ഓണക്കല്യാണം [ആദിദേവ്] 227

“ന്താ ഏട്ടാ ഇങ്ങനെ നോക്കുന്നേ?”

“നിന്നെ ഇങ്ങനെ നോക്കി ഇരിക്കാൻ തോന്നുവാ കിച്ചൂ…”

കിച്ചു മെല്ലെ എന്റെ അടുത്തേക്ക് വന്ന് എന്റെ ചുണ്ടുകൾ കവർന്നെടുത്തു. ഞാനും നല്ലപോലെതന്നെ തിരിച്ചും ചുംബിച്ചു. ദീർഘനേരം നീണ്ടുനിന്ന ചുംബനം ഞങ്ങൾ രണ്ടുപേരും ആസ്വദിച്ചു. കുറച്ചുനേരം ഉറങ്ങിയ ഞങ്ങൾ ഒരു നാലുമണിയോടെ എണീറ്റു. ഉണർന്ന ഞാൻ കാണുന്നത് എന്നെ നോക്കി ചിരിച്ചുകൊണ്ട് കിടക്കുന്ന കിച്ചുവിനെയാണ്. ഞാനവളെ മെല്ലെ വിളിച്ചു.

“കിച്ചൂസേ…”

“എന്തോ…”

“ഡീ നമുക്കൊന്ന് കടൽ കാണാൻ പോയാലോ?”

“ആ പോവാം? അച്ഛനേം അമ്മേം രാജിയേം കൂടി വിളിക്കാം…”

“പിന്നെന്താ…”

അച്ഛനും അമ്മയും വരുന്നില്ലെന്ന് പറഞ്ഞു. അങ്ങനെ ഞാനും കിച്ചുവും രാജിയുമാണ് പോകുന്നത്. കിച്ചു എന്റെ കൈയിൽനിന്ന് വണ്ടിയുടെ കീ പിടിച്ചുവാങ്ങി.

“ഡീ നീ വണ്ടിയൊക്കെ ഓടിക്കുവോ?”

“പിന്നില്ലാതെ!?”

“ഇവിടുത്തെ വഴി ഒക്കെ അറിയുവോ നിനക്ക്?”

“ഏട്ടനില്ലേ എന്റൊപ്പം… ഏട്ടൻ പറഞ്ഞു തന്നാ മതി.”

“ഓ ആയിക്കോട്ടെ…”

“സൂക്ഷിച്ചു പോയിട്ട് വാ മക്കളേ…”

അച്ഛനും അമ്മയും ഞങ്ങളെ യാത്രഅയക്കാൻ പുറത്തേക്ക് വന്നു.

കിച്ചു ഡ്രൈവിംഗ് സീറ്റിലേക്കും ഞാൻ കോ ഡ്രൈവർ സീറ്റിലേക്കും കയറി. രാജി പിന്നിലാണ് ഇരുന്നത്. കുറച്ചുദൂരം പിന്നിട്ടതും രാജി മെല്ലെ എന്റെ തോളിൽ തട്ടി.