിരിച്ചറിയില്ല…””,””കണിയാരുടെ ഓരോ കണക്ക് കൂട്ടലിനും അനുസരിച്ച് ചലിക്കുന്ന ഒരു പാവയാണ് ഗോവിന്ദൻ…””,

 

നരേന്ദ്രൻ അതിശയത്തോടെ രാമനെ തന്നെ നോക്കി നിന്നു. തങ്ങളേക്കാൾ എത്രയോ മുന്നേയാണ് രാമൻ സഞ്ചരിക്കുന്നതെന്ന് അയാളോർത്തു.  

 

“”അതിപ്പൊ താൻ പറയാതെ കണിയാര് വല്ലതും ചെയ്യുമോ…””,

 

കേശവൻ തൻ്റെ സംശയം ചോദിച്ചു. ഗോവിന്ദൻ കൃഷ്ണ കണിയാരുടെ പാവയാണങ്കിൽ ഈ രണ്ടു പാവകളെയും നിയന്ത്രിക്കുന്ന കൈകൾ രാമചന്ദ്രൻ്റെയാണ്. അത് കേശവനറിയാം.

 

“”ഉവ്വ്…””,””ഞാനാ അങ്ങിനെ തീരുമാനിച്ചെ…””,””അതോണ്ട് ഇനി രണ്ടോ മൂന്നോ ആണ്ടിനുള്ളിൽ വൈജയന്തി ചുടുകാടാവുന്നത് നിങ്ങക്ക് കാണാം…””,””ഇൻഡയറക്ട് ആയിട്ടാണങ്കിലും ഞാൻ നിങ്ങൾക്ക് ചെയ്തതും ഉപകാരം തന്നെയല്ലേ…””,

 

ഇരുന്നിരുന്ന കസേരയുടെ ഹാൻ്റ് റെസ്റ്റിൽ താങ്ങി രാമനൊന്ന് ഞെളിഞ്ഞിരുന്ന് കൊണ്ട് പറഞ്ഞു. 

 

“”അതേ…””,””അത് ഞാൻ സമ്മതിക്കുന്നു രാമാ…””,””താൻ പറഞ്ഞ് വരുന്നത് അപ്പോൾ നരബലി നടന്നാൽ ദേവത കോപിക്കുമെന്നാണോ…””,

 

കേശവൻ്റെ സംശയത്തിന് അന്ത്യമില്ല.

 

“”സംശയമുണ്ടോ…””,””കുലത്തോടെ അവര് മുടിഞ്ഞോളും…””,

 

“”അത് ശരിയാവില്ല…””,””കുലമെന്ന് പറയുമ്പൊ ഞങ്ങളേ കൂടി ബാധിക്കെല്ലേ…””,

 

അത്ര നേരം തൂണിൽ ചാരി കേശവൻ്റെയും രാമൻ്റെയും സംസാരം ശ്രദ്ധിച്ചിരുന്ന നരേന്ദ്രൻ്റെ ശബ്ദമുയർന്നു. രാമൻ അയാൾക്ക് മറുപടി കൊടുക്കാതെ മുഖത്തേക്ക് ഒന്ന് നോക്കുക മാത്രം ചെയ്തു.

 

“”നരേന്ദ്രാ….””,

 

കേശവൻ്റെ ശബ്ദമുയർന്നു. ഇനി സംസാരിക്കെണ്ടെന്നാണ് അതിനർത്ഥം. നരേന്ദ്രൻ പിന്നെ ഒന്നും മിണ്ടിയില്ല.

 

“”രാമാ ഞങ്ങക്ക് നിന്നെ വിശ്വാസാ…””,””ആപത്ത് വരുന്ന ഒന്നും നീ ചെയ്യില്ലെന്ന് അറിയാം….””,””അടുത്തതായി ഞങ്ങളെന്ത് ചെയ്യണം…””,

 

രാമചന്ദ്രൻ നരേന്ദ്രനെ നോക്കി ഒന്ന് ചിരിച്ചു. ശേഷം കേശവന് നേരെ തിരിഞ്ഞു. 

 

“”നരബലി നടത്തേണ്ടത് ആരെയെന്ന കാര്യത്തിൽ എനിക്ക് വ്യക്തതയുണ്ട്….””,””നിങ്ങളത് പ്രയോഗത്തിലാക്കണം….””,

 

“”താൻ ആളെ കണ്ട് വച്ചിട്ടുണ്ട് എങ്കിൽ ബാക്കി കാര്യം ഞങ്ങളേറ്റു…””,

 

കേശവൻ തറപ്പിച്ചു പറഞ്ഞു.

 

“”ആള് മറ്റാരുമല്ല…””,””ഇവൻ്റെ ചോരയിൽ രുഗ്മിണിക്ക് പിറന്ന ആഹ് സന്തതി തന്നെ…””,””പാർവ്വതി…””, 

 

നരേന്ദ്രനെ ചൂണ്ടിക്കാട്ടി പറഞ്ഞു. നരബലി അർപ്പിക്കാനായി രാമചന്ദ്രൻ കണ്ടെത്തിയ ആളുടെ പേര് കേട്ടതും നരേന്ദ്രൻ്റെ മുഖമൊന്ന് വിടർന്നു. അതുവരെ തൂണിൽ ചാരി വല്ല്യ ഉത്സാഹമൊന്നുമില്ലാതെ നിന്നിരുന്ന നരേന്ദ്രൻ അത് കേട്ട് കൈയ്യൊക്കെയൊന്ന് കുടഞ്ഞ് ഉഷാറായി.

 

“”അത് നരേന്ദ്രന് സമ്മതമാണോ…””,

 

കേശവൻ ഒരു ചടങ്ങിന് നരേന്ദ്രനോടൊന്ന് ചോദിച്ചു.

 

“”എനിക്ക് നൂറ്വട്ടം സമ്മതം…””,””അതെനിക്ക് പറ്റിപ്പോയ ഒരപത്തമാണ്…””,””അവറ്റകളെ കൊന്നിട്ടാണേലും ആഹ് കളങ്കമെനിക്ക് മാറ്റണം…””,””മാത്രമല്ല ആഹ് കൊച്ചിൻ്റെ ബലിയോടെ രണ്ടുണ്ട് ഉപകാരം…””,””എന്നന്നേക്കുമായി എൻ്റെ തലവേദന മാറ്റാം…””,””പിന്നെ ഗോവിന്ദൻ്റെ അന്ത്യവും കാണാം…””,

 

നരേന്ദ്രൻ അൽപ്പം കടന്ന് ചിന്തിച്ചു.

25 Comments

Add a Comment
    1. കുറച്ചൂടെ സമയം എടുക്കും ബ്രോ.

  1. Bro balance story upload cheyyu pleace

    1. ചെയ്യാം ബ്രോ… 🤝

  2. Waiting next part for long time

  3. Next part share cheyyu bro! Arokke poyalum thante ezhuthine isttapedunna kurachu alukalkku vendiyengilum

    1. ❤️❤️❤️
      സത്യം പറയാലോ ബ്രോ… ഞാനൊരു പരീക്ഷക്ക് വേണ്ടി തയ്യാറെടുത്തുക്കൊണ്ട്രിക്കുകയാണ്. ഇത് കിട്ടിയിട്ടില്ലങ്കിൽ ഞാൻ എന്നന്നേക്കുമായി എഴുത്ത് നിർത്തണ്ടി വരും…😫 ലൈഫ് അങ്ങനെയാണ് പൊയ്ക്കൊണ്ടിരിക്കുന്നത്. കഥയിൽ ഇനിവരുന്ന ഭാഗങ്ങളെല്ലാം കുറച്ച് വലിയ ഏരിയ കവറ് ചെയ്യുന്നതാണ്. അപ്പൊ അതിലേക്ക് ശ്രദ്ധതിരിച്ചാൽ പിന്നെ എഴുത്തിൽ മാത്രമായിരിക്കും ശ്രദ്ധ.പഠിത്തം നടക്കില്ല… ഇനി പഠിത്തത്തിനിടയിൽ എഴുതാമെന്നുവച്ചാൽ ഒരുപാട് ലാഗ് വരുന്ന എത്ര എഴുതിയാലും വരികളിൽ സംതൃപ്തി വരാത്ത ഒരു അവസ്ഥയും ആയിപോവും. അതോണ്ട് ജസ്റ്റൊന്ന് നിർത്തിയതാണ്. എനിക്കറിയാം എൻ്റെ എല്ലാ പാർട്ടും നല്ല സമയമെടുത്താണ് പബ്ലിഷ് ചെയ്യാറ്. ആറുമാസം വരെയൊക്കെ പോയിട്ടുണ്ട്. കഥയുടെ കംപ്ലീറ്റ്നെസ്സ് നോക്കി പോവുന്നത് കൊണ്ടാണ്. എന്തങ്കിലും എഴുതിയാൽ എനിക്ക് തന്നെ സ്വന്തം വായിക്കുമ്പോൾ മടുപ്പായി തോന്നാറുണ്ട്. അതാണ് പിന്നെയും പിന്നെയും റെഫറ് ചെയ്ത് എഴുതുന്നത്. അത് കൊണ്ട് സമയവും എടുക്കുന്നു. ഇതിൽ എൻ്റെ കഥവായിക്കുന്ന എല്ലാവരും എനിക്ക് സുഹൃത്തുക്കളെ പോലെയാണ്. അൽപ്പം വൈകിയാലും അവരെനിക്ക് വേണ്ടി കത്തിരിക്കുമെന്ന വിശ്വാസമുണ്ട്. തിരക്കുകളൊക്കെ തീർത്തും ഞാൻ വീണ്ടും സജ്ജീവമായി ഇതിലേക്ക് വരും. സൈറ്റിന്റെ അവസ്ഥകണ്ടിട്ട് എനിക്ക് നല്ല വിഷമമുണ്ട്. കൊറോണ കാലത്ത് ഒരുപാട് നല്ല എഴുത്തുകൾ വന്നിരുന്നതാണ്. ഇപ്പൊ ഓരോരുത്തരും അവരവരുടെ തിരക്കുകളിലാണ്. വീണ്ടും ഇത് സജ്ജീവമാവും പഴയത് പോലെ നല്ല നല്ല എഴുത്തുകൾ വരും… ഇത്ര ദിവസത്തിന് ശേഷവും എന്നെ അന്വേഷിച്ച ബ്രോ…❤️ Tnx

  4. അന്ദ്രു

    Nxt part???

  5. മണവാളൻ

    വണക്കം ???

  6. നിധീഷ്

    ♥️♥️♥️

  7. Superb,
    Waiting For next part.
    Please remember that much delay will cause the loosing of reading interest.

  8. Suuuper
    അടുത്ത പാർട്ട് അധികം താമസിപ്പിക്കരുത്

  9. Going Good to much delay. Waiting for next part…

  10. Good waiting

  11. Sajithettan vannu alle

  12. Eni enna next part posta

  13. എന്റെ ആശാനെ കുറെ നാളെയോണ്ട് ഒരു കണക്ഷൻ വിത്യാസം മാത്രം കുറെ ഇങ്ങ് എത്തിയപ്പോൾ പഴയ കഥ ഒകെ തലച്ചോറ് പൊടി തട്ടി തന്നു. ബാക്കി എന്ന് ഇത് പോലെ വൈകുമോ

  14. super, katta waiting

  15. Enna njn second

  16. അറക്കളം പീലിച്ചായൻ

    പീലിച്ചായൻ 1st

    1. ത്രിലോക്

      തമാസ് തമാസ് ♥️♥️

Leave a Reply

Your email address will not be published. Required fields are marked *