ശിവശക്തി 11 [ പ്രണയരാജ] 341

രഹസ്യ വനത്തിനകം അതിതീവ്രമായ പ്രകാശത്താൽ വർണ്ണിതമായി. അടുത്ത നിമിഷം, നാഗങ്ങൾ കാടിൻ്റെ ഉള്ളകത്തേക്ക് ഇഴഞ്ഞു നീങ്ങി. ആ കാഴ്ച്ച ദൂരെ നിന്നും കാലകേയഭടൻ  കരംങ്കമാരൻ കാണുന്നുണ്ടായിരുന്നു.
അവൻ്റെ മിഴികൾ തിളങ്ങുകയാണ്. അമൂല്യമായ ആ ആയുധത്തിനായി അവൻ്റെ ഉള്ളം വിതുമ്പുകയാണ്. രഹസ്യവനത്തിൻ്റെ കവാടം തുറന്നിരിക്കുകയാണ്. കവാടം വഴി നാഗങ്ങൾ പോകുന്നു. അവരെ പിന്തുടർന്ന് തനിക്കും വനത്തിൽ പ്രവേശിക്കാം എന്ന പ്രതീക്ഷയൽ അതി വേഗം അവൻ വനത്തിലേക്ക് ഓടിയടുക്കുകയാണ്.
വനാതിർത്തിയിൽ എത്തിയതും അവൻ്റെ ഉള്ളം അതിശക്തമായി തുടിക്കുകയായിരുന്നു . ഉള്ളിൽ ഭയവും, പ്രതിക്ഷയും ഒരുപോലെ നിഴലിക്കുന്ന കരംങ്കമാരൻ, തൻ്റെ കാലുകൾ അതിർത്തി കടക്കാനായി ഉള്ളിലേക്കു വെച്ചതും ഉയർന്നു വന്നു. അഗ്നിയാൽ തീരത്ത വേലി.
ആ തീച്ചൂളയിൽ കരംങ്കമാരൻ്റെ കാൽ ദഹിച്ച് പോയി, വേദനയിൽ പുളത്ത് കൊണ്ട് പുറം തിരിഞ്ഞവൻ വീണു കിടന്നലറി വിളിച്ചു. അവൻ്റെ അലമുറ കേട്ടു വന്നു നോക്കിയ, കാലകേയ ഭടൻമാർ ഭയന്ന നിമിഷം. ഒരു കാലിൻ്റെ  ഭാഗം പൂർണ്ണമായി ദഹിച്ച്, അസ്ഥി കാണുന്ന പരുവമായ അവനെ ഭയത്തോടെ നോക്കി നിന്നു.
?????
മാലാഖേ……
എന്താ…. മീനാക്ഷി
അച്ഛൻ വന്നില്ലല്ലോ…. മാലാഖേ….
മീനാക്ഷി…. അച്ഛൻ എന്താ വരാത്തേന്നറിയില്ല, മോളെ
അച്ഛൻ വരൂലേ…. മാലാഖേ….
അതും പറഞ്ഞ് മീനാക്ഷി പൊട്ടിക്കരയാൻ തുടങ്ങി. ആമി, പതിയെ അവളെ വാരിപ്പുണർന്നു.
അച്ഛൻ വന്നില്ലേ… മാലാഖയില്ലേ… മീനാക്ഷിക്ക്
മാലാഖേ….
എന്നു വിളിച്ചു കൊണ്ട് അവളും ആമിയെ കെട്ടിപ്പിടിച്ചു.
മീനാക്ഷി ദേ… അങ്ങോട്ടു നോക്കിയെ….
മാലാഖ ചൂണ്ടിക്കാട്ടിയ ഇടത്തേക്ക് അവൾ നോക്കി, അവളുടെ മിഴികൾ തിളക്കമേറിയതായിരുന്നു. ആ കാഴ്ച്ചകളിൽ അവൾ മുഴുകി നിന്നു. അവൾ വേഗം അവിടേക്കോടി .
മിന്നാമിനുങ്ങൾ വരി വരിയായി, പല രൂപത്തിത്തിൽ അവൾക്കു ചുറ്റും പാറി നടക്കുകയാണ്. ആ നുറുങ്ങു വെട്ടം തീർത്ത അത്ഭുതവും, സന്തോഷവും അച്ഛനെന്ന സത്യത്തെ അവളുടെ ചിന്തയിൽ നിന്നകറ്റി .  തനിക്കു ചുറ്റും നിറഞ്ഞു നിൽക്കുന്ന മായിക കാഴ്ച്ചകളിൽ അവൾ സ്വയം മറന്ന് കളിച്ചു രസിക്കുകയാണ്.