MOONLIGHT IX (മാലാഖയുടെ കാമുകൻ ) 722

വയലിൻ അത് ചോദിച്ചപ്പോൾ എലനോർ പുഞ്ചിരിച്ചു.. പക്ഷെ അവൾ മറുപടി ഒന്നും പറഞ്ഞില്ല.. വയലിൻ അവളുടെ മനസ് വായിച്ചു എന്ന് തോന്നി അവൾക്ക്..

അവളുടെ കൈ വിട്ടു വയലിൻ എലനോർ കുത്തി വച്ച സ്പിയർ വലിച്ച് കയ്യിൽ എടുത്തു..

“അൽ ആ തിയ..”

അവൾ അത് പറഞ്ഞ ശേഷം സ്പിയർ സിംഹസനത്തിന്റെ അരികിൽ ഒരു വശത്തേക്ക് വീണ്ടും ശക്തമായി കുത്തി ഇറക്കി..അതിൽ നിന്നും ശക്തമായ ഒരു വെളിച്ചം എല്ലാവരെയും കടന്ന് പോയി..

“ഇനി ഈ ലോകത്തേക്ക് വരണം എങ്കിലും പോകണം എങ്കിലും എന്റെ അനുവാദം വേണം..”

വയലിൻ അത് പറഞ്ഞു തിരിഞ്ഞപ്പോൾ ആണ് ആർവൻ അവിടേക്ക് വന്നത്..

“ഈ ലോകത്തിന് വേണ്ടി യുദ്ധം ചെയ്തവരെ കാണാൻ ഇലവനുകൾ കാത്തു നിൽക്കുന്നു..

“എല്ലാവരും വരൂ..”

വയലിൻ അത് പറഞ്ഞു പുറത്തേക്ക് ഉള്ള വാതിൽ വഴി ഇറങ്ങിയപ്പോൾ മുൻപിൽ ഇലവനുകൾ നിന്നിരുന്നു..

“ക്വീൻ വയലിൻ…”

അവർ വാളും കുന്തവും ആകാശത്തേക്ക് ഉയർത്തി ആർപ്പ് വിളിച്ചു.. അവരുടെ കൂട്ടത്തിൽ ജെയിംസും കൂട്ടരും ഉണ്ടായിരുന്നു..

ജൂഹി അവരുടെ അടുത്തേക്ക് ചെന്നു അവരെ കെട്ടിപിടിച്ചു.. ഇനി ജീവനോടെ കാണാം എന്ന് വിചാരിച്ചത് അല്ല..

വയലിൻ ജെയിംസിനെയും കൂട്ടാളികളെയും കൈ പിടിച്ചു മുൻപോട്ട് നിർത്തി..

“ഇവർ വലിയ ഒരു ഉദാഹരണം ആണ്.. നമ്മുടെ കുമാരിയെ അപായപെടുത്തിയപ്പോൾ ആ ഷിപ്പിൽ നിന്നും ഉള്ള വികിരണങ്ങൾ കിട്ടിയത് അന്വേഷിച്ചു പോയവർ ആണ് ഇവർ.. അബദ്ധ വശാൽ ആണെങ്കിലും അവർ ഇവിടെ എത്തി.