MOONLIGHT IX (മാലാഖയുടെ കാമുകൻ ) 723

എന്റെയും നിന്റെയും പിതാവിന്റെ മകൾ ആയ ഇവളും ഞാനും ആയിരിക്കും ഇനി എൽവിഷ് ലോകം ഭരിക്കുന്നത്..!”

അവൾ ജൂഹിയെ ചൂണ്ടി അത് പറഞ്ഞപ്പോൾ മൂൺലൈറ്റ് ഒന്ന് ഞെട്ടി.. അതെ അവസ്ഥയിൽ തന്നെ ആയിരുന്നു ജൂഹിയും.. അവർ മൂവരുടെയും പിതാവ് ഒന്ന് ആണ് എന്നുള്ള സത്യം അവരിൽ ഒരു നടുക്കം സൃഷ്ടിച്ചിരുന്നു..

•••

“വേഗം നടക്കുക.. ഇയാൾ ഇപ്പോൾ മരണപ്പെടും…”

മല കയറികൊണ്ടിരുന്ന ഇലവനുകളോട് അവരെ നയിച്ചു കൊണ്ടിരുന്ന യുവതി ഉറക്കെ അത് പറഞ്ഞപ്പോൾ അവർ ഓടി മല കയറാൻ തുടങ്ങി..

എമ്മയും ആലിസും ഒലിവറും ജാക്കും അവരുടെ ഒപ്പം എത്താൻ ഒരുപാട് ബുദ്ധിമുട്ടി.. അന്ന് ഇറങ്ങി വന്നതിലും കടുപ്പം ആയിരുന്നു തിരികെ കയറുന്നത്..

അതിൽ രണ്ട് യുവാക്കൾ അവരുടെ കൈ പിടിച്ചു സഹായിച്ചു കൊണ്ടിരുന്നു.. കുറച്ചു നേരത്തെ പരിശ്രമത്തിന് ശേഷം അവർ മലകയറി അവിടെയെത്തി.. ശ്വാസം കിട്ടാതെ അവർ അവിടെ ഇരുന്നപ്പോൾ ഒരു കൂട്ടം ഇലവനുകൾ അവിടേക്ക് വന്നു..

അവർ അവിടെ ഇരിക്കുന്നത് കണ്ടതും ചിലർ അവരെ കണ്ട് ചീറിക്കൊണ്ട് വാളുകൾ പൊക്കി വന്നപ്പോൾ അവരുടെ ഒപ്പം ഉണ്ടായിരുന്ന ഇലവനുകൾ അവരെ തടഞ്ഞു എന്തോ പറഞ്ഞു.. അവർ തമ്മിൽ അല്പ നേരം സംസാരിച്ചു..

“തുൽ എഈ നു മൂൺലൈറ്റ്..ഓക് താ..”

അത് കേട്ടതും ഒരുവൾ ഉറക്കെ വിളിച്ചു പറഞ്ഞു..എല്ലാവരും ഞെട്ടി അവളെ നോക്കി.. അവൾ പറഞ്ഞത് ഒരു തവണ കൂടെ ഉറക്കെ പറഞ്ഞപ്പോൾ വലിയ ഒരു ആരവം ഉണ്ടായി.. എല്ലാവരും സന്തോഷത്തോടെ പരസ്പരം എന്തൊക്കെയോ പറഞ്ഞുകൊണ്ടിരുന്നു..

കുറച്ചു പേർ വന്ന് ജെയിംസിനെ എടുത്തു കൊണ്ടുപോയി..

“ഓക് താ ഓക് താ..”

പെട്ടെന്ന് വലിയ കാഹളം മുഴങ്ങി.. അത് കേട്ടതും കൂടാരങ്ങളിൽ നിന്നും ഇലവനുകൾ കുതിച്ചു വന്നു.. തുകൽ വേഷം അണിഞ്ഞവർ.. അതിൽ ആണും പെണ്ണും ഉണ്ട്..