MOONLIGHT IX (മാലാഖയുടെ കാമുകൻ ) 709

അവർക്ക് വളരെ വേഗം തന്നെ വാളുകളും പരിചകളും എടുത്തു കൊടുക്കുന്ന ചിലർ.. മറ്റു ചിലർ കുന്തങ്ങൾ ആണ് എടുത്തത്.. ചിലർ വില്ലും അസ്ത്രങ്ങളും..

കണ്ണടച്ച് തുറക്കും മുൻപേ ആർമി
തയ്യാറായിരുന്നു.. യുവതികളും ആണുങ്ങളും ഒരുമിച്ച് വാളുകൾ വീശി കിട്ടിയ സമയം കൊണ്ട് ശരീരം ചൂടാക്കി..

അന്ന് അവർ കയറി വന്ന ഭാഗത്ത് വലിയ ശബ്ദങ്ങൾ കേൾക്കുന്നുണ്ടായിരുന്നു.. ശത്രുക്കൾ കവാടം തുറക്കാൻ ശ്രമിക്കുകയാണ് എന്ന് അവർക്ക് മനസ്സിലായി..

“ടാ യെ ല്ലേ..”

ഒരു യുവതി ഉറക്കെ വിളിച്ചു പറഞ്ഞതും എല്ലാവരും തയ്യാറായി പല വരികൾ ആയി നിന്നു. അതിൽ യുവാക്കളും യുവതികളും ഇടത്തരം കുട്ടികളും വരെ ഉണ്ടായിരുന്നു…

അവരെ നിയന്ദ്രിക്കാൻ ഒരു ആൾ ഇല്ല എന്ന് അവർക്ക് തോന്നി.. അതിന്റെ വെപ്രാളം അവർക്ക് അവരുടെ മുഖങ്ങളിൽ കാണാമായിരുന്നു..

•••

“നീയെന്താ ഈ പറഞ്ഞത്..?”

ജൂഹി എലനോറിനെ നോക്കി ചോദിച്ചു.. അവൾ ഒന്ന് ചിരിച്ചു.. അവൾ മറുപടി പറയാൻ വാ തുറന്നതും ആരൊക്കെയോ വരുന്ന ശബ്ദം കേട്ടിരുന്നു.. കനത്ത കാലടികൾ അടുത്ത് അടുത്ത് വരുന്നു..

അവർ ചെവി ഒന്ന് വട്ടം പിടിച്ചതും എല്ലാ വാതിലുകളിൽ കൂടെയും പടയാളികൾ ഒരുമിച്ച് ഇരച്ചു കയറി വന്നു..

അവർ വന്ന് കുന്തം നീട്ടി നിന്നപ്പോൾ മൂൺലൈറ്റ് ചുറ്റും നോക്കി.. ജൂഹി പെട്ടെന്ന് എന്ത് ചെയ്യണം എന്ന് അറിയാതെ നിന്നുപോയി.. മെറിനും ലിസയും അരയിൽ നിന്നും തോക്കുകൾ പുറത്ത് എടുത്ത് പിടിച്ചിരുന്നു..

മറ്റൊരു വാതിലിൽ നിന്നും വെയിലാ അവർക്ക് മുൻപിലേക്ക് വന്നു.. അവൾ ഇപ്പോൾ വേഷം മാറിയിരിക്കുന്നു.. അടി മുതൽ കഴുത്ത് വരെ കടും പച്ച നിറമുള്ള പാമ്പിന്റെ തോൽ പോലെ ഒരു വേഷം ആണ് അവൾ ധരിച്ചിരുന്നത്..