അതേയ് ഞാന്‍ പറഞ്ഞ പോലെ ആ പ്രശ്നം പരിഹരിച്ചു ടോ… വൈഷ്ണവ് ഗ്രിഷ്മയെ നോക്കി പറഞ്ഞു.
ഹാ… എനിക്ക് തോന്നി കണ്ണേട്ടനാണ് പരിഹരിച്ചതെന്ന്…
അതെയ് നമ്മുക്ക് ഒരു ഗ്ലാസ് നാരങ്ങവെള്ളം കുടിച്ചാലോ… വൈഷ്ണവ് എല്ലാരോടുമായി ചോദിച്ചു.
ആരും എതിര്‍പ്പ് പറഞ്ഞില്ല…
എന്ന വാ…
അങ്ങിനെ നാലു പോരും ക്യാന്‍റിനിലേക്ക് വെച്ചു പിടിച്ചു. അവര്‍ ഒരു മേശയുടെ ചുറ്റും ഇരുന്നു. ഗ്രിഷ്മ അല്‍പം നാണത്തോടെ വൈഷ്ണവിനോട് പറഞ്ഞു.
അതേയ്, എനിക്ക് കണ്ണേട്ടനോട് ഒറ്റയ്ക്ക് ഒന്ന് സംസാരിക്കണം.
അത് കേട്ട് സന്തോഷവാനായ വൈഷ്ണവ് മിഥുനയെയും രമ്യയേയും ഒന്ന് നോക്കി.
അതേയ് നിങ്ങള്‍ക്ക് ഒറ്റയ്ക്ക് സംസാരിക്കണം എങ്ങില്‍ നിങ്ങള് എണിറ്റു പോവുക. അല്ലാതെ ഞങ്ങളെ പറഞ്ഞു വിടാന്‍ നോക്കണ്ട. വൈഷ്ണവിന്‍റെ നോട്ടം മനസിലാക്കിയ മിഥുന വെച്ചുകാച്ചി.
എന്നാ നിങ്ങള് ഇവിടെ പരിചയപ്പെട്ടിരിക്ക് ഞങ്ങള്‍ ഇപ്പോ വരാം… വൈഷ്ണവ് അവരോട് പറഞ്ഞു. പിന്നെ മിഥുനയോട് നേരെ നോക്കി രമ്യയെകുറിച്ച് പറഞ്ഞു.
ടീ.. നിനക്ക് പറ്റീയ കമ്പനിയാ… കത്തിവെപ്പില്‍ നിന്‍റെ അമ്മയായി വരും ഇവള്‍… അത് കേട്ട് ചിന്നു ഒന്ന് ചിരിച്ചു. കുടെ വൈഷ്ണവും മിഥുനയും.
അത് സഹിക്കാതെ രമ്യ തിരിച്ച് പറഞ്ഞു.
അതേയ്, നിങ്ങള് ഞങ്ങള്‍ക്കിട്ട് വെയ്ക്കാതെ പോയി ഒറ്റയ്ക്ക് മിണ്ടാന്‍ നോക്ക്…
ഓ, ശരി തമ്പ്രാ… ഇത്രയും പറഞ്ഞ് വൈഷ്ണവ് ശാന്തേച്ചിയുടെ നേരെ തിരിഞ്ഞു എന്നിട്ട് പറഞ്ഞു.
ശാന്തോച്ചി ഇവിടെ രണ്ട് ലൈമും രണ്ട് പരിപ്പ് വടയും കൊടുത്തേക്ക്… ശാന്തേച്ചി അവനെ നോക്കി ചിരിച്ചു.
ഡാ… അധികം ദൂരത്തേക്ക് ഒന്നും പോവാണ്ട ടോ… മിഥുന അവനോട് പറഞ്ഞു.
നീ പറഞ്ഞത് നന്നായി. ഇല്ലെല്‍ ഫസ്റ്റ് നൈറ്റും കഴിഞ്ഞേ ഞാന്‍ വരികയുള്ളു.
വൈഷ്ണവ് തിരിച്ചടിക്കാന്‍ നോക്കി. എന്നാല്‍ അത് കേട്ട ഗ്രിഷ്മ ഒന്ന് ഞെട്ടി.
അതിനും ഒരു യോഗം വേണം മോനെ… അവന്‍റെ മറുപടി കേട്ട് രമ്യ ചിരിച്ചുകൊണ്ട് പറഞ്ഞു.
അത് കേട്ട് ചമ്മിയ മുഖവുമായി അവന്‍ രമ്യയെ നോക്കി. അത് കണ്ട് ഗ്രിഷ്മയും മിഥുനയും ചിരിച്ചു. അവന്‍ ചിരിക്കുന്ന ഗ്രിഷ്മയെ ഇടംകണ്ണിട്ട് നോക്കി. അവന്‍റെ നോട്ടം മനസിലാക്കിയ അവള്‍ അവനോടായി പറഞ്ഞു.
അവള്‍ക്ക് എല്ലാം അറിയാം…
വൈഷ്ണവ് ചമ്മിയ മുഖം പുഞ്ചിയാക്കാന്‍ ശ്രമിച്ചു രമ്യയോടായി പറഞ്ഞു.
നിന്നെ ഞാന്‍ പിന്നെ എടുത്തോളമെടി ഞാഞ്ഞുളേ… ഇപ്പോ ഞാന്‍ പോകുന്നു.
ഇത്രയും പറഞ്ഞ് അവന്‍ തിരിച്ച് നടന്നു. പിറകെ ഗ്രിഷ്മയും. വാതില്‍ എത്താറായപ്പോള്‍ വൈഷ്ണവ് ഒന്ന് സ്ലോ ആക്കി. ഈ സമയത്ത് ചിന്നു അവന്‍റെ ഒപ്പമെത്തി. അവര്‍ ഗ്രൗണ്ടിലേക്ക് നിങ്ങി. അവര്‍ ഗ്രൗണ്ടിന് സൈഡില്‍ ഉള്ള മരത്തിന് കീഴെ ഉള്ള ഇരുപ്പിടത്തില്‍ പോയി ഇരുന്നു. ഇപ്രാവിശ്യം സംസാരിച്ച് തുടങ്ങിയത് ചിന്നുവാണ്.
കണ്ണേട്ടന്‍ ആ വിപിനെ തല്ലിയോ…
ഹാ… ചെറുതായിട്ട്…
എനിക്ക് വേണ്ടിയാണോ തല്ലിയത്?
നിനക്ക് വേണ്ടി മാത്രം അല്ല. അവന്‍ കാട്ടിയത് അത്ര നല്ല പരുപാടി അല്ല. അതിന് രണ്ടെണ്ണം കിട്ടണം. അവനീനി ഒരു പെണ്ണിനോടും ഇങ്ങനെ പെരുമാറരുത്…
രണ്ടെണ്ണം കൊടുത്തോ…
Nice..nalloru pranayakalam akatte iniyilla parts..with love❤️