രാക്ഷസൻ 7 [FÜHRER] 388

അലോക് കടന്നുവരുന്നതു കണ്ട അമര്‍ മുകളില്‍ നിന്നു പടികളിറങ്ങി അവന്റെയരികിലേക്കെത്തി.

അപ്പൊ ഡോക്ടർ അലോക് നാഥ് തന്റെ മെഡിക്കല്‍ ജീവിതം പുനരാരംഭിക്കാന്‍ തീരുമാനിച്ചു അല്ലേ.

അതെ അത് അങ്ങ് ഉറപ്പിച്ചു…ഇനി കുറച്ചു നാള്‍ ഞാൻ ഇവിടെ തന്നെ കാണും. അലോക് സന്തോഷത്തോടെ അവനെ കെട്ടിപ്പിടിച്ചു.

ഹോ അപ്പോ നിനക്കു നല്ല ബുദ്ധിയും തോന്നും അല്ലേ.. അതൊക്കെപ്പോട്ടേ നിന്നെ തിരക്കി ഒരു സുനാമി വന്നിട്ടിപ്പോ അങ്ങു പോയേ ഉള്ളൂ. അമർ ഒരു കള്ള ചിരിയോടെ പറഞ്ഞു.

അതാരാ അമറെ ഒരു സുനാമി, അതും എന്നെ തിരക്കിവരാനും മാത്രം. അലോക് സംശയത്തോടെ അവനെ തുറിച്ചു നോക്കി.

അയ്യോടാ ഒന്നും അറിയാന്‍ പാടില്ലാത്ത ഇള്ളിള്ളാക്കുഞ്ഞ്.

നിന്റെ ഭദ്ര തമ്പുരാട്ടി തന്നെ, അല്ലാണ്ടാരാ.. അമർ ചരി അടക്കിപ്പിടിച്ചു കൊണ്ടു പറഞ്ഞു.

ആരാടാ ആ മാരണത്തോടു ഞാന്‍ വന്നിട്ടുണ്ടെന്നു പറഞ്ഞത്… ഇനിയിപ്പോ മനുഷ്യന് ഒരു സ്വസ്ഥതയും കാണില്ല.. അലോക് തലയ്ക്ക് കൈ കൊടുത്തു പോയി.

നിന്നെ ഒറ്റിക്കൊടുക്കാന്‍ ഒരാൾകേ ഇവിടെ ദൈര്യമുള്ളൂ.. നിന്റെ പെങ്ങള്‍ മുത്തിന്… നീ വന്നതു ഭാവി നാത്തൂനെ അവളാ അറിയിച്ചത്.. നീ മെഡിക്കല്‍ കോളജിലോട്ടു ചെല്ല് പിജി ചെയ്യാന്‍ രണ്ടും അവിടെ അഡ്മിഷന്‍ എടുത്തിട്ടുണ്ട്. അമർ അവനെ ഇളിച്ചു കാട്ടി.

അലോക് ദേഷ്യം കൊണ്ടു പല്ലുകടിച്ചു.