പതിനെട്ടാം 👹 തീയാട്ട് {Sajith} 247

“”എന്ത് എടങ്ങേറ് പണിക്കരേ…””,””ഇതിലും വലുത് നമ്മള് ചെയ്ത് കഴിഞ്ഞു ഇനി ബാക്കി ഉള്ളത് തലക്ക് വെളിവില്ലാത്ത ആഹ് പീറ ചെക്കനല്ലേ…””,””അവനെയും എങ്ങനെയാ ഒതുക്കണ്ടതെന്ന് എനിക്ക് അറിയാം…””,””താൻ ഞാൻ പറഞ്ഞ് തരുന്നത് പോലെ ഒക്കെ അങ്ങ്ട്ട് ചെയ്താ മതി….””,

 

കണ്ണുകളടച്ച് കസേരയുടെ തലപാതിയിലേക്ക് തല ചായ്ച്ച് കിടന്ന് വെറ്റില ചവച്ച് കൊണ്ട് രാമചന്ദ്രൻ പറഞ്ഞു.

 

“”അതിനൊക്കെ ഞാന്ണ്ടാവും…””,””എങ്ങനെ എന്ത് എന്നൊക്കെ പറഞ്ഞാൽ മതി…””,

 

“”മ്മം….””,””ആഹ് ചെക്കനെ കൂടി അങ്ങ് തീർത്താൽ പിന്നെ ഭാക്കി ഉള്ളത് ആഹ് മൂത്ത ചെക്കനാ…””,””അവനെ തേടി പിടിക്കണ്ടി വരില്ലെന്നാ തോന്നണെ…””,””നാട് വിട്ട് പോയതല്ലേ തിരിച്ച് വരാൻ യാതൊരു സാധ്യതയും ഞാൻ കാണണില്ല…””,””ചെറിയ ചെക്കനും കൂടി തീർന്ന് കഴിഞ്ഞാൽ ബാക്കി ഉള്ളവര്ടെ കാര്യം ശേഖരൻ നോക്കിക്കോളും…””,

 

“”കൊല്ലാനാണോ രാമ പരിപാടി…””,

 

“”അറിയില്ല….””,””ശേഖരൻ എന്ത് ചെയ്യുമെന്ന് എനിക്കൊരൂഹവും ഇല്ലടോ…””,””എന്തായാലും പിന്നീട് പുന്നയ്ക്കൽ അവശേഷിക്കുന്നവർക്ക് ചത്താൽ മതിയെന്ന അവസ്ഥയില് അയാള് എത്തിക്കും…””,””ഞാനും താനുമൊക്കെ അവരുടെ വിധിക്ക് ഒരു കരു മാത്രം…””,””കൊറേ കാലം തമ്പുരാക്കന്മാരായി കഴിഞ്ഞതല്ലേ ഇനി അടിമ ജന്മത്തിൻ്റെ സുഗം കൂടി അവറ്റകള് അറിയട്ടേ….””,

 

സംസാരിക്കുമ്പോഴും രാമചന്ദ്രൻ്റെ മുഖത്തൊരു ചിരിയുണ്ടായിരുന്നു. സന്തോഷത്തിൻ്റെ ചിരി. 

 

“”കൃഷ്ണാ…””,””ഗോവിന്ദന് നിൻ്റെ മേലെ സംശയം ഒന്നും തോന്നാത്തിടത്തോളം നീ സെയ്ഫാണ്…””,””നീ അവടെയുണ്ടങ്കിലേ എനിക്ക് എന്തേലും ഒക്കെ ചെയ്യാൻ കഴിയൂ….””,

 

“”അടുത്തത് ഞാൻ എന്താ ചെയ്യണ്ടത്….””,

 

ഗോപാലകൃഷ്ണൻ്റെ ചോദ്യം വളരേ ഗൗരവമുള്ളതായിരുന്നു…

 

“”ക്ര്…..””,””പറയാം….””,

 

അണ്ണാക്കിലേക്ക് ഇറങ്ങാതിരിക്കാൻ ചവച്ച വെറ്റിലയുടെ നീരും ഉമിനീരും കൂടി വായിലേക്ക് വലിച്ചെടുത്ത് കസേരക്കരുവിലിരുന്ന കോളാമ്പിയിലേക്ക് രാമൻ നീട്ടി തൂപ്പി. ശേഷം കസേരയിലെ ഹാൻ്റ് റസ്റ്റിൽ തൂക്കിയ തോർത്ത് കൊണ്ട് ചുണ്ടൊന്ന് ഒപ്പിയ ശേഷം അയാൾ എഴുന്നേറ്റു. വലതുകൈ പിന്നിൽ കെട്ടി കുറച്ചപ്പുറത്തേക്ക് നടന്ന് കണിയാർക്ക് എതിരെ അയാൾ നിന്നു.

 

“”നീ ഗോവിന്ദനോട് ആഹ് ചെറുക്കനെ പറ്റി കൊറച്ച് കള്ളം പറയണം…””,

 

“”ഹ…””,””ഹ…””,””ഹ…””,””ഇതുവരെ പറഞ്ഞതെല്ലാം കള്ളം…””,””ഇനി പറയാൻ പോവുന്നതിൽ എന്താ പുതുമ…””,

 

“”ഇത് അത്പോലെയല്ല…””,””കുറച്ച് ഗൗരവം ഉണ്ട്…””,

 

“”നിങ്ങള് പറയുന്ന പോലെ…””,””എന്താ ഞാൻ ചെയ്യണ്ടത്…””,

 

“”താനിന്ന് വൈകിട്ട് വൈജയന്തിയിൽ ചെന്ന് ഗോവിന്ദനെ കാണുക…””,””എന്നിട്ട്…””,””ആഹ് ചെക്കനില്ലേ…””,””അവൻ്റെ ഗ്രഹനില വച്ച് ഒരു കൊലപാതകി ആവാനുള്ള സാധ്യത വരെ കാണ്ടതായി പറയുക…””,””ഇനിയും അവനെ തറവാട്ടിൽ വച്ചോണ്ടിരിക്കുന്നത് എല്ലാവർക്കും അപകടമാണെന്നും…””,””അവൻ്റെ സ്വഭാവം മാറിയാൽ ആരേം കൊന്നുകളയാൻ മടിക്കില്ലെന്നും പറയുക…””,””അന്ന് ക്ഷേത്രത്തിലേക്കെ നരേന്ദ്രനയച്ച തമിഴന്മാരെയൊക്കെ കൊന്ന് തള്ളിയില്ലേ അതൊക്കെ നിദർശനം ആക്കിവച്ചങ്ങ്ട്ട് പറയാ…””,

 

“”ഔ…””,””ഇത് കൊറച്ച് കടുപ്പാണ്…””,””എന്നാലും ചെയ്യാം…””,

 

“”പിന്നെ…””,””ഇന്ദിരേടെ മോളില്ലേ എന്താ അവൾടെ പേര്….””,

 

രാമചന്ദ്രൻ തൻ്റെ കുറിവരച്ച നെറ്റിയിൽ അവളുടെ പേര് ആലോചിക്കുന്നത് പോലെ വിരല് വച്ച് തട്ടിക്കൊണ്ടിരുന്നു…

 

“”ഹാ…””,””പേരെന്തേലും ആവട്ടെ…””,””ലക്ഷണം വച്ച് നോക്കാണങ്കിൽ കൂടുതൽ സാധ്യത കാണുന്നത് ആഹ് പെൺകൊച്ചിനാണന്നങ്ങ്ട്ട് പറയണം…””,””അവളെ ആയിരിക്കും ചെക്കൻ ആദ്യം കൊല്ലാൻ സാധ്യതാന്നങ്ങട്ട് കാച്ചണം…””,””അയാളത് വിശ്വസിക്കണം…””,””മ്മം…””,””നീയല്ലേ പറയണെ വിശ്വസിച്ചോളും….””,

 

ഒരു പുഞ്ചിരിയോടെ രാമചന്ദ്രൻ പറഞ്ഞു. അതിൽ കണിയാരും പങ്ക് ചേർന്നു. 

 

വൈജയന്തിയിലെ ഭൈരവീ ചൈതന്യം ഇല്ലാതാക്കാൻ ഒരു വഴി തേടിയ രാമന് കിട്ടിയ ആശയമായിരുന്നു മൃഗങ്ങളെയും മറ്റും ബലികൊടുക്കുന്ന ചടങ്ങ്. ശതാബ്ദങ്ങൾക്ക് മുൻപേ തന്നെ ഭൈരവിക്ക് ബലികൊടുക്കുന്ന ചടങ്ങുകളെല്ലാം പെരുമാളർ നിർത്തി വച്ചിരുന്നു അത് രാമന് അറിയാം. പിന്നീട് ഗോപാലകൃഷ്ണൻ ക്ഷേത്രത്തിൻ്റെ മുഖ്യ കാര്യക്കാരനായി കയറിയപ്പോൾ അയാളെ വച്ച് ദേവീ ചൈതന്യം നശിച്ചെന്നും മൃഗങ്ങളെ വീണ്ടും ഭൈരവിക്ക് ബലി അർപ്പിക്കണമെന്നും നിർദ്ദേശിക്കാൻ പറഞ്ഞത് രാമൻ തന്നെയാണ്. അത് പ്രകാരം ഗോപൻ ഗോവിന്ദനോട് ആവശ്യപ്പെട്ട് മൃഗബലി വീണ്ടും ആരംഭിച്ചു. അതൊന്ന് മാത്രം മതിയായിരുന്നു എന്നന്നേക്കുമായി വൈജയന്തി നശിക്കാൻ. ആഹ് മണ്ണിൽ ആദ്യമായി രക്തക്കറ വീണപ്പോഴേ മണ്ണിൻ്റെ പുണ്യത നഷ്ടമായി. ഇന്നിപ്പൊ വൈജയന്തിയുടെ കാവലിന് ഭൈരവിയില്ല. അവിടുത്തെ ഒരു പറ്റം ജനങ്ങൾ മാത്രം… 

 

രാമചന്ദ്രൻ്റെ നിർദ്ദേശങ്ങൾ എല്ലാം നടത്താനായി ഗോപാലകൃഷ്ണൻ എപ്പഴും വൈജയന്തിയിൽ സജ്ജമായിരുന്നു. ഗോപൻ എന്ത് പറയുന്നോ അത് മാത്രമേ ഗോവിന്ദൻ ചെയ്ത് പോന്നൊള്ളു. വിശ്വാസത്തിന് മേലെ ഒരു വാക്കിന് പ്രസക്തിയില്ലല്ലോ. അത് പരമാവധി മുതലെടുക്കാൻ തന്നെ രാമചന്ദ്രൻ തീരുമാനിച്ചു. ഗോപാലകൃഷ്ണൻ പിന്നിൽ നിന്ന് തങ്ങളെ ചതിക്കാനുള്ള കരുനീക്കങ്ങൾ നടത്തുന്നകാര്യം ഗോവിന്ദന് അറിവേ ഇല്ല…

 

“”ഞാൻ ഇപ്പൊ തന്നെ പുറപ്പെടാം രാമാ…””,””ചെക്കൻ്റെ കാര്യത്തിൽ നമ്മക്കൊരു തീരുമാനം ഉണ്ടാക്കാം…””,””അവൻ വൈജയന്തിക്ക് പുറത്തെത്തിയാൽ ബാക്കി അവമ്മാര് നോക്കിക്കോളില്ലേ…””,

 

“”ശ്ശേ…””,””എന്തിനാ അവര്…””,””അവൻ ചാവണ്ടത് എൻ്റെ കൈ കൊണ്ടാ…””,””ഞാൻ തന്നെ തീർത്തോളാം ..””,

 

ശാന്തമായിട്ടാണ് രാമൻ പറയുന്നത്. എന്നാൽ പറഞ്ഞതിൽ എത്രത്തോളം വെറുപ്പ് കലർന്നിട്ടുണ്ടെന്ന് ഗോപാലന് വ്യക്തമായി അറിയാൻ കഴിഞ്ഞു.

25 Comments

Add a Comment
    1. കുറച്ചൂടെ സമയം എടുക്കും ബ്രോ.

  1. Bro balance story upload cheyyu pleace

    1. ചെയ്യാം ബ്രോ… 🤝

  2. Waiting next part for long time

  3. Next part share cheyyu bro! Arokke poyalum thante ezhuthine isttapedunna kurachu alukalkku vendiyengilum

    1. ❤️❤️❤️
      സത്യം പറയാലോ ബ്രോ… ഞാനൊരു പരീക്ഷക്ക് വേണ്ടി തയ്യാറെടുത്തുക്കൊണ്ട്രിക്കുകയാണ്. ഇത് കിട്ടിയിട്ടില്ലങ്കിൽ ഞാൻ എന്നന്നേക്കുമായി എഴുത്ത് നിർത്തണ്ടി വരും…😫 ലൈഫ് അങ്ങനെയാണ് പൊയ്ക്കൊണ്ടിരിക്കുന്നത്. കഥയിൽ ഇനിവരുന്ന ഭാഗങ്ങളെല്ലാം കുറച്ച് വലിയ ഏരിയ കവറ് ചെയ്യുന്നതാണ്. അപ്പൊ അതിലേക്ക് ശ്രദ്ധതിരിച്ചാൽ പിന്നെ എഴുത്തിൽ മാത്രമായിരിക്കും ശ്രദ്ധ.പഠിത്തം നടക്കില്ല… ഇനി പഠിത്തത്തിനിടയിൽ എഴുതാമെന്നുവച്ചാൽ ഒരുപാട് ലാഗ് വരുന്ന എത്ര എഴുതിയാലും വരികളിൽ സംതൃപ്തി വരാത്ത ഒരു അവസ്ഥയും ആയിപോവും. അതോണ്ട് ജസ്റ്റൊന്ന് നിർത്തിയതാണ്. എനിക്കറിയാം എൻ്റെ എല്ലാ പാർട്ടും നല്ല സമയമെടുത്താണ് പബ്ലിഷ് ചെയ്യാറ്. ആറുമാസം വരെയൊക്കെ പോയിട്ടുണ്ട്. കഥയുടെ കംപ്ലീറ്റ്നെസ്സ് നോക്കി പോവുന്നത് കൊണ്ടാണ്. എന്തങ്കിലും എഴുതിയാൽ എനിക്ക് തന്നെ സ്വന്തം വായിക്കുമ്പോൾ മടുപ്പായി തോന്നാറുണ്ട്. അതാണ് പിന്നെയും പിന്നെയും റെഫറ് ചെയ്ത് എഴുതുന്നത്. അത് കൊണ്ട് സമയവും എടുക്കുന്നു. ഇതിൽ എൻ്റെ കഥവായിക്കുന്ന എല്ലാവരും എനിക്ക് സുഹൃത്തുക്കളെ പോലെയാണ്. അൽപ്പം വൈകിയാലും അവരെനിക്ക് വേണ്ടി കത്തിരിക്കുമെന്ന വിശ്വാസമുണ്ട്. തിരക്കുകളൊക്കെ തീർത്തും ഞാൻ വീണ്ടും സജ്ജീവമായി ഇതിലേക്ക് വരും. സൈറ്റിന്റെ അവസ്ഥകണ്ടിട്ട് എനിക്ക് നല്ല വിഷമമുണ്ട്. കൊറോണ കാലത്ത് ഒരുപാട് നല്ല എഴുത്തുകൾ വന്നിരുന്നതാണ്. ഇപ്പൊ ഓരോരുത്തരും അവരവരുടെ തിരക്കുകളിലാണ്. വീണ്ടും ഇത് സജ്ജീവമാവും പഴയത് പോലെ നല്ല നല്ല എഴുത്തുകൾ വരും… ഇത്ര ദിവസത്തിന് ശേഷവും എന്നെ അന്വേഷിച്ച ബ്രോ…❤️ Tnx

  4. അന്ദ്രു

    Nxt part???

  5. മണവാളൻ

    വണക്കം ???

  6. നിധീഷ്

    ♥️♥️♥️

  7. Superb,
    Waiting For next part.
    Please remember that much delay will cause the loosing of reading interest.

  8. Suuuper
    അടുത്ത പാർട്ട് അധികം താമസിപ്പിക്കരുത്

  9. Going Good to much delay. Waiting for next part…

  10. Good waiting

  11. Sajithettan vannu alle

  12. Eni enna next part posta

  13. എന്റെ ആശാനെ കുറെ നാളെയോണ്ട് ഒരു കണക്ഷൻ വിത്യാസം മാത്രം കുറെ ഇങ്ങ് എത്തിയപ്പോൾ പഴയ കഥ ഒകെ തലച്ചോറ് പൊടി തട്ടി തന്നു. ബാക്കി എന്ന് ഇത് പോലെ വൈകുമോ

  14. super, katta waiting

  15. Enna njn second

  16. അറക്കളം പീലിച്ചായൻ

    പീലിച്ചായൻ 1st

    1. ത്രിലോക്

      തമാസ് തമാസ് ♥️♥️

Leave a Reply

Your email address will not be published. Required fields are marked *