MOONLIGHT IX (മാലാഖയുടെ കാമുകൻ ) 722

മൂന്ന് പെരും അത് ഒരുമിച്ച് ഉരുവിട്ട് കൊണ്ട് അവരുടെ കൈകൾ വെയിലാക്ക് നേരെ നീട്ടി..

മിന്നൽ പായും പോലെ ആണ് മൂവരുടെയും കയ്യിൽ നിന്നും തീ പാഞ്ഞു ചെന്ന് വെയിലായുടെ ദേഹത്തേക്ക് പടർന്ന് കയറിയത്..

“ആആആ…”

അവളുടെ വേദന നിറഞ്ഞ നിലവിളി അവിടെ മുഴങ്ങി..

അവർ നിവർത്തി പിടിച്ചിരുന്ന വിരലുകൾ കൂട്ടി പിടിച്ചു കൈകൾ ചുരുക്കിയപ്പോൾ അഗ്നി വല്ലാത്ത ഒരു ഭാവത്തോടെ വെയിലായെ മുഴുവൻ ആയി വിഴുങ്ങി.. നിമിഷ നേരം കൊണ്ട് കരിഞ്ഞു പോയ വെയിലാ നിലത്തേക്ക് വെറും ചാരം ആയി വീണു..

അവളെ ഇല്ലാതെ ആക്കാൻ സർവ്വ ശക്തിയും എടുത്ത മൂൺലൈറ്റും ജൂഹിയും താഴേക്ക് വീണപ്പോൾ എലനോർ സ്പിയർ കയ്യിൽ എടുത്ത് അവിടേക്ക് നോക്കി നിന്ന മെറിനെ നോക്കി..

മെറിൻ ലിസയെ വലിച്ച് പൊക്കി.. ആർവനെയും വലിച്ച് പൊക്കി മെറിൻ എലനോറിനെ നോക്കി..

അവൾ നിലത്ത് കിടന്ന മൂൺലൈറ്റിനെയും ജൂഹിയെയും നോക്കി നിൽക്കുക ആയിരുന്നു..

•••

വയലിൻ വന്നതോടെ ഇലവനുകൾ വല്ലാത്ത ആവേശത്തിൽ ആയിരുന്നു..

അത്ര നേരം വാൾ കൊണ്ട് പോരാടിയ യുവതികൾ ഇപ്പോൾ മാജിക്‌ കൊണ്ടാണ് പോരാടുന്നത്.. വയലിൻ എഴുന്നേറ്റതോടെ അവരുടെ ശക്തികൾ തിരികെ വന്നു എന്ന് അവർക്ക് തോന്നി..

കൂടുതൽ ആർമി അവിടേക്ക് വന്നപ്പോൾ വയലിൻ പെട്ടെന്ന് കൈകൾ ഉയർത്തി.. അത് കണ്ട ഇലവനുകൾ പെട്ടെന്ന് യുദ്ധം നിർത്തി..

അതെ പോലെ തന്നെ എല്ലാവരും പുറകോട്ട് ഓടി മാറി.. വയലിൻ മാത്രം മുൻപിൽ നിന്നു.. ആർമി തൊട്ട് അരികിൽ എത്തിയിരുന്നു…