ശിവതാണ്ഡവം 1 [കുട്ടേട്ടൻ] 158

” ദേ………….. അമ്മേ ……..  വേണ്ടാട്ടോ ………….”

” അല്ല എന്താ നിന്റെ പ്രശനം ….” പാർവ്വതി ചോദിച്ചു ……….

” ഇവളെ എന്തിനാ ഇപ്പൊ ഇങ്ങോട്ടു കെട്ടിയെടുത്തെ ……………..മനുഷ്യന്റെ  മനസ്സമാധാനം  കളയാൻ ആയിട്ട് ………” അഞ്ജലി ദേഷ്യത്തോടെ പറഞ്ഞു

” ദേ കിടക്കുവല്ലേ ………………. നീ തന്നെ ചോദിച്ചു നോക്ക് …………  ” മൂടിപൊതച്ചുറങ്ങുന്ന കാവ്യയെ നോക്കിയിട്ടു …പാർവ്വതി പറഞ്ഞു  …………

അതുകേട്ട അഞ്ജലി  ………….  കട്ടിലിന്റെ അടുത്തേക്ക് നടന്നു   എന്നിട്ടു  കാവ്യയെ  ഒന്ന് ആപാദചൂഡം ഒന്ന്  നോക്കി ……….. എന്നിട്ടു അവളുടെ കാലിൽ പിടിച്ചു ഒറ്റവലി ………………….

” അമ്മേ ….. ഞാൻ കൊക്കയിൽ വീണേ …………..   എന്നെ രക്ഷിക്കണേ ………  അയ്യോ ……….”   താഴേക്ക്  വീണതും കാവ്യ  പുതപ്പിന്റെ ഉള്ളിൽ കിടന്നു കൈകാലിട്ടടിച്ചു  അലറി …………  അതുകണ്ടതും പാർവ്വതിക്കും  അഞ്ജലിക്കും ചിരി വന്നു …………

പാർവ്വതി നേരെ കാവ്യയുടെ അടുത്തേക്ക്  ചെന്നിരുന്നു  .  എന്നിട്ട് അവളുടെ ശരീരത്തിൽ നിന്നും പുതപ്പു വലിച്ചു മാറ്റി …………    അപ്പോഴും അവൾ നിലത്തുകിടന്നു കൈകാലിട്ടടിച്ചു കൊണ്ട്  അതെ  ഡയലോഗ്  തുടർന്നു ………….
അവൾ നിർത്തുന്നില്ല എന്ന് കണ്ട പാർവ്വതി  കാവ്യയുടെ  തലക്കിട്ടു ഒന്ന്  കൊടുത്തിട്ടു അവളെ വിളിച്ചു ………….

”  എടി  കാവ്യെ ………… കണ്ണ് തുറക്കെടി……”

തലയ്ക്കു ഒന്ന് കിട്ടിയതും കാവ്യ തന്റെ നിലവിളി ശബ്‌ദം  സ്വിച്ചിട്ടപോലെ നിന്നു.
എന്നിട്ടു അവൾ പതുക്കെ കണ്ണ് തുറന്നു നോക്കി …………

കണ്ണ് തുറന്നതും ” ഹമ്മേ ………..  ഭദ്രകാളി……………” എന്നും പറഞ്ഞു നിലത്തു നിന്നു ചാടി എഴുന്നേറ്റു  റൂമിന്റെ വെളിയിലേക്കു ഓടാൻ തുനിഞ്ഞതും

” നിക്കെടി അവിടെ ………….” അഞ്ജലി വിളിച്ചു …………….

കാവ്യ  നിന്നു  . എന്നിട്ടു പതുക്കെ തിരിഞ്ഞു നോക്കി

” ആഹാ ……  ചേച്ചി ആയിരുന്നോ….. ഇതെന്താ ഈ കോലത്തിൽ ………..  മനുഷ്യനെ  പേടിപ്പിക്കാൻ  ഇറങ്ങിയതാണോ ………….” കാവ്യ ചോദിച്ചു

” ദേ പെണ്ണെ രാവിലെ തന്നെ എന്റെ വായിൽ ഇരിക്കുന്നത് കേൾക്കാൻ നിക്കല്ലേ ………  നിന്നെ എന്തിനാടി  ഇപ്പൊ ഇങ്ങോട്ടു കെട്ടിയെടുത്തെ ……..” അഞ്ജലി ദേഷ്യപ്പെട്ടുകൊണ്ട് പറഞ്ഞു  …..

” ആഹാ അതുകൊള്ളാം…….. എനിക്കെന്റെ അമ്മയെയും കൂടപ്പിറപ്പിനെയും കാണണം എന്ന് തോന്നി ഞാൻ ഇങ്ങു പൊന്നു ………. അല്ല അമ്മയെവിടെ ………..”

” ഞാൻ ഇവിടെത്തന്നെ ഉണ്ട് …   നിങ്ങളുടെ  അടിപിടി കഴിഞ്ഞോട്ടെ എന്ന് വിചാരിച്ചതാ …………” പാർവ്വതി പറഞ്ഞു …………….

” ഹായ് അമ്മക്കുട്ടി എന്തൊക്കെയുണ്ട് വിശേഷം ………….” കാവ്യ അതും ചോദിച്ചുകൊണ്ട് പാർവതിയുടെ അടുത്തേക്ക് നടന്നു