പറയാൻ ബാക്കിവെച്ചത് [Shana] 83

ഒരിക്കലെങ്കിലും ഓർക്കണം ചെറിയ ചെറിയ കാര്യങ്ങൾക്കു വേണ്ടിപോലും വായിൽതോന്നുന്നത് വിളിച്ചുപറയുമ്പോൾ നീ ഏല്പിക്കുന്ന മുറിവിനാൽ നീറുന്നൊരു ഹൃദയം എനിക്കുണ്ടെന്ന് അറിയാഞ്ഞതെന്തേ. പൊഴിയാൻ വെമ്പി നിൽക്കുന്ന കണ്ണുനീർ തുള്ളികളെ അടക്കി നിർത്താൻ ഞാൻ പെടുന്ന പാട്.. ഏട്ടാ എന്റെ മുഖത്ത് നോക്കി സ്നേഹത്തോടെ പുഞ്ചിരിച്ചിട്ടെത്ര നളായെന്നറിയുമോ…. എന്നെയൊന്നു ചേർത്തു പിടിച്ചാൽ നിന്റെ നിശ്വാസം കൊണ്ടു ആറിത്തണുക്കാനും മാത്രമേയുള്ളെന്റെ സങ്കടമെന്ന് എന്തെ അറിയാതെ പോയ് … കോപത്തിന്റെ ഉച്ചസ്ഥായിൽ നീ തൊടുത്തുവിടുന്ന വാക്കുകൾ തിരിച്ചറിയാനാവാത്തവിധം മുറിവിന്റെ ആക്കം കൂട്ടുവാണ്. ആഗ്രങ്ങൾ പലതും നിനക്കുവേണ്ടി ഉപേക്ഷിക്കുമ്പോളൊന്നും ദുഃഖം തോന്നിയിരുന്നില്ല…. നീ ആഗ്രഹിച്ചപോലൊരു കുടുംബിനി മാത്രമായ് ഒതുങ്ങിക്കൂടി. പക്ഷേ നിനക്കുവേണ്ടി ഞാൻ ചെയ്യുന്ന ഓരോ കാര്യത്തിലും കുറ്റം മാത്രം കണ്ടെത്തുമ്പോൾ ഞാൻ വീണ്ടും വീണ്ടും പരാജയപ്പെടുവാണ്… പലപ്പോളും ഞാൻ ചിന്തിക്കാറുണ്ട് എല്ലാം അവസാനിപ്പിച്ചൊരു പടിയിറക്കം നടത്തിയാലോന്ന്. ഞാനിറങ്ങുന്ന നിമിഷം മുതൽ എന്റെ അഭാവം നിനക്കൊരുപാട് വേദനകൾ സൃഷ്ടിക്കപ്പെടുമെന്നറിയാം… നിന്റെ വാശി ദേഷ്യം പിണക്കം ഒന്നും പ്രകടിപ്പിക്കാൻ ഞാനില്ലാതെ വരുമ്പോൾ ഭ്രാന്തുപിടിച്ചുപോകുന്ന നിന്നെ ഓർത്തുകൊണ്ടുമാത്രമാണ് ഞാൻ ജീവിക്കുന്നത്…. നിന്നോടെനിക്കത്രമേൽ പ്രണയമാണ്…. നിന്നിൽനിന്നൊരു തിരിച്ചുപോക്ക് മരണം കൊണ്ടു മാത്രമാണ്… അതുകൊണ്ടുതന്നെ ചിലപ്പോളൊക്കെ മരണത്തെ ഞാൻ പ്രണയിച്ചുണ്ടെന്ന് നിനക്കറിയുമോ… ഇല്ല കാരണം നീ എന്നിൽനിന്നൊരുപാടകലയാണ്. എന്നെ തിരിച്ചറിയാൻ ശ്രമിച്ചിട്ടില്ല… പലപ്പോളും ഞാൻ നിന്റെയൊരു ചുംബനത്തിനായി കൊതിച്ചിട്ടുണ്ട്… ഞാൻ വെച്ച് വിളമ്പുന്ന ഭക്ഷണങ്ങൾ ആസ്വദിച്ചുകഴിച്ചു നല്ലതാണെന്നു പറയാതെ പറയുന്ന നിന്റെ കണ്ണുകളെ ഞാൻ തേടിയിട്ടുണ്ട്… നിന്റെ കൈകൊണ്ടൊരുരള കിട്ടുമെന്നാഗ്രഹിച്ചു നീ കഴിച്ചുകഴിയും വരെ ഞാൻ നോക്കിയിരുന്നിട്ടുണ്ട്. പക്ഷേ ഒന്നും നിന്നിൽനിന്നുണ്ടായിട്ടില്ല, പരാതികളല്ലാതെ കുറ്റങ്ങളല്ലാതെ… എങ്കിലും അന്തമില്ലാതെ ഞാൻ നിന്നെ പ്രണയിച്ചു…
സാഹചര്യങ്ങൾ കൊണ്ടാണ് നീ ഒന്നിലും താല്പര്യമില്ലാത്ത, സന്തോഷങ്ങൾ കണ്ടെത്താത്തൊരു പരുക്കനായി മാറിയത്. ഞാൻ അതുമനസ്സിലാക്കിയ പോലെ നീ എന്നെ മനസ്സിലാക്കിയിട്ടുണ്ടോ? എന്റെ കൊച്ചുകൊച്ചിഷ്ടങ്ങളെ ഞാൻ പറഞ്ഞാൽ ഒരു പൈങ്കിളി പ്രണയംപോലെ നടക്കാൻ എന്നെക്കിട്ടില്ലന്നുള്ള അല്ലെങ്കിൽ മറ്റുള്ളവരെ വെച്ചെന്നെ താരതമ്യം ചെയ്യണ്ടെന്നുള്ള മറുപടി. അതുപോരഞ്ഞു ശകാരവര്ഷങ്ങൾ കൊണ്ടെന്റെ കർണ്ണപാടങ്ങളെ നീ കൊട്ടിയടക്കാറുണ്ട്. അതും പരിസരബോധമില്ലാതെ അപ്പോഴെല്ലാം നിനക്ക് നിന്റെ വിജയം മാത്രമേ മുന്നിലുണ്ടാകു. ഒരിക്കലെങ്കിലും എന്റെ മാനസികാവസ്ഥ നീ ചിന്തിച്ചിട്ടുണ്ടോ ഇല്ല ഒരിക്കലുമില്ല…. എല്ലാം കെട്ടടങ്ങുമ്പോൾ നീ എന്നിലേക്ക് മടങ്ങിവരാൻ ശ്രമിക്കാറുണ്ട്, ഇല്ലെന്നല്ല അവിടെയും നിനക്ക് ഞാൻ താന്നുതരണം. ഇല്ലങ്കിൽ വീണ്ടുമൊരു യുദ്ധം അവിടന്നാരംഭിക്കും…. നിനക്കെന്നോട് സ്നേഹമില്ലെന്നല്ല ഞാൻ പറയുന്നത് കെട്ടിപ്പൂട്ടി ഉള്ളിൽ വെക്കുന്ന സ്നേഹത്തിന് എന്തർത്ഥമാണുള്ളത്…. ഒരിക്കൽ നീ ഇത് വായിക്കുമ്പോൾ ഉള്ളു നീറി കരയുമെന്നറിയാം പക്ഷേ അപ്പോൾ നീ ആഗ്രഹിച്ചാൽ പോലും വരാത്തത്ര ദൂരെയായിരിക്കും ഞാൻ. ഇത്രയും കാലത്തിനിടക്ക് നീ തന്ന സന്തോഷമെന്തന്നറിയുമോ? നമ്മുടെ മോൻ നിന്റെ ഓട്ടപാച്ചിലിനിടക്ക് നീ അവനെ ശ്രദ്ധിക്കാറില്ലന്നറിയാം. അവനും നിന്നപോലെ തന്നെയാണ് പത്തുവയസ്സേ ഉള്ളെങ്കിലും അതെ കോപവും വാശിയും ദേഷ്യവും പകർന്നുകിട്ടിയിട്ടുണ്ട്. എന്നെ തഴഞ്ഞ പോലെ ഒരിക്കലും അവനെ നീ തഴയരുത് ചേർത്തുപിടിക്കാൻ ഇനി ഞാനുണ്ടാവില്ല….. അവൻ തകർന്നുപോകും. നേട്ടങ്ങൾക്കുപിറകേ പോകുമ്പോൾ പലതും നഷ്ടമാകും. അതിൽ വിലപെട്ടതൊന്നും നഷ്ടമാവാതെ നോക്കണം… എനിക്കറിയാം നിനക്ക് ഞാനും മോനുമല്ലാതൊരു ലോകമില്ലന്ന്. അതിൽ ഞാൻ പോകുമ്പോൾ മോനെ നിന്റെ കൈകളിൽ ഏല്പിച്ചിട്ടാ പോകുന്നത് പൊന്നുപോലെ നോക്കണേ….

കാഴ്ചയെ മറച്ചുകൊണ്ട് നീർച്ചാലുകൾ തീർത്തപ്പോൾ ഡയറി നെഞ്ചോടടക്കി പിടിച്ചു എന്നത്തേയും പോലെ പതം പറഞ്ഞു പൊട്ടി കരഞ്ഞു….. നീ പറഞ്ഞതത്രയും ശെരിയാണ് മൃദു…. എല്ലാവരും ഒറ്റപെടുത്തിയപ്പോൾ