ചാത്തന്റെ പ്രിയ സഖി എഴുതി തന്ന കഥയാണിത്. അവളുടെ അനുവാദത്തോടെ കഥകൾ. കോം ൽ പോസ്റ്റ്‌ ചെയ്യുന്നു. ഹരേ ഇന്ദു എഴുതിക്കൊണ്ടിരിക്കുവാണ്. ഉടനെ പോസ്റ്റ്‌ ചെയ്യുന്നതാണ് ട്ടോ. എല്ലാ പ്രിയപ്പെട്ട വായനക്കാരും നൽകുന്ന സപ്പോര്ടിനു നന്ദി.

¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥

ഹാളിൽ നിന്ന് ആരുടെയൊക്കെയോ സംസാരവും ചിരിയൊലികളും ഉയർന്നു കേട്ടപ്പോഴാണ് നിവേദ്യ റൂമിനു വെളിയിൽ ഇറങ്ങുന്നത്…

” ഇതാരപ്പാ ഈ സമയത്… 🙄എഹ് ആ നോക്കാം ”

ആത്മഗതം പറഞ്ഞു സ്റ്റെപ് ഇറങ്ങി അവൾ താഴെ എത്തി…

നോക്കിയപ്പോ തെക്കേപറമ്പിലെ ലിനേടത്തിയും കെട്ടിയോനും അവരുടെ മക്കൾ ലിബിനും ലിനിനുമാണ് അതിഥികൾ…

അവളെ കണ്ടതും ലിനേടത്തിയുടെ മുഖം ഏതാണ്ട് ചെകുത്താൻ കുരിശ് കണ്ടപോലെ ഇരുണ്ടു…

ഒരു ഷോർട്സും ടി ഷർട്ടും ആയിരുന്നു നിവിയുടെ വേഷം…

ലിനിയുടെ മാപ്പിള കോശി തരകൻ നിവിയുടെ അച്ഛനോട് ബിസിനസ്‌ കാര്യമൊക്കെ സംസാരിച്ചുകൊണ്ടിരിക്കുവായിരുന്നു

നിവിയുടെ അമ്മ നിമിഷ അടുക്കളയിൽ ചായ ഉണ്ടാകുന്ന തിരക്കിൽ  ആയിരുന്നു…

സംസാരത്തിനു എടക്കാണ് കോശിച്ചായൻ നിവിയെ കണ്ടത്..

” അഹ് കോച്ചിങ് വന്നോ… ഞാൻ ഇപ്പോ അച്ഛനോട് തെരക്കിതെ ഉള്ളു.. സുഖാണോ മോളെ… ”
അയാൾ അവളോട്‌ തിരക്കി…

ഓരോന്ന് ചോദിക്കുമ്പോഴും അയാളുടെ
കണ്ണുകൾ അവളെ ഒഴുപ്പിച്ച നോക്കി…

അതവളിൽ അരോചകം ഉണ്ടാക്കി… പക്ഷെ പുറത്തു കാട്ടാതെ അവളതിനു ” സുഖം ” എന്ന ഒറ്റവാക്കിൽ മറുപടിയൊതുക്കി..

മക്കൾ രണ്ടാളും ഫോണിലായതു കൊണ്ട് അവൾ മറ്റെങ്ങോ നോക്കി ദിവാനിൽ ഇരുപ്പുറപ്പിച്ചു…

കോശിയുടെ കണ്ണുകൾ ഇടക്ക് അവളുടെ ശരീരത്തിൽ അരിച്ചിറങ്ങുന്നുണ്ടായിരുന്നു….

അവൾ അയാളെ ഒന്ന് നോക്കിയപ്പോൾ പെട്ടെന്ന് നിഷ്കളങ്കത വാരി വിതറികൊണ്ട് അവളെ നോക്കി പുഞ്ചിരിച്ചു…