പുറത്ത് കോരിച്ചൊരിയുന്ന മഴയും , കാറ്റും പോരാത്തതിന് നല്ല മിന്നലും ഇടിയുമുണ്ട് , ആകാപ്പാടെ ഒരു ഭയാനകമായ അന്തരീക്ഷം ,,,, 

തുറന്നു കിടന്നിരുന്ന ജനൽപ്പാളിയിൽ കൂടി.  ഇടിമിന്നലിൻറെ പ്രകാശവും, ചീതാനമടിച്ചു മഴവെള്ളവും മുഖത്തേക്ക് വീഴുന്നു ,,,, 

” നാശം, കിടക്കാൻ പോകുന്ന നേരത്ത് ജനൽപ്പാളികൾ അടച്ചിരുന്നില്ലെ ,,,,? “

അവൻ സ്വയം മനസ്സിൽ പ്രാവികൊണ്ട് അവൻ , കിടക്കയിൽ നിന്നും എഴുന്നേറ്റു. ജനലിന്റെ അരികിലേക്ക് നടന്നു ,,,,

പുറത്ത് നിന്നും ഇപ്പോഴും ചെന്നായ്ക്കളുടെ നിർത്താതെയുള്ള ഓരിയീടിൽ ഉച്ചത്തിൽ കേൾക്കാം ,,,,

” നാശങ്ങൾക്ക് മഴയത്ത് ഇങ്ങനെ കിടന്നു. ഓരിയിടാതെ, എവിടെയെങ്കിലും പോയി കിടന്നു ഉറങ്ങിക്കൂടെ  ഇവറ്റകൾക്ക്” 

ഇങ്ങനെ, ചിന്തിച്ചു കൊണ്ട് അവൻ 

ജനലിന്റെ അരികിലെത്തി കൊളുത്തിൽ പിടിച്ചു കൊണ്ട് ജനൽ പാളി അടയ്ക്കാനായി തുടങ്ങുമ്പോഴാണ്. 

പെട്ടെന്ന് ഒരു മിന്നൽ വന്നത് , ഒരു നിമിഷം കൊണ്ട് ആ കൊടും ഇരുണ്ട രാവിനെ പകലാക്കി മാറ്റി. 

ആ ഒരു മിന്നിലിൻറെ വെളിച്ചത്തിൽ വെളിയിൽ കുറച്ചു അകലെയായി. 

പകുതി കത്തിയ വികൃതമായ മുഖവുമായി മൂടിപ്പുതച്ചൊരു സ്ത്രീ രൂപം തന്നെ തന്നെ നോക്കി നിൽക്കുന്നത് അവന്റെ ശ്രദ്ധയിൽപെട്ടത്. 

ആ രൂപത്തിന്റെ കണ്ണുകൾ അവന് നേരെ നോക്കി തീകട്ടകൾ പോലെ ജ്വലിച്ചു. 

ആ നോട്ടം നേരിടാൻ ആകാതെ ,, അവൻ പെട്ടെന്ന് തന്നെ ജനൽപ്പാളി കൊളുത്തിട്ടു കൊണ്ട് തിരിഞ്ഞു ഓടി കിടക്കയിലേക്ക് വീണുകൊണ്ട് തന്നെ തന്റെ ശരീരം തലമുതൽ കാൽവരെ മൂടി പുതച്ചു കഴിഞ്ഞിരുന്നു.