MOONLIGHT IX (മാലാഖയുടെ കാമുകൻ ) 723

തെറിച്ചു പോയി ഭിത്തിയിൽ തട്ടി താഴേക്ക് വീണ അവൾ ജൂഹിക്ക് നേരെ സ്പിയർ ആഞ്ഞു എറിഞ്ഞു കൊണ്ടാണ് താഴെ നിന്നത്.. അത് അവളുടെ കാലിൽ കയറി..

“ആാാാാ അമ്മേ…”

കൈ നീട്ടി നിന്ന ജൂഹിക്ക് അത് തടുക്കാൻ ആയില്ല.. അലർച്ചയോടെ അവൾ നിലത്തേക്ക് വീണു. കാലിൽ സ്പിയർ കുത്തി നിൽക്കുന്നു.. തുടയിൽ ആണ് കയറിയത്..

നിലത്ത് നിന്ന് കാലുകൾ ഉറപ്പിക്കും മുൻപേ മൂൺലൈറ്റിനെ വെയിലാ തിരിച്ചു പ്രഹരിച്ചു.. അവൾ അത് തടുത്തു എങ്കിലും അടി കിട്ടിയത് പോലെ തെറിച്ചു പോയി..

വെയിലാ ഒരു അലർച്ചയോടെ ഇരുകൈകളും നിലത്തേക്ക് ആഞ്ഞു കുത്തി.. വല്ലാത്തൊരു കുലുക്കം.. ഭൂമി കുലുങ്ങും പോലെ..

ആ കുലുക്കത്തിൽ മുകളിൽ നിന്നും വലിയ വിളക്കും കെട്ടിടം ഉറപ്പിച്ച വസ്തുക്കളും താഴേക്ക് വീണു.. അതിൽ ഒരു പലക വന്ന് വീണത് മൂൺലൈറ്റിന്റെ ദേഹത്തേക്ക് ആണ്..

നേരത്തെ വെയിലാ അടിച്ചു വീഴ്ത്തിയ ആർവൻ അവിടേക്ക് വന്നിരുന്നു..

മൂൺലൈറ്റിന്റെ അടുത്ത് എത്തിയ ആർവൻ കൂടെ അതിന്റെ അടിയിൽ പെട്ടുപോയി..

മെറിനും ലിസയും ഓടി ചെന്നു.. പലക വലിച്ച് മാറ്റും മുൻപേ വെയിലാ ജൂഹിയുടെ അടുത്തേക്ക് പോകുന്നത് കണ്ടു..

“മെറിൻ.. അവൾ ജൂഹിയെ കൊല്ലും..”

ലിസ അത് പറഞ്ഞതും

മെറിൻ ഗൺ എടുത്ത് അവൾക്ക് നേരെ നീട്ടി… അതിനും മുൻപേ അവൾ തിരിഞ്ഞു കൈ നീട്ടി.. അടി കിട്ടി മെറിൻ തെറിച്ചു വീണു.. അതെ പോലെ ലിസയും..

അവർ നാല് പേർക്കും ഒരു അനക്കവും ഇല്ല എന്ന് ഉറപ്പ് വരുത്തി വെയിലാ ജൂഹിയുടെ മുൻപിൽ എത്തി.. അവളുടെ കാലിൽ നിന്നും സ്പിയർ വലിച്ചു എടുത്തപ്പോൾ ജൂഹി വേദനിച്ച് കരഞ്ഞു..

“എൽവിഷ് ദേവതയുടെ അനുഗ്രഹം ഉണ്ട് നിനക്ക്.. പക്ഷെ ആയുസ് ഇല്ല..!”

വെയിലാ അത് പറഞ്ഞുകൊണ്ട് സ്പിയർ പൊക്കി അവളുടെ നെഞ്ചിലേക്ക് ആഞ്ഞു കുത്തി..