ആദി ടാ മോനൂ
….ഈ ചെക്കനു എന്ത് പറ്റി ആവോ..!
അവന് ഇഷ്ടമുള്ള അപ്പം, മുട്ട കറിയും മേശയുടെ പുറത്ത് വച്ച മാതിരി തന്നെ ഇരിക്കുന്നു…. !
ഇതാ., വന്നൂ അമ്മേ….
നീ എന്താ മോനൂ ഇങ്ങനെ വിയർത്തിരിക്കുന്നത്
വച്ച് തന്നത് ഒന്നും കഴികാതെ എവിടെ പോയിട്ടാ വരുന്നത്….
അമ്മാ ഇന്ന് ഞങ്ങളുടെ സ്ക്കൂളിൽ പൂക്കൾ മത്സരം ഉണ്ട് അതിന് പോകാൻ ഞാൻ അനസ് ഏട്ടന്റെടുത്ത് നിന്ന് സൈക്കിൽ മേടിക്കാൻ പോയതാ ..
” ഇന്ന് ഞങ്ങളുടെ സ്കൂൾ ബസ് വരില്ല..;
“.അമ്മേ എനിക്ക് ഒരു ഇരുപത് രൂപ തരണം
പൂക്കൾ മേടിക്കാൻ ആണ്എന്നാൽ നീ ഇത് കഴിച്ചിട്ട് പോ കുട്ടാ.. ഞാൻ ഈ ചായ ഒന്ന് ചൂടാക്കട്ടെ ,

അപ്പം കഴിച് കഴിഞ്ഞ് ആദി
ശരവേഗത്തിൽ സൈക്കിൾ എടുത്ത് പാഞ്ഞു .
പൂക്കടക്ക് മുന്നിൽ സൈക്കിൾ ബ്രേക്കിട്ട് നിർത്തി
” ചേട്ടാ …” ” രണ്ട് കിലോ ചെണ്ടുമല്ലി .,
ഒരു കിലോ വാടാർമല്ലി .,
“മൂന്നൂർ രൂപ”!
നിന്ന നിൽപ്പിൽ ആദി ഒന്നു ഞെട്ടി .
ഇന്നലെ ക്ലാസിൽ നിന്ന് കിട്ടിയതും അമ്മ തന്നതും ആയ പോക്കറ്റിലെ നോട്ടുകൾ എടുത്ത് എണ്ണി നോക്കി ഒരു നിമിഷം ആ പൂക്കളിലേക്ക് നിരാശയോടെ നോക്കി നിന്നു
മോനേ പൂ എടുകട്ടെ…,
ആ ചേട്ടാ ….!

.ഒരു കിലോ ചെണ്ടുമല്ലി മാത്രം വാങ്ങി ചെറിയൊരു നിരാശയോട്
വന്നതിലും വേഗത്തിൽ തിരികെ സ്കൂളിലേക്ക് …..!!!

പൂക്കളമത്സരത്തിനായുള്ള ഒരുക്കങ്ങൾ സ്കൂളിൽ തകൃത്യമായി നടന്നുകൊണ്ടിരിക്കുന്നു .
ആദിയും കൂട്ടുകാരും ചെണ്ടുമല്ലി മാത്രം കൈയിൽ വച്ച് എന്തു ചെയ്യണമെന്നറിയാതെ തങ്ങളുടെ 6 ബി ക്ലാസ്സിന്റെ ഒരു കോണിൽ ചിന്തയിലങ്ങനെ മുഴുകിയിരുന്നു .

ഒരുക്കങ്ങൾ എന്തുഒക്കെയാണെന്ന് അറിയാൻ അതുവഴി വന്ന മലയാളം ക്ലാസ് എടുക്കുന്ന ലക്ഷമി ടീച്ചർ അവരോട് കാര്യം തിരക്കി .
” എന്തു പറ്റി മക്കളെ ,” എന്താ ഇങ്ങനെ ഇരിക്കുന്നെ ..? പൂക്കൾ ഒക്കെ എവിടെ ..?
മറുപടി പറഞ്ഞതു പാർവതി ആയിരുന്നു
” ടീച്ചറെ ഞങ്ങൾക്ക് വേണ്ടത്ര … പൂക്കൾ ഒന്നും കിട്ടിയില്ല ..
കടയിലാണെങ്കിൽ ഒരു പാട് പൈസ ആണ് പറയുന്നത്..;
പൂക്കൾ അധികം ഇല്ലാതെ ഞങ്ങൾ എങ്ങനെ മത്സരത്തിൽ പങ്കെടുക്കും .
ഇനി കടയിൽ നിന്ന് പൂക്കളെല്ലാം വാങ്ങാനാണങ്കിൽ ഞങ്ങളുടെ കയ്യിൽ പൈസയും സമയവും ഇല്ല ടീച്ചറെ…..’

കുട്ടികളുടെ പരിഭവങ്ങൾ എല്ലാം കേട്ടശേഷം ലക്ഷമി ടീച്ചർ ഒന്ന് പുഞ്ചിരിച്ചു.
” അല്ല മക്കളെ നിങ്ങളോട് ആരാ പറഞ്ഞേ
കടയിൽ നിന്ന് വാങ്ങി കൊണ്ട് വരുന്ന “ചെണ്ടുമല്ലിയും” “വാടാമല്ലിയും” “ജമന്തിയും” ഒക്കെ
പൂക്കളമിടുന്ന വർക്കാണ് സമ്മാനം എന്ന്.
നമ്മുടെ മുറ്റത്തും പറമ്പിലും ഒക്കെ നിൽക്കുന്ന “തുമ്പയും, മുക്കുറ്റിയും”
“ചെമ്പരത്തിയും, തെച്ചിയും”
“കനകാമ്പരവും മുല്ലയും”
“ചെമ്പകവും റോസയും…..,