Oh My Kadavule – part 11[Ann_azaad] 213

“വോ……. വേണ്ടാ ഇവിടടുത്തല്ലേ   ഹോസ്റ്റൽ
ഞാൻ നടന്നങ് പോക്കൊളാ….. ”

“ആ നിനക്കിഷ്ടള്ളത് പോലെ ചെയ്തോ…….
പിന്നൊരു കാര്യം ഈ രാത്രി നിന്നേ വല്ല റേപിസ്റ്റ്മാരുടെയോ മറ്റോ കൈയ്യിൽ കിട്ടിയാ
ആകെ   ശോകാവും മോളേ….. നീ കരാട്ടെ ഒന്നും പഠിച്ചീല്ലല്ലോ ല്ലേ….. ”

മൃണാൾ പറഞ്ഞത് കേട്ടപ്പൊ തിരിഞ്ഞു നടക്കാൻ തുടങ്ങിയ ആർദ്ര ഒന്നവിടെ നിന്നു.
അവൾടെ മൊഹം കണ്ടപ്പഴേ മൃണാളിന് മനസ്സിലായി സംഗതി ഏതാണ്ട് ഏൽക്കുന്നുണ്ടെന്ന്.

ലവൻ മെല്ലെ പോയി ആ ബെഡിൽ കേറി മലർന്നങ്   കെടന്നു.

“ഇല്ല….. എനിക്ക് കരാട്ടെ ഒന്നും അറിഞ്ഞൂടാ….. ”

“ഏയ്‌ അതൊന്നും സാരല്ല.  ഇങ്ങനൊക്കെയല്ലേ ഓരോന്ന് പഠിക്കുന്നെ…..
നിനക്ക് നടക്കാനല്ലേ ഇഷ്ടം.
പൊക്കോ പൊക്കോ….. ”

ഇടം കണ്ണിട്ട് അവളെ നോക്കികൊണ്ടവൻ പറഞ്ഞു. ലവള് വേണോ വേണ്ടേ എന്നോർത്ത് അവന്റെ അടുത്തോട്ട് നടന്നു.

“മൃണാളേട്ടാ………. ഒന്നെണീക്കാവോ…… ”

ആർദ്ര അവനെ തട്ടി വിളിച്ചു.

“എന്തേയ് …… പോവുന്നില്ലേ…..? “?

“അല്ല….. എന്നെ ഒന്ന് ഹോസ്റ്റലിൽ ആക്കി തരാവോ പ്ലീസ്.  ”

“കേട്ടില്ല….. ഒന്നൂടെ ഒറക്കെ പറാ…… ”

“പ്ലീസ്…  എന്നെ ഒന്ന് ഹോസ്റ്റലിന്റെ അടുത്തെവിടെയെങ്കിലും ഒന്ന് ഡ്രോപ്പ് ചെയ്തൂടെ…….. പ്ലീസ് പ്ലീസ്….. ”

“ആ കെഞ്ചിയത് കൊണ്ട് ആക്കി തരാം…..
ബാ…. ”

മൃണാൾ കാറിന്റെ കീയും എടുത്ത് പൊറത്തോട്ടൊന്നു തലയിട്ടു നോക്കി.
നൈനൂട്ടൻ പൊറത്തായോണ്ട് മെല്ലെ ആർദ്രേന്റെ കൈയ്യും പിടിച്ചു പൊറത്തിറങ്ങി.

വീടിന്റെ പൊറത്തെത്തിയപ്പോ ദേ നിക്കുന്നു പനമരം പോലെ മുന്നിൽ നൈനൂട്ടൻ.
അവൻ പോവുന്ന വരെ വെയ്റ്റ് ചെയ്യുവല്ലാതെ ഒന്നും ചെയ്യാൻ ഇല്ലാത്തോണ്ട്  ആർദ്രേനേം കൂട്ടി പമ്മി പമ്മി പോയി മൃണാൾ കാർപോർച്ചിൽ ഒളിച്ചു.

കൊറച്ച് കഴിഞ്ഞപ്പോ ഓരോന്ന് കണക്ക് കൂട്ടിക്കൊണ്ട് നൈനൂട്ടൻ വീടിന്റെ അകത്തേക്ക് കേറി പോയത് കണ്ടപ്പോ പോക്കറ്റീന്ന് ഫോൺ എടുത്ത് മൃണാൾ നൈനൂട്ടന്റെ ഫോണിലേക്ക് വിളിച്ചു.

“ഹലോ നൈനുഏട്ടാ…… ഞാൻ ഒന്ന് പൊറത്ത് പോവാട്ടോ…. ”

“ഈ നേരത്തോ…? ”

“ആ…. ഒരത്യാവശ്യത്തിനാ……. ”

“എന്ത് അത്യാവശ്യം? “?

“അതൊക്കെ ഞാൻ വന്നിട്ട് പറഞ്ഞ് തരാം..
ഏട്ടൻ കിടന്നോ……. ഗുഡ് നൈറ്റ്….. ”

ഫോൺ കട്ട് ചെയ്ത് മൃണാൾ ആർദ്രേനെ ഒന്ന് നോക്കി.

“കമ്മൽ തപ്പി തലവേദനവന്ന് കട്ടൻ കുടിക്കാൻ വന്ന കുട്ടി കേറിയാലും .”