ഞാൻ ആദ്യമായി എഴുതിയ കഥയുടെ പതിനൊന്നാം ഭാഗമാണ് ഇത് പത്തു വരെ ഭാഗങ്ങൾ ഇതിനു മുൻപ് നമ്മുടെ തന്നെ വേറൊരു സൈറ്റിൽ പ്രസിദ്ധീകരിച്ചതാണ് അതുകൊണ്ടാണ് അതെല്ലാം ഇത്ര പെട്ടന്ന് ഇവിടെ ഇടുവാൻ സാധിച്ചത്… ഇനിമുതൽ ഓരോ പാർട്ടുകളും ഒരാഴ്ച ഗ്യാപ്പിൽ ഇടുവാൻ ഞാൻ പരമാവധി ശ്രമിക്കുന്നതായിരിക്കുംഞാൻ ഒരു എഴുത്തുകാരൻ ഒന്നുമല്ല ഒന്നും എഴുതാതെ എല്ലാം വായിച്ചു മാത്രം നടന്ന എന്നെക്കൊണ്ട് എഴുതിച്ചത് എന്റെ സഹോദരങ്ങളായി ഞാൻ സ്നേഹിക്കുന്ന അപ്പുവും അഭിയും യദുവും ആണ് നിങ്ങൾക്കെല്ലാം അവരെ അറിയാം വേറെ പേരുകളിൽ ആണെന്ന് മാത്രം.

പിന്നെ ഞാൻ എഴുതുന്നു എന്ന് പറഞ്ഞപ്പോൾ എല്ലാവിധ പിന്തുണയും തന്ന kk സഹൃദത്തിലേ എന്റെ കൂട്ടുകാരും. എല്ലാവർക്കും തിരിച്ചു നൽകാൻ എന്റെ കയ്യിൽ സ്നേഹം മാത്രമേ ഉള്ളു അത് എന്റെ ശ്വാസം അവസാനിക്കുന്നത് വരെ ഉണ്ടാകും എന്നാണ് വിശ്വാസം…

ഇത്രയും നാൾ പതിനിനൊന്നാം ഭാഗത്തിനായി കാത്തിരുന്ന എല്ലാവർക്കും നന്ദി…

ആരെയും നിരാശപ്പെടുത്തില്ല എന്ന് കരുതുന്നു.

പ്രാണേശ്വരി 11

ഇനി ഉള്ള പത്തു ദിവസം അമ്മയോടും അച്ഛനോടും കൂടെ ചിലവഴികണം എന്ന് കരുതിയാണ് വീട്ടിലേക്ക് യാത്ര തുടങ്ങിയത് അപ്പൊ ആറിയില്ലായിരുന്നു ഇങ്ങനെ ഒരു അപകടം സംഭവിക്കും എന്നും തിരുവോണം പോലും വീട്ടിൽ കൂടാൻ പറ്റില്ല എന്നും…

വിട്ടിലേക്കുള്ള യാത്രയിൽ മുഴുവൻ കോളേജ് തുടങ്ങിയതിനു ശേഷമുള്ള നല്ല ഓർമക്കൾ ആയിരുന്നു. 2മണിക്കൂറിൽ കൂടുതൽ ഉള്ള യാത്ര അവസാനിച്ചത് പോലും ഞാൻ അറിഞ്ഞില്ല. വീടിനടുത്തുള്ള ആളായിരുന്നു ബസ്സിലെ കണ്ടക്ടർ എന്നുള്ളത് കൊണ്ട് പുള്ളിയാണ് എന്നെ സ്ഥലം എത്തിയപ്പോൾ എഴുന്നേൽപ്പിച്ചത്…

നടന്ന് വീട്ടിൽ എത്തിയപ്പോൾ ഉമ്മറത്തു തന്നെ അമ്മ എന്നെയും പ്രതീക്ഷിച്ചു നിൽക്കുന്നുണ്ട്. എന്റെ ഈ പ്രായത്തിലും ഞാൻ എത്താൻ കുറച്ചു സമയം വൈകിയാൽ പോലും അമ്മക്ക് ഭയങ്കര പേടിയാണ്… എന്നെ കണ്ടപ്പോൾ ആ മുഖത്തു ഒരു സമാധാനം കലർന്ന സന്തോഷം വന്നു.

ഞാൻ ചെന്ന സമയത്ത് അച്ഛൻ വീട്ടിൽ ഉണ്ടായിരുന്നില്ല, അല്ലെങ്കിലും അച്ഛൻ എന്നും വീട്ടിൽ എത്തുന്നത് രാത്രി പത്തുമണിക്ക് ശേഷമായിരിക്കും നാട്ടുകാരുടെ കാര്യങ്ങൾ ഒക്കെ ശരിയാക്കണ്ടേ…

അമ്മയോടൊപ്പം ഞാൻ വീടിനുള്ളിലേക്ക് കയറി അമ്മ എനിക്ക് ചായ എടുക്കാൻ പോയ സമയത്ത് ഞാൻ റൂമിൽ കയറി ബാഗ് എടുത്തു കട്ടിലിൽ ഇട്ടു. ഇട്ടിരുന്ന പാന്റും ഷർട്ടും മാറി ഒരു കാവി മുണ്ട് ഉടുത്തു. മാറിയ ഡ്രസ്സ്‌ എല്ലാം അതേപോലെ തെന്നെ കട്ടിലിൽ ഇട്ടു

“മാറുന്ന ഡ്രസ്സ്‌ കഴുകാനുള്ളതിന്റെ കൂടെ ഇടണം എന്ന് എത്ര പറഞ്ഞാലും നിനക്ക് മനസ്സിലാവില്ലേ മുത്തേ… എന്തെടുത്താലും കട്ടിലിൽ തന്നെ ഇട്ടോളും… ”

എന്നെ വഴക്ക് പറഞ്ഞുകൊണ്ട് തന്നെ അമ്മ കട്ടിലിൽ കിടന്ന ഡ്രസ്സ്‌ എല്ലാം എടുത്തു. ഷർട്ടിന്റെ പോക്കറ്റിൽ നോക്കിയപ്പോൾ അതിൽ കുറച്ചു പൈസ കിടക്കുന്നുണ്ട്.അതിന് ഒന്നും മിണ്ടാതെ എന്നെ ഒന്ന് നോക്കി പേടിപ്പിച്ചിട്ട് പൈസ എടുത്തു എന്റെ കയ്യിൽ തന്നിട്ട് എല്ലാം എടുത്ത് പുറത്തേക്ക് നടന്നു