തേടി വന്ന പ്രണയം [പ്രണയരാജ] 176

തേടി വന്ന പ്രണയം 

 

ഞാൻ ആദി ദേവ്, ഇന്നെൻ്റെ വിവാഹമാണ്. അച്ഛൻ്റെ ബിസിനസ്സ് കൊളാബേഷൻ്റെ ആഫ്ടർ ഇഫക്ട്. രണ്ട് കമ്പനികൾ തമ്മിലുള്ള ഉടമ്പടിയുടെ പണയ വസ്തു, നാടിനും നാട്ടാർക്കും വീട്ടുക്കാർക്കും വേണ്ടാത്ത മകനെ പെണ്ണിൻ്റെ വീട്ടിലേക്കു  കെട്ടിച്ചു പറഞ്ഞയച്ച് സ്വന്തം ശല്യമൊഴിവാക്കാനുള്ള അച്ഛൻ്റെ തന്ത്രം.

 

അച്ഛനെ പേടിച്ചിട്ടൊന്നുമല്ല ഈ കല്യാണമണ്ഡപത്തിൽ ഞാൻ ഇരിക്കുന്നത്. എൻ്റെ മനസിൽ അവർക്കൊന്നും ഒരു വിലയുമില്ല. എൻ്റെ അമ്മ, അമ്മയ്ക്കു വേണ്ടി മാത്രമാണ് ഞാൻ ഇന്ന് ഈ മണ്ഡപത്തിൽ ഇരിക്കുന്നതു പോലും.

 

എല്ലാവരും കുത്തുവാക്കുകൾ കൊണ്ട് അടിച്ചമർത്താൻ ശ്രമിക്കുമ്പോൾ എന്നും സ്നേഹം കൊണ്ട് എന്നെ മൂടിയത് എൻ്റെ അമ്മ മാത്രമാണ്. ഇന്നുവരെ എന്നോട് ഒന്നും ആവിശ്യപ്പെടാത്ത എൻ്റെ അമ്മ ആദ്യമായി ആവശ്യപ്പെട്ടതും ഇതാണ്. മറുത്തൊന്നും പറയാൻ തോന്നിയില്ല അനുസരിച്ചു.

 

ആയിരക്കണക്കിന് ആളുകളെ സാക്ഷിയാക്കി മണ്ഡപത്തിൽ ഞാൻ വധുവിൻ്റെ വരവിനായി കാത്തിരുന്നു. മുഹൂർത്ത സമയം അടുക്കാറായിരുന്നു, വധുവിൻ്റെ വരവും പ്രതീക്ഷിച്ച് എല്ലാവരും കാത്തിരിക്കുമ്പോൾ , എല്ലാവരുടെയും പ്രതീക്ഷകൾ തെറ്റിച്ചു കൊണ്ട് അവൾ വന്നു ഇഷാനിക.

 

ഞാൻ പ്രേമിക്കുന്ന പെണ്ണാണെന്നൊന്നും തെറ്റിദ്ധരിക്കല്ലേ… ഇതവൾ തന്നെയാണ്, ഇന്നത്തെ എൻ്റെ വധു. കസവു സാരിയും ആടയാഭരണങ്ങളും അണിഞ്ഞു വരേണ്ട നവവധു, ജീൻസും ടോപ്പുമിട്ടു കൊണ്ട് മണ്ഡപത്തിനരികിലേക്കു നടന്നടുത്തു.

 

എല്ലാവരെയും പോലെ നിർവികാരതയോടെ ഞാനവളെ നോക്കുമ്പോൾ ആ മുഖത്തു തെളിഞ്ഞ പുച്ഛഭാവം അതെനിക്കു വ്യക്തമായി കാണാൻ കഴിഞ്ഞിരുന്നു. മണ്ഡപത്തിൽ എനിക്കരികിൽ വന്നു നിന്നു കൊണ്ട് അവൾ എൻ്റെ മുഖത്തിനു നേരെ ഒന്നു നോക്കി. പിന്നെ വേദിയിലിരിക്കുന്നവരെ നോക്കി പറഞ്ഞു.

 

എൻ്റെ വീട്ടിലെ വേലക്കാരനാവാൻ പോലും യോഗ്യതയില്ലാത്ത ഇവനെ ഞാൻ വിവാഹം കഴിക്കാനോ…?

 

എടുത്തടിച്ച പോലെ അവൾ അതു വിളിച്ചു പറഞ്ഞ നിമിഷം എല്ലാവരും ഞെട്ടി. പക്ഷെ ഞാൻ ഞെട്ടിയില്ല. ഇത്തരം അവസരങ്ങൾ എനിക്കു പുത്തരിയല്ലാത്തതു കൊണ്ട്, ഏതു കോപ്പിലെ മെന കെട്ട വർത്തമാനം കേട്ടാലും നമ്മൾ കുലുങ്ങത്തില്ല. എന്തു ചെയ്യാനാ.. മാനുഫാക്ച്വർ ടിഫക്ട് ആയിപ്പോയി.

 

ഇഷാ… എന്താ… ഇത് , നീ പോയി ട്രസ്സ് മാറി വന്നേ….

 

ഇഷയുടെ അച്ഛൻ ഒന്നു ചീറിയതും അവൾ നിർത്താനായി കൈകാട്ടി കൊണ്ടു പറഞ്ഞു.

 

അച്ഛാ… ശബളം ഇല്ലാത്ത പണിക്കാരനു വേണ്ടിയാണേ… വേണ്ട, ഇവൻ നമ്മുടെ വീട്ടിലേക്കു വന്നോട്ടെ, ഏതേലും മൂലേ.. കിടന്നോട്ടെ, എനിക്കൊരു പ്രശ്നവുമില്ല. പക്ഷെ എൻ്റെ കഴുത്തിൽ ഒരു താലി ചാർത്തിച്ച് ഇങ്ങനെ ഒരു വേലക്കാരൻ വേണോ… എൻ്റെ ഭർത്താവാവാൻ എന്തു യോഗ്യതയാണുള്ളത്.

 

മോളെ, ഇഷേ .,,, അച്ഛൻ പറയുന്നത് കേക്ക്, അച്ഛൻ്റെയും അങ്കിളിൻ്റെയും മാനം,

 

സോറി അച്ഛാ… അങ്കിളേ… ക്ഷമിക്കണം. അങ്കിളിൻ്റെ മോൻ എന്ന ഒരു പധവി അതു മാത്രമാണ് നല്ലതായി നിങ്ങളുടെ ഈ മോനൊള്ളൂ… അതു കൂടെ ഇല്ലായെങ്കിൽ തെരുവുപട്ടിയ്ക്കും താഴെയാണ് ഇവൻ്റെയൊക്കെ സ്ഥാനം.

 

അതു പറയുമ്പോൾ അവളുടെ മുഖത്ത് അവജ്ഞയും പുച്ഛവും നിറഞ്ഞു നിന്നിരുന്നു.

 

മോളെ ഇഷാ…

 

രാഗവാ… വേണ്ട, മോളെ നിർബന്ധിക്കണ്ട, അവൾ പറഞ്ഞതിൽ എന്താ തെറ്റ്, എൻ്റെ തലവിധി, എനിക്കുണ്ടായത് ഒന്നിനും കൊള്ളാത്ത ഈ കിഴങ്ങനായി പോയി.

 

കിട്ടിയ അവസരത്തിന് എൻ്റെ തന്തപ്പടി എൻ്റെ തലേക്കേറി താളമടിക്കാൻ തുടങ്ങി. ഇതും കൂടെ ആയതും എനിക്കങ്ങു ചൊറിഞ്ഞു കേറി. ഇനി മുന്നും പിന്നും നോക്കാൻ ഈ ആദിയെ കിട്ടില്ല.

 

ച്ചി… നിർത്തെടി കൊപ്പേ… അല്ലേലും നിന്നെ കെട്ടാൻ എൻ്റെ പട്ടി പോലും സമ്മതിക്കില്ല. പിന്നെ എൻ്റെ അമ്മ പറഞ്ഞില്ലയിരുന്നേൽ ഞാനിവിടെ വന്നിരിക്കുമെന്ന് നിനക്ക് തോന്നണുണ്ടോടി കോപ്പേ…

 

ഞാനതു പറഞ്ഞു നിർത്തിയതും അവൾ ഉറക്കെ കൈയ്യടിക്കാൻ തുടങ്ങി.

 

തെരുവുനായ കുരയ്ക്കാനും തുടങ്ങിയോ.. എൻ്റെ അങ്കിളെ, നിങ്ങടെ മോൻ പറഞ്ഞതു കേട്ടോ.. നിങ്ങൾ. ഒന്നിനും കൊള്ളാത്തവൻ്റെ ആത്മാഭിമാനം.

 

ടീ…. കേപ്പേ….

 

വായടക്കെടാ…

 

അതും പറഞ്ഞു കൊണ്ട് തന്തപ്പടിയുടെ വക ഒന്നു കിട്ടി കവിളിൽ വീണ്ടും തല്ലുവാനായി കൈയ്യുയർത്തിയതും ആ കയ്യിൽ പിടിച്ചു ഞാൻ തള്ളിയതും ദേ കിടക്കുന്നു എൻ്റെ തന്തപ്പടി താഴെ,

 

തൊട്ടു പോകരുതെന്നെ , എന്തധികാരത്തിലാടോ.. താനെൻ്റെ മേലെ കൈ വെക്കുന്നത്. ഞാൻ തനിക്കുണ്ടായതല്ല. അച്ഛ എന്നു പോലും വിളിക്കരുത് എന്നു പറഞ്ഞ താൻ പിന്നെ എന്തോ കാട്ടാനാണ് ഇപ്പോ ഈ കഴപ്പ് കാണിക്കുന്നെ…

 

ആദി,….

 

അമ്മയുടെ ശബ്ദമുയർന്നതും ഞാൻ നിശബ്ദനായി. എരിയുന്ന കണ്ണുകളിലെ കനൽ മാത്രം ജ്വലിച്ചു കൊണ്ടിരുന്നു. ഒരു നോട്ടം കൊണ്ട് ഒരാളെ ദഹിപ്പിക്കാനാകുമായിരുന്നെങ്കിൽ എൻ്റെ തന്തയെ ഞാൻ തന്നെ ദഹിപ്പിച്ചു കൊന്നേനെ .

 

മോളെ ആൻ്റി പറയുന്നത് ഒന്നു കേക്ക്,

 

അതും പറഞ്ഞ് ഇഷയ്ക്കരികിലേക്കു ചെന്ന അമ്മയെ അവൾ തള്ളി മാറ്റിയതും എൻ്റെ കരങ്ങളുടെ ചൂട് അവളുടെ കവിൾത്തടങ്ങൾ രുചിച്ചു നോക്കിയതും ഒരുമിച്ചായിരുന്നു.

 

യൂ … ബാസ്റ്റർഡ്,… നീയെന്നെ തല്ലിയല്ലേ…

 

അതെടി , തല്ലും എൻ്റെ അമ്മയെ തൊട്ടാൽ നിന്നെ കൊല്ലാനും മടിക്കില്ല ഞാൻ.

 

അതും പറഞ്ഞു കൊണ്ട് ഞാൻ അമ്മയ്ക്കരികിലെത്തി.

 

ഞാൻ അപ്പോയെ പറഞ്ഞതല്ലായിരുന്നോ.. ഈ വിവാഹം വേണ്ട എന്ന് . അമ്മ, അമ്മ നിർബദ്ധിച്ചില്ലായിരുന്നെങ്കിൽ ഇങ്ങനെ ഒരു അവസ്ഥ വരുമായിരുന്നോ…?

 

എൻ്റെ ചോദ്യം കേട്ടയുടനെ ഇഷയുടെ മറുപടിയും വന്നു.

 

നിന്നെ പോലെ ഒരുത്തനെ ആരു കെട്ടാനാണ് ആദിദേവ്. പാവം നിൻ്റെ അമ്മ. ബിസിനസ്സിനു വേണ്ടിയുണ്ടാക്കിയതോ എന്തോ.. എങ്ങനെലും നിൻ്റെ കല്യാണം നടന്നു കണ്ടാ മതി എന്നു കരുതി. പക്ഷെ പാവം അമ്മ ഇത്രയും പ്രതീക്ഷിച്ചു കാണില്ല.

 

ഇഷ, മതി, വെറുതെ എൻ്റെ അമ്മയെ ഇതിലേക്ക് വലിച്ചിടണ്ട ‘

 

ആദി മോനെ വേണ്ട .

 

എന്തോ എങ്ങനെ, നീ എന്തിനാടാ.. ഇങ്ങനെ കുരയ്ക്കുന്നത്. ഞാൻ പറഞ്ഞതിൽ എന്തെങ്കിലും തെറ്റുണ്ടോ…?

 

ഞാനവളെ ഒന്നു തുറിച്ചു നോക്കി. എന്നെ പുച്ഛിച്ചു തള്ളി കൊണ്ട് അവൾ പറഞ്ഞു.

 

ഞാൻ ഇഷാനിക രാഗവൻ നിന്നെ വേണ്ട എന്ന് ഈ കല്യാണ മണ്ഡപത്തിൽ വെച്ചു പറഞ്ഞു. നീയാണാണെങ്കിൽ ദേ.. ഈ മുഹൂർത്തത്തിൽ ഈ മണ്ഡപത്തിൽ വെച്ച് കല്യാണം കഴിച്ച് കാണിക്ക്. അതിന് ഏതെങ്കിലും ഒരു പെണ്ണ് നിൻ്റെ കൂടെ പൊറുക്കാൻ തയ്യാറാവോ…?

 

അതും പറഞ്ഞ് അവൾ പൊട്ടിച്ചിരിക്കുമ്പോൾ തലക്കുനിച്ചു നിൽക്കാൻ മാത്രമേ.. എനിക്കും സാധിച്ചൊള്ളൂ.. സ്വന്തം വീട്ടിൽ പട്ടിയുടെ വില പോലും കൽപ്പിക്കാത്തവനെ നാട്ടുക്കാർക്കു പോലും വേണ്ട അങ്ങനെയുള്ള തന്നെ വിവാഹം കഴിക്കാൻ ഏതു പെണ്ണു തയ്യാറാവാനാണ്.

 

കുറ്റപ്പെടുത്തി താഴ്ത്തി കെട്ടാൽ ആരൊക്കെ ശ്രമിക്കുമ്പോഴും തോറ്റു കൊടുക്കാത്തെ തലയുയർത്തി നിന്നിട്ടേയുള്ളൂ ഈ ആദിദേവ്. അതു വീട്ടുക്കാരായാലും കുടുംബക്കാരായാലും ഇനി നാട്ടുക്കാരായാലും പക്ഷെ ഈ നിമിഷം തലയുയർത്തി പിടിക്കുവാനുള്ള ധൈര്യം എന്നിലുമുണ്ടായിരുന്നില്ല.

 

എന്താടാ… നാവടങ്ങി പോയോ… ദേ… നോക്ക് കല്യാണം കൂടാൻ വന്ന ആയിരത്തിൽ പരം ആളുകൾ. ഇതിൽ നൂറു പെമ്പിള്ളേരെങ്കിലും കാണും ചുരുങ്ങിയത് കല്യാണപ്രായമായത്, ഇതിലേതവളെങ്കിലും നിന്നെ കെട്ടാൻ തയ്യാറാണോ… എന്നു നോക്കിയാലോ… നിൻ്റെ വിലയെന്താണെന്ന് ഇന്നറിയിച്ചു തരാടാ… ഞാൻ .

 

അവളതു പറയുമ്പോൾ എരിയുന്ന മിഴികളാൽ അവളെ ഒന്നു നോക്കുവാൻ മാത്രമേ.. എനിക്കായൊള്ളൂ…

 

എല്ലാവരും ഇങ്ങോട്ടൊന്നു ശ്രദ്ധിച്ചെ? ഞാൻ ഇഷാനിക രാഗവൻ ഇവനെ കല്യാണം കഴിക്കാൻ വിസമ്മതിച്ചിരിക്കുന്നു. ഇവനെ വിവാഹം കഴിക്കാൻ താൽപ്പര്യമുള്ള ഏതെങ്കിലും പെൺക്കുട്ടി ഈ കൂട്ടത്തിലുണ്ടോ..? ഏതെങ്കിലും പെൺക്കുട്ടികളുടെ വീട്ടുക്കാർ തയ്യാറാണോ…?

 

അവളതുറക്കെ വിളിച്ചു ചോദിച്ചതും കുശുകുശുക്കലം കോലാഹളങ്ങൾ കൊണ്ടു നിറഞ്ഞിരുന്ന ഹോൾ പെട്ടെന്നു നിശബ്ദമായി. എങ്ങും മൗനം മാത്രം. ആരും എന്നെ ഒന്നു നോക്കിയതു പോലുമില്ല.

 

കണ്ടോടാ… ആർക്കും വേണ്ട നിന്നെ,…

 

അതവൾ പറഞ്ഞു മുഴുവിക്കും മുന്നെ ഒരു കിളിനാദമവിടെ ഉയർന്നു.

 

ഞാൻ റെഡിയാണ്.

 

ഞാനടക്കം എല്ലാവരും ഞെട്ടി. ആ ശബ്ദം കേട്ട ഭാഗത്തേക്ക് എല്ലാവരും നോക്കിയപ്പോൾ ആളുകളെ വകഞ്ഞു മാറ്റി കൊണ്ട് ഒരു സുന്ദരിയായ പെൺക്കുട്ടി അവിടേക്കു നടന്നു വരുന്നു.

 

തൂവെള്ള നിറവും അഞ്ചനം ചാർത്തിയ അഴകാർന്ന മിഴികളും ഇളം ചുവപ്പം കലർന്ന ചെറു ചുണ്ടുകളും ആ കെ മൊത്തത്തിൽ ഒരു കൊച്ചു ദേവതയെ പോലെ ഒരു പെൺക്കുട്ടി. മുന്നിലേക്കു നടന്നു വരുന്ന അവളെ കണ്ടതും ഇഷാനികയുടെ മുഖം മങ്ങി. അവളുടെ മനോഹരിതയ്ക്കു മുന്നിൽ ഇഷാനിക ഒന്നും തന്നെ അല്ലായിരുന്നു എന്നതാണ് സത്യം .

 

അവൾ നടന്നു വന്നു ഇഷാനികയ്ക്കു മുന്നിലായി നിന്നു. ഒരു നിമിഷം എന്തു ചെയ്യണം എന്നറിയാതെ പതറിയ ഇഷാന പല്ലുരുമ്മി കൊണ്ട് അവളെ തുറിച്ചു നോക്കി. എന്നാൽ പുച്ഛത്തിൽ കലർന്ന ഒരു പുഞ്ചിരി മാത്രമായിരുന്നു അവളുടെ മറുപടി.

 

ടോ… തനിക്കെന്താ വട്ടാണോ… സ്വന്തം കുഴി താൻ തന്നെ കുഴിക്കുകയാണോ..? ഒരു ഡിഗ്രി പോലുമില്ലാത്തവൻ, വീട്ടുക്കാർക്കും നാട്ടുക്കാർക്കും വേണ്ടാത്ത ഇവനെ താൻ കല്യാണം കഴിക്കുമെന്നാണോ.. പറയുന്നത്.

 

ഇഷാനികയോട് നിർത്താനായി ആംഗ്യം കാണിച്ചു കൊണ്ട് അവൾ പറഞ്ഞു.

 

മിസ്സ്‌ ഇഷാനിക, തനിക്ക് ഇയാളെ വിവാഹം കഴിക്കാൻ താൽപ്പര്യം ഇല്ല എന്നു താൻ പറഞ്ഞു അതു തൻ്റെ ഇഷ്ടം. ആരെങ്കിലും ഇവനെ വിവാഹം കഴിക്കുവാൻ തയ്യാറാണോ എന്നു ചോദിച്ചു. ഞാൻ താൽപ്പര്യം ഉണ്ടെന്നു പറഞ്ഞു അതെൻ്റെ ഇഷ്ടം. സോ കൂടുതൽ ഓരോന്നു പറഞ്ഞ് സ്വന്തം വില കളയരുത് മിസ്സ് ഇഷാനിക.

 

അതു പറയുമ്പോൾ അവളുടെ മുഖത്ത് പരിഹാസം നിറഞ്ഞ ഒരു പുഞ്ചിരിയുണ്ടായിരുന്നു. അവളെ കാണും തോറും എനിക്കറിയാവുന്ന ആരോ ആണവൾ എന്നു മനസു പറഞ്ഞു കൊണ്ടിരുന്നു. നല്ലതു പോലെ അറിയുന്ന ആരോ.. പക്ഷെ ഓർമ്മയില്ല . അല്ല തോന്നിയതാണ് പക്ഷെ അതു ശരിയാവണം എന്നില്ലല്ലോ..?

 

അങ്ങനെ ഓരോന്നു ചിന്തിച്ചു കൊണ്ടിരിക്കുമ്പോൾ രണ്ടു കാലടികൾ എനിക്കരികിൽ വന്നു നിന്നു. ഞാനവളെ നോക്കിയതും ഒരു പുഞ്ചിരിയോടെ അവളെന്നോടു ചോദിച്ചു.

 

എന്നെ വിവാഹം കഴിക്കാൻ താൻ തയ്യാറാണോ ….?

 

ആ ചോദ്യമെന്നെ ഒന്നു ഞെട്ടിച്ചു. അവളോട് പലതും ചോദിക്കണമെന്ന് എനിക്കുണ്ടായിരുന്നു. പക്ഷെ ഇത്രയും നേരം നേരിട്ട അപമാനം കൊണ്ട് കുമ്പിട്ടു പോയ തലയുയർത്തി പിടിക്കണം എന്നുറപ്പിച്ചു കൊണ്ട് ഞാനമ്മയെ ഒന്നു നോക്കി ആ മുഖത്തെ പുഞ്ചിരിയിലെ സമ്മതഭാവം തിരിച്ചറിഞ്ഞതും ഞാൻ പറഞ്ഞു.

 

സമ്മതം.

 

അടുത്ത ക്ഷണം തന്നെ അവൾ എൻ്റെ കൈ പിടിച്ചു കൊണ്ട് മണ്ഡപത്തിലേക്കു നടന്നു. ഇഷാനികയെ കടന്നു പോകുമ്പോൾ അവളെ നോക്കി ഒരു പുച്ഛത്തിൽ കലർന്ന പുഞ്ചിരി നൽകാൻ ഞാനും മറന്നില്ല. ഞാനും അവളും മണ്ഡപത്തിലിരുന്നു. ഇരുന്ന പാടെ പൂജാരിയെ ഞാനൊന്നു തുറിച്ചു നോക്കിയതും അയാൾ മന്ത്രോച്ചാരണം തുടങ്ങി.

 

പൂജാരി വച്ചു നീട്ടിയ താലിയെടുത്ത് അവളുടെ കഴുത്തിൽ കെട്ടുമ്പോൾ പകയോടെ എന്നെ നോക്കുന്ന ഇഷാനികയെ ഞാൻ കണ്ടു. അതൊന്നും ശ്രദ്ധിക്കാതെ കുങ്കുമമെടുത്ത് അവളുടെ സിന്തൂരരേഖയെ ചുവപ്പിക്കുമ്പോൾ അങ്കത്തിൽ ശത്രുവിനെ കഴുത്തറുത്ത് അവൻ്റെ രക്തത്തിൽ നീരാടിയ സംതൃപ്തിയുണ്ടായിരുന്നു എന്നിൽ.

 

(തുടരും…..)

 

 

Updated: May 19, 2024 — 10:51 pm

20 Comments

Add a Comment
  1. നിധീഷ്

    ♥️♥️♥️♥️♥️♥️♥️

  2. 😍😍🥰nice

  3. Super story bro. Pls continue

  4. Nice story bro. Pls continue

  5. Super. Good start waiting for the next part, also increase the number of pages

    1. പ്രണയരാജ

      Page increase is not possible

    2. Page number increase is not possible

  6. 👹 ചാത്തൻ 👹

    അയ്യോാ…… നിന്നെ ഇപ്പൊ കയ്യികിട്ടിയാ ഉണ്ടല്ലോ മോനെ കെട്ടി പിടിച്ചു കവിളിൽ ഒരു ഉമ്മത്തരും. ഒരു പാർട്ട്‌ വായിച്ചപ്പോ തന്നെ ഉണ്ടായ ആ ഫീൽ ഹാ….. ഉമ്മ 😘…

    🫣

    1. പ്രണയരാജ

      Thanku mutheee

    2. Thanku bro next part post chaithittunde

  7. ഒരു കഥ മുഴുവൻ വായിക്കണം എന്ന കൊതി കൊണ്ട് ചോദിക്കുവാ. ഇത് “ഇണക്കുരുവികൾ” എന്ന story എഴുതിയ ആൾ ആണെങ്കിൽ. എവിടെ പോയാൽ ആണ് അണ്ണാ അതിന്റെ complete story വായിക്കാൻ പറ്റുക? കൊതികൊണ്ട് ചോദിക്കുകയാ. ആരെങ്കിലും അറിയുന്നവർ ഉണ്ടെങ്കിൽ ഒന്ന് പറഞ്ഞു തെരണേ. Pls

    1. പ്രണയരാജ

      Inakkuruvigal annu kk undaya problethile nirthiyathane pinne thudangiyittilla…ennelum ezhuthanulla mood vannal njan ezhuthan nokka aa time ivide thanne post chaiyam

    2. Sry bro kk undaya chila problem moolam njan aa story stop chaithu ennelum rewrite chaiyuvane njan ivide thanne post chaiyande

  8. Universe, പവിത്രബന്ധം ഉടനെ ഉണ്ടാകും പ്രതീക്ഷിക്കുന്നു.. 👍

    1. പ്രണയരാജ

      Univers and pb njan vaigathe update chaiyande bro

  9. മാസ്സ്..🔥 പക്ഷെ പെട്ടന്ന് തീർന്നപ്പോൾ എന്തോപോലെ.. ഇനി കാത്തിരിപ്പിന്റെ നാളുകൾ, അടുത്ത പാർട്ടിനായി..

    1. പ്രണയരാജ

      Vaigathe thanne varum bro

Leave a Reply

Your email address will not be published. Required fields are marked *