MOONLIGHT IX (മാലാഖയുടെ കാമുകൻ ) 723

അവൾ അത് പറഞ്ഞു മൂൺലൈറ്റിനെ അടർത്തി മാറ്റി.. എലനോർ അപ്പോഴും അവരെ നോക്കി നിൽക്കുക ആയിരുന്നു..

“എലനോർ..? നിനക്ക് സിംഹസനം വേണോ..? ഒരു വാക്ക് തന്നാൽ മാത്രം മതി.. ഇലവനുകൾ ഇനി കഷ്ടപ്പെടരുത്.. ഞാൻ എന്റെ റാണിപട്ടം ഒഴിവാക്കാം.. നിനക്ക് വേണ്ടി..”

വയലിൻ അത് പറഞ്ഞപ്പോൾ എല്ലാവരും ഞെട്ടി അവളെ നോക്കി.. അപ്പോഴാണ് വയലിൻ അവിടെ നിന്ന മെറിനെയും ലിസയെയും കണ്ടത്..

“എനിക്ക് വിശ്വസിക്കാൻ ആകുന്നില്ല.. നിങ്ങൾ വന്നു അല്ലെ..?”

അവൾ ഓടി ചെന്ന് ഇരുവരെയും പുണർന്നു നിന്നു..

“ഞങ്ങൾ മനുഷ്യർ ആയത് കൊണ്ട് വരാൻ കഴിഞ്ഞു..”

മെറിൻ പുഞ്ചിരിയോടെ അത് പറഞ്ഞപ്പോൾ വയലിൻ സ്നേഹത്തോടെ അവരെ നോക്കി..

“എന്റെ ജീവൻ തന്ന ആളുടെ ലോകത്തിന് വേണ്ടി വന്നില്ലെങ്കിൽ ഞാൻ മനുഷ്യൻ അല്ലാതെ ആകില്ലേ റാണി..?”

“അത്ഭുതം തോന്നുന്നു എനിക്ക്.. നമുക്ക് ഒരുപാട് സംസാരിക്കാൻ ഉണ്ട് മെറിൻ, ലിസ..”

വയലിൻ സന്തോഷത്തോടെ അത് പറഞ്ഞപ്പോൾ അവർ തലയാട്ടി..

“വേണ്ട.. എനിക്ക് ഈ സിംഹാസനം വേണ്ട..”

പെട്ടെന്ന് എലനോർ അത് പറഞ്ഞപ്പോൾ വയലിൻ തിരിഞ്ഞ് അവളെ നോക്കി..

“സഹോദരി വന്നത് അതിന് അല്ലെ..? ഞങ്ങളെ ഒക്കെ ശത്രുക്കൾ ആയി കണ്ട സഹോദരിക്ക് എന്താണ് ഈ മനം മാറ്റം..?”

മൂൺലൈറ്റ് ആണ് അത് ചോദിച്ചത്..

“ഒന്നും അവസാനിച്ചിട്ടില്ല സഹോദരി.. എല്ലാം തുടങ്ങിയിട്ടേ ഉള്ളു.. ശരിയാണ് ഞാൻ വന്നത് ഇലവനുകൾ എന്റെ ശത്രുക്കൾ ആണെന്ന് കരുതി തന്നെയാണ്..