ഓണം ഇനിയും മരിക്കാത്ത ഓണം [Aadhi] 1519

ഗൾഫിൽ നിന്നുള്ള വാരാന്ത്യ ഫോൺകോളിൽ മോളുടെ കുസൃതി പറഞ്ഞപ്പോൾ പതിവുപോലെ

” ഓളിന്റെ കുട്ട്യല്ലേ..ജ്ജ് ഓളെ ഒന്നും പറയണ്ട ” എന്നായിരുന്നു മറുപടി.

പക്ഷെ അവൾ വാക്ക് പാലിച്ചു, കൃത്യം മൂന്നാമത്തെ ദിവസം അടുക്കളയിൽ പാചകം ചെയ്തുകൊണ്ടിരുന്ന തന്നെ വിളിച്ചുകൊണ്ടുപോയി മുറി തുറന്നു കാണിച്ചപ്പോൾ ഞെട്ടിപ്പോയി. മുറികളിലെമ്പാടും ചിത്രങ്ങൾ.. റൈഹാന്റെ മുറിയിൽ ടിവിയിൽ കാണാറുള്ള നിരവധി കാർട്ടൂൺ കഥാപാത്രങ്ങൾ..അവളുടെ മുറിയിൽ ചിത്രങ്ങൾക്ക് പുറമേ സ്‌കൂൾ മുതൽ കോളേജ് വരെയുള്ള അവളുടെ പ്രിയപ്പെട്ട കൂട്ടുകാരികളുടെ ചിത്രങ്ങൾ ഫ്രെയിം ചെയ്ത ഫോട്ടോകൾ ചിന്നിച്ചിതറി കിടക്കുന്ന പോലെ വരച്ചുവെച്ചിരിക്കുന്നു. അതിനു നടുവിൽ താനും ഇക്കയും റൈഹാനും അവളും അടങ്ങുന്ന ഞങ്ങളുടെ കൊച്ചുകുടുംബവും. തന്റെ മോൾ ഇത്ര നന്നായി വരക്കുമായിരുന്നോ? ഇരുപതുകൊല്ലം അവളുടെ എല്ലാ കാര്യങ്ങളും, എന്തിന് പ്രായത്തിന്റെ ചപലതയിൽ തോന്നിപ്പോവുന്ന സ്‌കൂൾ പ്രണയം പോലും അവൾ പറയാതെ തന്നെ വായിച്ചെടുത്തിരുന്ന താൻ, തന്റെ മോൾ ഇത്ര നന്നായി ചിത്രം വരക്കുമെന്നു  അറിയാതെ പോയല്ലോ…

അതിന്റെ പ്രായശ്ചിത്തമായിട്ടാണ് അന്ന് തന്നെ അവളെയും കൂട്ടി ടൗണിലെ തുണിക്കടയിൽ പോയി ഒരു സാരി വാങ്ങിക്കൊടുത്തത്. ശീലമില്ലെങ്കിലും അവൾ സാരി ഉടുത്താൽ നന്നായിരിക്കുമെന്ന് തോന്നി..കണ്ണാടിച്ചില്ലുകൾ പിടിപ്പിച്ച  ഒരു വാടാമല്ലി കളർ സാരി..

ആ വർഷത്തെ ഓണപ്പരിപാടികൾക്ക് അതുടുക്കാം എന്ന് പറഞ്ഞാണ് അവൾ അതുപയോഗിക്കാതെ മാറ്റി വെച്ചത്. പക്ഷെ ക്‌ളാസ്സിലെ എല്ലാവരും ഒരേ കളർ സാരി തന്നെയാണ് ഉടുക്കുന്നത്, ആ കളർ ഇതല്ല എന്ന് പറഞ്ഞു മാറ്റി വെച്ചപ്പോൾ കുറച്ചു വിഷമം തോന്നി. അത് കണ്ടാണ് അടുത്ത വര്ഷം എല്ലാവരെ കൊണ്ടും ഇതേ കളർ സാരി എടുപ്പിച്ചു, അന്ന് ഇത് ഉടുക്കാമെന്നു പറഞ്ഞു അവൾ കെട്ടിപ്പിടിച്ചത്.

കണ്ണ് നിറയുന്നു !

വേഗം കണ്ണ് തുടച്ചു, മുറിയടച്ചു പൂട്ടി താഴേക്ക് നടന്നു.

————————————————–