ഓർമ്മയിലെ തിരുവോണം [Shibin] 113

“ആ ഉണ്ട്.. ഇത്ര വർഷമായിട്ടും ഞാൻ ഓരോരുത്തരെ കാത്തിരിക്കുവാണ്‌.. നിങ്ങളെക്കൊണ്ട് എനിക്കും മോനും ഒരു കാര്യവുമില്ലല്ലോ.. അതുകൊണ്ട് ആരേലും വന്നാൽ കൂടെയങ്ങു പോവാന്നുകരുതി ഇരിക്കുവാ.. എന്തെ?”

“ആണോടി പന്ന…. ഏത് മറ്റവൻ കൊണ്ടുതന്നതാടി ഈ ഡ്രസ്സ്.. ഞാനില്ലാത്ത നേരത്ത് ആരാടി ഇവിടെ അഴിഞ്ഞാടാൻ വരുന്നത്.. അങ്ങനിപ്പോൾ നീ കണ്ട മറ്റവന്റെ ഡ്രസ്സ് ഇട്ട് ഓലത്തണ്ട.”

ഇതും പറഞ്ഞു കണ്ണന്റെ അച്ഛൻ ശ്യാമയുടെ മടിയിൽ നിന്ന് കണ്ണനുവേണ്ടി വാങ്ങിയ ഡ്രസ്സ് വാരിയെടുത്ത് മുറ്റത്തു കത്തുന്ന തീയിലേക്കിട്ടു.. എതിർക്കാൻ ശ്രമിച്ച ശ്യാമയുടെ.മുഖത്തും അടിച്ചു. ശ്യാമ അവിടെ ഇരുന്നു കരഞ്ഞു. അതുകണ്ട് കണ്ണൻ വന്നു. അമ്മയുടെ മടിയിൽ ഇരുന്ന് കണ്ണൻ അമ്മയുടെ കണ്ണുനീർ തുടച്ചു.. കൂടെ കണ്ണന്റെ നെറ്റിയിൽ ഒട്ടിച്ച സ്റ്റിക്കർ കണ്ണൻ പറിച്ചെടുത്തു മുറ്റത്തു കത്തുന്ന തീയിലേക്കിട്ടു..