MOONLIGHT IX (മാലാഖയുടെ കാമുകൻ ) 722

കാരണം എൽവിഷ് കിങ് എന്റെ അമ്മയെ പിൻ തിരിഞ്ഞു നോക്കിയിട്ടില്ല.. അമ്മയാണ് പറഞ്ഞത് ഇലവനുകൾ ചതിക്കുന്നവർ ആണെന്നും അതിന് പകരം ചോദിക്കാൻ ഞാൻ ഇവിടുത്തെ ക്വീൻ ആകണം എന്നും..

അത് മനസ്സിൽ വരിച്ചു കൊണ്ടാണ് ഞാൻ ഇവിടെ വന്നത്.. പക്ഷെ മനുഷ്യർ ആയ ഇവർ വരെ ഈ ലോകത്തിന് വേണ്ടി പോരാടിയപ്പോൾ ഞാൻ ഒന്ന് കൂടെ ചിന്തിച്ചു.. ആ ചിന്തയിൽ എന്റെ ശരികൾ എല്ലാം തെറ്റ് ആയിരുന്നു എന്ന് എനിക്ക് മനസ്സിലായി..”

അവൾ ഒന്ന് പറഞ്ഞു നിർത്തി..

“ഒരു എൽഫ് ആയത് കൊണ്ടാണ് ഇന്ന് വെയിലാ എന്നെ ആക്രമിച്ചത്..

ആ സ്പിയർ.. അത് കയ്യിൽ എടുത്തപ്പോൾ എനിക്ക് ഒരുപാട് കാര്യങ്ങൾ മനസ്സിലായി സഹോദരി..”

എലനോർ അത് പറഞ്ഞപ്പോൾ എല്ലാവരിലും ഒരു ആകാംഷ വന്നു..

“സഹോദരി എന്താണ് പറഞ്ഞത് എന്ന് വ്യക്തമാക്കാമോ..?”

വയലിൻ അവളുടെ അടുത്തേക്ക് ചെന്നു..

“വെയിലായും ക്രെത്തയും ആർമെഡയും എൽവിഷ് ലോകം കീഴടക്കാൻ തയാറായത് അവരുടെ പുറകിൽ ഒരുപാട് ശക്തികൾ ഉള്ളത് കൊണ്ടാണ്.. റോഷന്റെ ഇടപെടൽ മൂലം ക്രെത്ത ഇനി വരില്ല.. വെയിലായും വരില്ല.. ആർമെഡയും വരില്ല.. അവർക്ക് വ്യക്തമായ ഒരു ഉദ്ദേശം ഉണ്ടായിരുന്നു..”

അവൾ അത് പറഞ്ഞു നിർത്തി..

“എന്ത് ഉദ്ദേശം…? അവരുടെ പുറകിൽ ഉള്ള ശക്തി ആരാണ്..?”

എല്ലാവരും ഒരുമിച്ചാണ് ചോദിച്ചത്..

“ക്രെത്തയുടെ അമ്മ.. അവർ ജീവനോടെ ഉണ്ട്.. അവർ മാത്രം അല്ല അവരുടെ ഒരു വലിയ ഗ്രഹം മുഴുവൻ..

ക്രെത്ത മൂൺലൈറ്റിനെ തടവിൽ ആക്കിയത് എൽവിഷ് ലോകം കീഴടക്കാൻ ആണ്…