MOONLIGHT IX (മാലാഖയുടെ കാമുകൻ ) 709

അവളെ ഞാൻ ആരും അറിയാതെ ഞങ്ങളുടെ ഒപ്പം കൂട്ടി..

ഈ ലോകത്തിന് അതിരിൽ ഉള്ള ഒരു ഗുഹയിൽ ഞാൻ അവളെ താമസിപ്പിച്ചു.. അവിടേക്ക് ഇവിടെ നിന്നും ഒരു വഴിയുണ്ട്.. സഹോദരിയുടെ കണ്ണ് വെട്ടിച്ചു ഞാൻ അവളെ എന്നെ പഠിപ്പിച്ചത് എല്ലാം പഠിപ്പിച്ചു.. ആഹാരവും വെള്ളവും കൊടുത്തു.. അവൾക്ക് പതിനെട്ടു വയസ് ആയപ്പോൾ അവൾ എവിടേക്കോ പോയി..

എന്നോട് പറയുക പോലും ചെയ്യാതെ.. പിന്നീട് ഇപ്പോഴാണ് കാണുന്നത്.. പക്ഷെ അവൾ ഇങ്ങനെ മാറും എന്ന് ഞാൻ കരുതിയില്ല..”

മൂൺലൈറ്റ് അത് പറഞ്ഞപ്പോൾ കാര്യങ്ങൾ അവർക്ക് മനസ്സിലായി..

“അപ്പോൾ അവൾ എത്തിപെട്ടത് ക്രെത്തയുടെ അടുത്ത് ആയിരിക്കും.. അല്ലെങ്കിൽ ആർമെഡയുടെ അടുത്തേക്ക്.. അവർ അവളെ മുതൽ എടുത്തു..”

ജൂഹി ആ പറഞ്ഞത് വാസ്തവം ആണെന്ന് അവർക്ക് തോന്നി..

“അവൾ പോയ ദേഷ്യത്തിൽ അവൾ എവിടെ ആണെന്ന് ഞാൻ നോക്കിയില്ല.. അതും എന്റെ തെറ്റ്..”

മൂൺലൈറ്റ് അത് പറഞ്ഞു സങ്കടപ്പെട്ടു..

“അവളെ തോൽപ്പിക്കാൻ നിനക്ക് ആവില്ലേ മൂൺലൈറ്റ്…?”

മെറിൻ ചോദിച്ചപ്പോൾ അവൾ തലയാട്ടി.. അറിയില്ല എന്നുള്ള ഭാവത്തിൽ..

“ചെറുപ്പം മുതൽ ഞങ്ങൾ പഠിച്ച കാര്യങ്ങൾ പരീക്ഷിക്കാൻ വേണ്ടി പോരാടുമായിരുന്നു.. ഞാൻ ഒരിക്കലും അവളോട്‌ ജയിച്ചിട്ടില്ല..”

മൂൺലൈറ്റ് അത് പറഞ്ഞപ്പോൾ അവർ എല്ലാവരിലും ആ വാർത്ത അത്ഭുധവും പേടിയും സൃഷ്ടിച്ചു.. മൂൺലൈറ്റിനെക്കാളും ശക്ത ആണോ അവൾ..?

•••

“അവന് ചികിത്സ വേണം.. വേഗം കൊണ്ടുപോകു.. യുദ്ധത്തിന് തയാർ ആകാൻ പറയു.. നമ്മുടെ രാജകുമാരി ജീവനോടെ ഉണ്ട് എന്നും നമ്മളെ വിടുവിക്കാൻ അവൾ എത്തി എന്നും അറിയിക്കു.. ഇലവനുകൾ ഇനി തോൽക്കില്ല..”