The Mythic Murders ?️Part:1 Final Chapter(Vishnu) 256

അവസാനം അവരുടെ ഇടയിൽ തളം കെട്ടി നിന്ന സങ്കടം എല്ലാം പതിയെ അലിഞ്ഞ് എവിടെയോ മറഞ്ഞു..അവൻ ആ പഴയ നന്ദുവിനെ അവളില്‍ കണ്ടു..

അപ്പോഴാണ് സിദ്ധാർഥിന്റെ കാൾ പിന്നെയും വന്നത്..അത് കണ്ട ധ്യാൻ അവളെ നോക്കി..

“ഇനിയും പോയില്ലെങ്കിൽ അവൻ ഇങ്ങോട്ടെക്ക് കേറി വരും..വേഗം വിട്ടോ.. എനിക്കും തിരികെ ഓഫീസിൽ പോകണം..”

ചിരിച്ചുകൊണ്ട് ധ്യാന്‍ എഴുന്നേറ്റതും അവൾ പെട്ടന്നു ധ്യാനിന്റെ കയ്യിൽ പിടിച്ചു…

“നാളെ നീ വീട്ടിൽ വരണം, ധ്യാന്‍… കൂടെ ആ ഖജനാവ് ചോർത്തുന്ന അവനെയും കുട്ടിക്കോ..വന്നില്ലെങ്കിൽ നിന്നെ ഞാൻ കൊല്ലും..”

ധ്യാന്‍ ചിരിച്ചു..

“ഇന്നും നാളെയും ഒക്കെ ഞങ്ങൾക്ക് ചെറിയ പണി ഉണ്ട്, നന്ദു.. എന്തായാലും അതെല്ലാം കഴിഞ്ഞ് രണ്ടുദിവസം കഴിഞ്ഞ്ഞാൻ അങ്ങു വരുന്നുണ്ട്..എനിക്കാ കള്ള പന്നിയെ കണ്ടിട്ട് കുറച്ചു കാര്യം പറയാൻ ഉണ്ട്..”

അതും പറഞ്ഞു രണ്ടാളും ചിരിച്ചു..അവളോട്‌ യാത്രയും പറഞ്ഞു അവൻ അവിടെ നിന്നും നടന്നു… അന്നേരം അവന്‍ കണ്ടത് ഒരു ഡ്യുക് ബൈക്കുമായി ഇളിച്ചു കൊണ്ട് നിൽക്കുന്ന സിദ്ധാർഥിനെയാണ് ..

ധ്യാൻ ഞെട്ടി..അവൻ സിദ്ധാർഥിന്റെ അടുത്തേക്ക് തിടുക്കത്തിൽ നടന്നു..

“ഡാ…, നിന്നോട് വല്ല സ്പ്ലൺഡർ ബൈക്ക് വല്ലോം കിട്ടുമോ എന്നു നോക്കാൻ അല്ലേ പറഞ്ഞത്..ഇത് എന്താടാ….?”