രാക്ഷസൻ 7 [FÜHRER] 388

ഈ സമയം മഹാരാഷ്ട്രാ സംസ്ഥാനത്തുള്ള റാണയുടെ ശക്തികേന്ദ്രങ്ങള്‍ അലോകിന്റെ സൈന്യം പിടിച്ചെടുത്തു. സ്ഥാപനങ്ങളില്‍ നിന്നു റാണയുടെ അനുയായികെ ഇറക്കിവിട്ടു. എതിര്‍ക്കാന്‍ വന്ന ഗുണ്ടകളെ കൊന്നു തള്ളി. അതോടെ അലോകിന്റെ സൈന്യത്തെ എതിര്‍ക്കാന്‍ പോലും റാണയുടെ ആളുകള്‍ക്കായില്ല. പലരും ഭയന്ന് അലോകിന്റെ സൈന്യത്തിന്റെ പിടിയില്‍ നിന്നും ഓടി ഒളിച്ചു.

റാണയുടെ കൊട്ടാര സദൃശ്യമായ കോട്ട. ഏക്കറുകണക്കിനു പരന്നുകിടക്കുന്ന അവിടേക്ക് അനുവാദമില്ലാതെ കടന്നു ചെന്നവരാരും ഇന്നേ വരെ ജീവനോടെ പുറത്തേുക്കു പോയിട്ടില്ല.
റാണക്കു വേണ്ടി കൊല്ലാനും ചാകാനും തയാറായി കാവല്‍ നില്‍ക്കുന്ന ഗുണ്ടകള്‍. അലോക് വരുമെന്ന വിവരം റാണ അപ്പോള്‍തന്നെ തന്റെ അനുയായികളെ അറിയിച്ചിരുന്നു.

അലോകിനെ വരവേല്‍ക്കാന്‍ അവിടെയ്ക്കു കൂടുതല്‍ ഗുണ്ടകളെ റാണ വിളിച്ചു വരുത്തി. തന്റെ കീഴിലുള്ള ഓരോ സ്ഥാപനങ്ങളും ആളുകളും നഷ്ടപ്പെടുന്നത് റാണയെ അസ്വസ്ഥനാക്കിയിരുന്നു. മുന്നില്‍ വന്നുപെട്ട ശത്രുവിന് ആളുകള്‍ നടുങ്ങി വിറക്കുന്ന മരണം നല്‍കമെന്ന വ്യഗ്രതയോടെ റാണയും തന്റെ കോട്ടയിലേക്ക് കാറില്‍ അതിവേഗം സഞ്ചരിച്ചുകൊണ്ടിരുന്നു.

കോട്ട വാതില്‍ ലക്ഷ്യമാക്കി ഒരു മൂളിപ്പാട്ടും പാടി അലോക് നടന്നടുത്തു. അലോകിന്റെ കൈയ്യില്‍ ആകെ ഉണ്ടായിരുന്നതു ജാപ്പനീസ് കറ്റാനായെന്ന വാള്‍ മാത്രമായിരുന്നു. അവന്‍ നടക്കാന്‍ പോകുന്ന സംഭവങ്ങളെ ഓര്‍ത്ത് തെല്ലും ആശങ്കയില്ലാതെ റാണയുടെ കോട്ടയുടെ മുന്നിലെത്തി നിന്നു.

അലോക് ഗേറ്റു മലര്‍ക്കെ തുറന്നിട്ടു.
അലോകിനെ പ്രതീക്ഷിച്ചു നിന്ന ഗുണ്ടാ സംഘങ്ങളിലൊരാള്‍ അലോകിനു നേരെ ആക്രോശിച്ചുകൊണ്ടു പാഞ്ഞടുത്തു.

അലോകിനെ ജീവനോടെ വേണമെന്ന റാണയുടെ നിര്‍ദേത്തേ തുടര്‍ന്ന് അവര്‍ തോക്ക് ഉപയോഗിച്ചില്ല.