ജോനു ആറ് വയസ്സുള്ള ഒരു തെരുവ് ബാലനാണ് ,,,

” അന്നും പതിവുപോലെ തന്നെ അവൻ ചാക്കുമായി കുപ്പി, പാട്ട , പ്ലാസ്റ്റിക് തുടങ്ങിയ പാഴ് വസ്തുക്കൾ പറക്കിയെടുക്കാനായി പുറപ്പെട്ടു ,,,,

രാവിലെ ഏഴു മണി മുതൽ തുടങ്ങിയതാണ്, റോഡുകളിലൂടെയുള്ള ചാക്കും പിടിച്ചു കൊണ്ടുള്ള അവന്റെ യാത്ര ,,,

ഇതുവരെ കാര്യമായി ഒന്നും തന്നെ കിട്ടിയില്ല ,,,

അവന് അത് മനസ്സിൽ വല്ലാതെ സങ്കടവും , വേദനയും ഉണ്ടാക്കി ,,,

അലച്ചിൽ കാരണം തളർച്ച തോന്നിയ അവൻ റോഡ് സൈഡിലെ അവൻ സ്ഥിരം ഇരിക്കാറുള്ള മരത്തിന്റെ ചുവട്ടിൽ ചെന്നിരുന്നു ,,,

സമയം ഒമ്പത് മണി കഴിഞ്ഞു , വന്നപ്പോൾ ശൂന്യമായി കിടന്നിരുന്ന റോഡിൽ, ആളുകൾ നിറഞ്ഞു ,

അവരിൽ കൂടുതലും സ്കൂൾ

കുട്ടികളും , ജോലിക്ക് പോകുന്നവരും ആയിരുന്നു ,,,

ചില ഇംഗ്ലീഷ് മീഡിയം സ്കൂളിലെ കുട്ടികൾ , സ്കൂളിലേക്ക് പോകുന്നത് അവൻ കൊതിയോടെ നോക്കി കൊണ്ടിരുന്നു ,,,,

അവൻ തന്റെ വസ്ത്രങ്ങൾ നോക്കി സ്വയം ഒന്നു വിലയിരുത്തി , അവന്റെ കണ്ണുകൾ നിറഞ്ഞു തുളുമ്പി ,,,,