ഓണക്കല്യാണം [ആദിദേവ്] 221

“എന്റെ എന്തേലും സഹായം വേണോ രാജീ?”

“അയ്യോ! ഏട്ടൻ ദയവു ചെയ്ത് ഒന്നും ചെയ്യണ്ട.. എവിടേലും പോയിരുന്നോ.. ഇത് ഞങ്ങൾ നോക്കിക്കോളാം.. കഴിഞ്ഞ ഓണം ഓർമ ഉണ്ടല്ലോ?”

ഞാൻ ചൂളിപ്പോയി. ഇവളത് കിച്ചുവിന്റെ മുന്നിൽ വിളമ്പുമോന്ന് ഞാൻ ശങ്കിച്ചു. അമ്മാതിരി ചെയ്ത്താ അന്ന് ഞാൻ ചെയ്തത്..നൈസിനു വലിയാൻ നോക്കിയതും അമ്മയുടെ വിളി വന്നു.

“എങ്ങോട്ടാ എന്റെ പുന്നാരമോൻ ഓടുന്നത്. ഇവിടെ നിക്കെടാ ചെക്കാ… അതെന്താന്ന് നിന്റെ ഭാര്യ കൂടി അറിയട്ടെ…😏. ”

പെട്ട്…😑അവളെന്നെ കളിയാക്കി കൊല്ലുമല്ലോ ഈശ്വരാ… ഞാൻ മനസ്സിൽ കണക്കുകൂട്ടി.

അമ്മയും രാജിയും കിച്ചുവിന്റെ രണ്ടുവശത്തുമായി നിലയുറപ്പിച്ചു. ശേഷം പറഞ്ഞുതുടങ്ങി.

“കഴിഞ്ഞ ഓണത്തിന് ഇവനെന്താ ചെയ്തതെന്ന് മോൾക്കറിയാമോ? ഞങ്ങൾ രണ്ടും ഇവിടെ ഓരോ പണിയിലായിരുന്നപ്പോ ഇവൻ എവിടുന്നോ വന്നു കേറി സഹായിക്കാമെന്ന് പറഞ്ഞു. ഞങ്ങൾ പലതവണ എതിർത്തെങ്കിലും ഇവൻ കേട്ടില്ല. സാഹിയിച്ചേ മതിയാവൂന്ന്.”

“എന്നിട്ടെന്തായി അമ്മേ?”

അവൾ എന്നെയൊന്ന് നോക്കി ശേഷം ആകാംഷയോടെ അമ്മയോട് തിരക്കി.

“എന്തായെന്ന് ഞാൻ പറയാം ഏട്ടത്തീ… ഏട്ടൻ അങ്ങനെ പായസം ഉണ്ടാക്കാമെന്ന് ഏറ്റു. നല്ല പാലട പ്രഥമൻ… ഇനിയല്ലേ രസം. പഞ്ചസാരക്ക് പകരം പുള്ളി പായസത്തിൽ ഉപ്പാ ചേർത്തത്! അവസാനം പായസം തെങ്ങുംചോട്ടിൽ കൊണ്ടൊഴിച്ച് വീണ്ടും ഉണ്ടാക്കി….എന്താല്ലേ🤣🤣”

അവർ മൂന്നുപേരും തല അറഞ്ഞു ചിരിച്ചു.

“”””””ഹ ഹ ഹാ….ഹഹഹ””””””

“അതേ ആർക്കും ഒരബദ്ധമൊക്കെ പറ്റും. ധൈര്യമുണ്ടേൽ എനിക്കൊരവസരം കൂടി തന്നുനോക്ക്.”

ഞാൻ മെല്ലെ തിരിച്ചടിച്ചു.