ഓണക്കല്യാണം [ആദിദേവ്] 227

“രണ്ടെണ്ണം ഒഴിക്കട്ടേടാ?”

“ഓ… ആവാം.”

അച്ഛൻ ഷെൽഫിൽനിന്ന് സ്മിർണോഫ് ചോക്ലേറ്റ് ഫ്ലേവർ വോഡ്ക എടുത്ത് പൊട്ടിച്ച് രണ്ടുഗ്ലാസ്സിലേക്കായി പകർന്നു. ഞങ്ങൾ രണ്ടുപേരും ഒന്നിച്ച് കൂടുന്നത് ഒരുപാട് നാൾ കൂടിയായിരുന്നു. മുക്കാൽ കുപ്പിയോളം ഞങ്ങൾ രണ്ടും ചേർന്ന് വിശേഷങ്ങൾ ഒക്കെ പറഞ്ഞ് അടിച്ചുതീർത്തു.

“ടാ രാധക്ക് നമ്മൾ അടിക്കുമെന്നറിയാം. നിന്റെ പെണ്ണ് പ്രശ്നം ആക്കുവോ?”

“ഒരു പിടിയുമില്ല. കണ്ടറിയണം?. ”

“എന്തായാലും വാ. സമയം പന്ത്രണ്ടാവുന്നു. നമുക്കങ്ങോട്ട് പോവാം.”

ഇതുംപറഞ്ഞ് അച്ഛൻ ഡോറും പൂട്ടി വീട്ടിലേക്ക് നടന്നു. പിന്നാലെ ഞാനും.

“ടാ..”

“ന്താ അച്ഛാ?”

“ഒരാഴ്ചക്കകം ക്ലാസ് തുടങ്ങില്ലേ? മോളെ അപ്പൊ ഇനി ഹോസ്റ്റലിൽ നിർത്തുവാണോ?”

“അത് വേണ്ട അച്ഛാ… അവൾ എന്റൊപ്പം ഫ്ലാറ്റിൽ നിന്നോളും. ”

“അതൊക്കെ കൊള്ളാം. ദേ, നല്ലോണം പഠിക്കുന്ന കൊച്ചാ. നീ കാരണം അവളെങ്ങാനും പഠിത്തത്തിൽ ഒഴപ്പിയാൽ ഞാനും രാധൂം കൂടി അങ്ങ് വരും. ഞാൻ പറഞ്ഞേക്കാം..”

“അയ്യോ ഇല്ലേ… അവളുടെ പഠനം ഞാൻ നോക്കിക്കോളാം??”

ഞങ്ങളങ്ങനെ തോളിൽ കയ്യിട്ട് ഒന്നിച്ച് വീട്ടിലേക്ക് കയറിയതും രാജിക്ക് കാര്യം മനസ്സിലായിരുന്നു. അവൾ അമ്മയോട് വിളിച്ചുപറഞ്ഞു.

“ദേ അമ്മേ! ഒരമ്മ പെറ്റ അളിയന്മാരെ പോലെ രണ്ടുപേർ ഔട്ട്ഹൗസിൽനിന്നിറങ്ങി വരുന്നുണ്ട്. ഇപ്പൊ വന്നാ കയ്യോടെ പിടിക്കാം…”