True Demon : King of Hell 3 [Illusion Witch] 1080

ഇവരെ കൂടാതെ നാലാമത് ഒരാൾ കൂടി വന്നു. അലസമായ മുടിയും വെട്ടാതെ കാടു പിടിച്ച് കിടക്കുന്ന താടിയും, മറ്റുള്ളവരെ പോലെ പുതിയ സിൽക്ക് വസ്ത്രങ്ങൾ ഒന്നും ദരിക്കാതെ ലളിതമായ ഒരു ഓവർ കൊട്ട് മാത്രം ധരിച്ച മെലിഞ്ഞ ഒരാൾ. കയ്യിൽ അര മീറ്റർ നീളവും തള്ളവിരൽ വണ്ണവും ഉള്ള ഒരു വടിയും ആയി വന്ന അയാളുടെ അരയിൽ മൂന്നാലു കുപ്പി പോലെ ഉള്ള പാത്രങ്ങൾ ഉണ്ടായിരുന്നു. ഒരു അലസ ഭാവത്തിൽ കോട്ടുവാ ഇട്ടു കൊണ്ട് അയാൾ രാജാവിന്റെ സിംഹാസനത്തിന് തൊട്ടു താഴെ ഉള്ള പടിയിൽ ഇരുന്നു. അയാളുടെ ആറ്റിറ്റൂഡ് കണ്ട് ഡയാനക്കും ജോസഫ്നും ദേഷ്യം വരുന്നുണ്ടായിരുന്നു എങ്കിലും അലക്സാണ്ടരുടെ ഒറ്റ നോട്ടത്തിൽ അവർ രണ്ടുപേരും ദേഷ്യം മറച്ചു, അത്ര നേരം ഉണ്ടായിരുന്ന കോൾഡ് എക്സ്പ്രഷൻ സ്വീകരിച്ചു. എന്നാൽ ഇവരെ മൈൻഡ് ചെയ്യാതെ കോട്ടുവായും ഇട്ടോണ്ട് ഉറക്കം തൂങ്ങി ആ പടിയിൽ തന്നെ ഇരിക്കുകയായിരുന്നു അയാൾ. ബാക്കി രണ്ടുപേരെയും പോലെ അയാൾ അലക്സാണ്ടറിനെ ഭയക്കുന്നുണ്ടായിരുന്നില്ല. അല്ല… അയാൾക്ക് ആരെയും ഭയം ഇല്ലായിരുന്നു. അയാൾ ആണ് Edvard Venom, the Third Sword.  Swords ന്റെ തലപ്പത്ത് ഇരിക്കുന്ന നാലുപേർ, Demon kingdom ത്തിലെ ഏറ്റവും പവർഫുൾ ആയ ആർമി നയിക്കുന്ന നാലുപേർ. രാജാവ് കഴിഞ്ഞാൽ Demon kingdom ത്തിൽ ഏറ്റവും കരുത്തും അതോറിറ്റിയും ഉള്ള നാലുപേർ The Mighty four Swords of Demon King.