MOONLIGHT IX (മാലാഖയുടെ കാമുകൻ ) 723

എലനോർ മൂൺലൈറ്റിന്റെ കവിളിൽ ഒന്ന് തൊട്ട് അത് പറഞ്ഞപ്പോൾ അവൾ തന്റെ സഹോദരിയെ തന്നെ നോക്കി നിന്നു..

എലനോർ ആ സ്പിയർ എടുത്ത് സിംഹസനത്തിന് നേരെ നടന്നു ചെന്നു..

“കുമാരി…?”

ആർവൻ മൂൺലൈറ്റിനെ നോക്കി.. മൂൺലൈറ്റ് തല ചലിപ്പിച്ചു..

“സഹോദരി ഇഷ്ടമുള്ളത് ചെയ്യട്ടെ.. അവളെ തടയരുത്..”

മൂൺലൈറ്റ് അത് പറഞ്ഞപ്പോൾ ആർവൻ തലയാട്ടി..

സിംഹാസനത്തിന്റെ മുൻപിൽ നിന്ന് അതിലേക്ക് ഒന്ന് നോക്കി ഒരു അലർച്ചയോടെ എലനോർ ആ സ്പിയർ സിംഹാസനത്തിന്റെ മുൻപിൽ ഉള്ള ഭാഗത്തേക്ക് ആഞ്ഞു കുത്തി.. അത് പകുതിയോളം നിലത്തേക്ക് ഇറങ്ങി പോയിരുന്നു..

“എലനോർ.. ഞങ്ങളുടെ സഹോദരി ആയ നിന്നെ ഇവിടെ എത്തിച്ചത് വിധി ആണ്..”

ആ സ്വരം കേട്ടപ്പോൾ എല്ലാവരും ഒരുപോലെ തിരിഞ്ഞു നോക്കി..

എൽവിഷ് ക്വീൻ വയലിൻ ആയിരുന്നു അത്.. എലനോർ പെട്ടെന്ന് അവളെ കണ്ടപ്പോൾ സകൂതം നോക്കി നിന്നു.. അവളുടെ സഹോദരി ആണ് അത് എന്ന് അവൾ മനസ്സിൽ ഓർത്തു..

വയലിൻ അവളുടെ അടുത്ത് വന്നു നിന്നു അവളെ നോക്കി..

“ഇവിടെ ആരും ശത്രുക്കൾ ഇല്ല സഹോദരി.. അത് സഹോദരിക്ക് മനസ്സിലായി എന്ന് കരുതുന്നു..”

വയലിൻ അവളുടെ കൈ കവർന്ന് അത് പറഞ്ഞപ്പോൾ അവൾ ഒന്ന് പുഞ്ചിരിച്ചു..

“താരി…”

മൂൺലൈറ്റ് ഓടിപോയി വയലിനെ പുണർന്നു നിന്നു.. വയലിൻ അവളെ സ്നേഹത്തോടെ ചുംബിച്ച ശേഷം അവൾ മൂൺലൈറ്റിന്റെ തോളിൽ തട്ടി അശ്വസിപ്പിച്ചു..

“എന്റെ സഹോദരിയെ കാത്തു സംരക്ഷിക്കാൻ കഴിയാത്ത ഞാൻ ഇനി ഈ സ്ഥാനത്തിന് അർഹ അല്ല എന്ന് എനിക്ക് തന്നെ തോന്നുന്നു..”