MOONLIGHT IX (മാലാഖയുടെ കാമുകൻ ) 723

എൽവിഷ് ലോകം കീഴടക്കിയാൽ അവർക്ക് ഭൂമി കീഴടക്കാം, ഭൂമി കിട്ടിയാൽ വണ്ടർ വേൾഡ്, ഫ്ലവർ ലാൻഡ്, ഡാർക്ക്‌ വേൾഡ്.. എല്ലാം ആ വഴി അവർക്ക് കയ്യടക്കാം.. അതിന് ശേഷം വേൾഡ് ബിലോ മുഴുവൻ ആയി കൈ അടക്കുക… അതായിരുന്നു അവരുടെ ഉദ്ദേശം..

പക്ഷെ അവർ ഒരിക്കലും വിചാരിക്കാത്തത് ആണ് നടന്നത്.. റോഷനും ജൂണും എയ്ഞ്ചൽസും കൃതിരിനുകളും ഇല്ലാത്ത സമയം ആണ് അവർ തിരഞ്ഞു എടുത്തത്..

പക്ഷെ ചില ഇടപെടലുകൾ മൂലം എല്ലാവരും എത്തി അവരുടെ ഉദ്ദേശം എല്ലാം തകർത്തു.. പക്ഷെ അവർ പകരം വീട്ടാൻ വരും.. ക്രെത്തയുടെ മാതാവ് അവൾ വെറുതെ ഇരിക്കില്ല..”

എലനോർ അത് പറഞ്ഞപ്പോൾ ഒരു നിശബ്ദത അവിടെ പരന്നു.. കേട്ട് നിന്ന മുഖങ്ങളിൽ ഒരു ആശങ്ക വന്നു..

“ക്രെത്തയുടെ മാതാവ്.. ആരാണ് അത്.. ഏത് ഗ്രഹം..?”

വയലിൻ സംശയത്തോടെ അവളെ നോക്കി..

“ലോകീ ഗ്രഹം.. വേൾഡ് ബിലോയിലും വേൾഡ് എബോവിലും പെടാത്ത ശക്തമായ ഒരു ഗ്രഹം..”

വയലിൻ വിശ്വസിക്കാൻ ആകാതെ അവളെ നോക്കി..

“അതെ.. ലോകീ ഗ്രഹം.. അതിലെ റാണി ഉലുച്ചിനിർ ഐ മേർ.. അവൾ ആണ് ക്രെത്തയുടെ മാതാവ്..”

“ഉലുച്ചിനിർ ഐ മേർ..?”

വയലിൻ ആ പേര് കേട്ടിട്ടുണ്ട്.. ലോകീ ഗ്രഹത്തിനെ പറ്റിയും അവൾക്ക് അറിയാം.. അവൾ തളർന്ന അവസ്ഥയിൽ ഒരു പടിയിൽ ഇരുന്നു.. അവളുടെ അവസ്ഥ കണ്ടപ്പോൾ മെറിൻ ലിസയെ ഒന്ന് നോക്കി.. അവളും അതെ അവസ്ഥയിൽ തന്നെ ആണ്.. അവർക്ക് പക്ഷെ ആ ഗ്രഹത്തിന്റെ അറിവ് ഇല്ല..

“ഉലുച്ചിനിർ ഐ മേർ എന്നാൽ പെൺ ഡ്രഗൺ ദൈവം..? അതല്ലേ..? ഞാൻ വായിച്ചിട്ടുണ്ട്.. അപ്പോൾ അവർ ശരിക്കും ഉള്ളത് ആണ് അല്ലെ..?”

മൂൺലൈറ്റ് എലനോറിനെ നോക്കി ചോദിച്ചു..