MOONLIGHT IX (മാലാഖയുടെ കാമുകൻ ) 723

“അതെ.. ഡ്രാഗൺ ക്വീൻ.. അവൾക്ക് ആയിരക്കണക്കിന് വ്യാളികൾ ഉണ്ട്… അവരുടെ ദൈവം എന്നാണ് അവൾ അറിയപ്പെടുന്നത്..
അവളുടെ ഒരു വ്യാളി തന്നെ മതി ഒരു ലോകം തകർക്കാൻ.. ക്രെത്ത ഒറ്റ മകൻ ആയിരുന്നു..”

എലനോർ അത് പറഞ്ഞപ്പോൾ ആരും ഒന്നും മിണ്ടിയില്ല.. വ്യാളികളെ നേരിട്ട് ആർക്കും പരിചയം ഇല്ല എന്ന് അവർക്ക് അറിയാം.. ആദ്യ കാലത്ത് ഉണ്ടായിരുന്ന വ്യാളികൾ എല്ലാം ഒരുപാട് വർഷം മുൻപേ കാലം ചെയ്തിരുന്നു.. ആ ഗ്രഹത്തിൽ മാത്രം ആണ് വ്യാളികൾ ഉള്ളത്…അതിൽ അഗ്നി മുതൽ ഹിമം വരെ ചീറ്റുന്ന വ്യാളികൾ ഉണ്ട്..

“പക്ഷെ.. ഒരുപാട് സമയം നമുക്ക് മുൻപിൽ ഉണ്ട്.. വർഷങ്ങൾ തന്നെ നമുക്ക് മുൻപിൽ ഉണ്ടാകും.. കാരണം ലോകീ ഗ്രഹത്തിൽ സമയം കാലം എല്ലാം വെത്യാസം ഉണ്ട്…

കൂടാതെ അവരുടെ മുന്നേറ്റങ്ങൾ എല്ലാം തകർത്തത് അവർ പ്രതീക്ഷിച്ചില്ല.. അതിന് കാരണം എന്റെ സഹോദരി തന്നെ ആയ ഹാഫ് ബ്രീഡ് ആണ്.. അവൾ കാരണം ആണ് അവർ ഇവിടെ എത്തിയത്..

വരുന്ന ലോകങ്ങൾ തമ്മിൽ ഉള്ള ആ യുദ്ധത്തിൽ എല്ലാ ലോകത്തിലും ഉള്ള നന്മയും തിന്മയും ആയിരിക്കും പ്രധാന എതിരാളികൾ..”

എലനോർ പറഞ്ഞു നിർത്തിയപ്പോൾ അവിടെ അല്പ സമയത്തേക്ക് ആരും മിണ്ടിയില്ല..

“ക്വീൻ വയലിൻ.. സഹോദരി.. തന്നെയാണ് ഈ സ്ഥാനത്തിന് അർഹ.. സഹോദരിക്ക് മാത്രമേ ഇനി വരുന്ന യുദ്ധത്തിൽ ഇലവനുകളെ ചേർത്ത് നിർത്താൻ കഴിയു.. എനിക്ക് അത് കഴിയില്ല.. എന്നോട് ക്ഷമിക്കണം… ഞാൻ ഒരുപാട് തെറ്റുകൾ ചെയ്തിട്ടുണ്ട്.. എനിക്ക് ഇവിടെ ഒരു സ്ഥാനവും ഇല്ല…”

എലനോർ അത് പറഞ്ഞു തിരിഞ്ഞപ്പോൾ വയലിൻ അവളുടെ കൈ പിടിച്ചു..

“ഞങ്ങളുടെ ഒപ്പം നിന്നു കൂടെ സഹോദരി..? സഹോദരിയുടെ ശക്തി ഏറ്റവും ആവശ്യം ഉള്ള സമയം ആണ് ഇനി ഉള്ളത്… ദയവായി പോകാതെ ഇരുന്നുകൂടെ..?”